POCO M3 Pro 5G ఇటీవల ప్రపంచ వ్యాప్తంగా విడుదలయ్యింది. అయితే, ఇప్పుడు ఈ లేటెస్ట్ పోకో 5G ఫోన్ ఇండియాలో విడుదల అవుతోంది. ఈ POCO M3 Pro 5G స్మార్ట్ ఫోన్ ను జూన్ 8 న ఇండియాలో విడుదల చేస్తున్నట్లు పోకో ప్రకటించింది. ఈ అప్ కమింగ్ Poco 5G స్మార్ట్ ఫోన్ లేటెస్ట్ 5G చిప్ సెట్ మరియు మరిన్ని ప్రత్యేకతలతో ఆకర్షణీయమైన ధరతో ఇండియాలో లాంచ్ అవుతోంది.
ఈ ఫోన్ యొక్క ధర విషయానికి వస్తే, ఈ ఫోన్ ప్రపంచ మార్కెట్లో 4GB + 64GB బేసిక్ వేరియంట్ ని 159 యూరోలు(సుమారు 14,000 ధర) వద్ద ప్రకటించింది. ఇందులోనే, హై ఎండ్ వేరియంట్ 6GB + 128GB వేరియంట్ ని 179 యూరోలు(సుమారు 16,000 ధర) వద్ద ప్రకటించింది. పోకో ఎం3 ప్రో 5G కూల్ బ్లూ, పవర్ బ్లాక్, పోకో ఎల్లో అనే మూడు ఆకర్షిణీయమైన రంగుల్లో లభిస్తుంది.
ఇక ఈ లేటెస్ట్ స్మార్ట్ ఫోన్ పోకో ఎం 3 ప్రో 5 జి యొక్క స్పెసిఫికేషన్ల విషయానికొస్తే, ఈ స్మార్ట్ ఫోన్ 6.5-అంగుళాల FHD + రిజల్యూషన్ డిస్ప్లే తో వుంటుంది మరియు ఇది 90 Hz రిఫ్రెష్ రేట్ తో వుంటుంది. అధనముగా, ఈ డిస్ప్లే డైనమిక్ స్విచ్ ఫీచర్ మరియు 1,500: 1 కాంట్రాస్ట్ రేషియోకు మద్దతు ఇస్తుంది.
ఇక ఫోన్ ప్రాసెసర్ పరంగా, ఈ ఫోన్ మీడియాటెక్ డైమెన్సిటీ 700 SoC తో వస్తుంది, ఇది 6GB RAM వరకు మరియు 128GB వరకు స్టోరేజ్ తో జతగా వస్తుంది. ఇందులోని కెమెరా సెటప్, వెనుక భాగంలో ట్రిపుల్-లెన్స్ సెటప్ ఉంది, ఇందులో ఎఫ్ / 1.79 ఎపర్చర్ తో 48 మెగాపిక్సెల్ ప్రధాన కెమెరా ఉంటుంది. అలాగే, ఎఫ్ / 2.4 ఎపర్చర్ తో 2 మెగాపిక్సెల్ మాక్రో కెమెరా మరియు ఎఫ్ / 2.4 ఎపర్చర్ తో మరో 2 మెగాపిక్సెల్ డెప్త్ సెన్సార్ కూడా ఉన్నాయి. ఈ కెమెరా నైట్ మోడ్, AI కెమెరా 5.0, మూవీ ఫ్రేమ్, టైమ్ లాప్స్, స్లో మోషన్ వీడియో మరియుమ్యాక్రో మోడ్తో సహా అనేక ఫీచర్లను సపోర్ట్ చేస్తుంది.
సెల్ఫీల కోసం, మూవీ ఫ్రేమ్ వంటి ఫీచర్లకు మద్దతునిచ్చే f / 2.0 ఎపర్చర్ తో 8 మెగాపిక్సెల్ లెన్స్ ఉంది. ఇది కాకుండా, పోకో ఎం 3 ప్రో సైడ్-మౌంటెడ్ ఫింగర్ ప్రింట్ సెన్సార్ మరియు AI ఫేస్ అన్ లాక్ తో వస్తుంది. ఈ పోకో ఎం 3 ప్రో 5 జి స్మార్ట్ ఫోన్ 18W ఫాస్ట్ ఛార్జింగ్కు మద్దతునిచ్చే 5,000 ఎంఏహెచ్ బ్యాటరీతో అందించబడింది.