#image_title
New ఫోన్ లాంచ్ చేయడానికి సిద్దమయ్యింది పోకో కంపెనీ. పోకో బడ్జెట్ స్మార్ట్ ఫోన్ సిరీస్ గా పిలువబడే C సిరీస్ నుండి ఈ కొత్త స్మార్ట్ ఫోన్ గ్లోబల్ మార్కెట్ లో లాంచ్ చేయటానికి పోకో డేట్ అనౌన్స్ చేసింది. అదే, POCO C65 స్మార్ట్ ఫోన్ మరియు ఈ ఫోన్ ను గ్లోబల్ మార్కెట్ లో నవంబర్ 5వ తేదీ గ్లోబల్ మార్కెట్ లో లాంచ్ చేయబోతోంది. ఈ స్మార్ట్ ఫోన్ కోసం టీజింగ్ మొదలు పెట్టిన కంపెనీ, అధికారిక ట్విట్టర్ హ్యాండిల్ నుండి ఈ ఫోన్ గురించి టీజింగ్ మొదలు పెట్టింది. పోకో యొక్క ఈ అప్ కమింగ్ స్మార్ట్ ఫోన్ యొక్క విశేషాలు ఏమిటో చూద్దామా.
పోకో సి65 స్మార్ట్ ఫోన్ యొక్క లుక్ ను వెల్లడిస్తూ కంపెనీ ఈ ఫోన్ యొక్క టీజర్ ఇమేజ్ తో ట్వీట్ చేసింది కంపెనీ. ఈ ఫోన్ ఇమేజ్ ద్వారా ఈ ఫోన్ కొత్త ట్రెండీ లుక్స్ తో వస్తున్నట్లు మనం అర్ధం చేసుకోవచ్చు. ఈ సిరీస్ లో ముందుగా వచ్చిన స్మార్ట్ ఫోన్స్ కంటే ఈ ఫోన్ మరింత ట్రెండీగా మరియు ఆకట్టుకునే డిజైన్ తో కనిపిస్తోంది. ఈ ఇమేజ్ నుండి ఈ ఫోన్ మూడు కలర్ ఆప్షన్ లలో లాంచ్ అవబోతున్నట్లు కనిపిస్తోంది.
కంపెనీ అందించిన టీజర్ ఇమేజ్ ద్వారా ఈ అప్ కమింగ్ పోకో స్మార్ట్ ఫోన్ చాలా సన్నగా ఉన్నట్లు మనం చూడవచ్చు. ఈ ఫోన్ లో వెనుక 50MP ప్రధాన కెమేరా కలిగిన సెటప్ ఉంటుంది మరియు ఈ కెమేరా సెటప్ ఈ ఫోన్ ను ప్రీమియం ఫోన్ మాదిరిగా కనిపించేలా చేస్తోంది. ఈ ఫోన్ యొక్క RAM మరియు స్టోరేజ్ వేరియంట్స్ ను కూడా కంపెనీ వెల్లడించింది.
Also Read : కలుషిత గాలి నుండి కాపాడే Air Purifier ల పైన Amazon Sale బిగ్ డీల్స్.!
ఈ ఫోన్ రెండు వేరియంట్స్ లో లాంచ్ అవుతుంది. అందులో, మొదటిది 6GB RAM మరియు 128GB ఇంటర్నల్ స్టోరేజ్ వేరియంట్. రెండవది 8GB RAM మరియు 256GB ఇంటర్నల్ స్టోరేజ్ వేరియంట్. ఈ ఫోన్ ధరలను కూడా కంపెనీ ముందే తెలిపింది.
పోకో సి65 స్మార్ట్ ఫోన్ US మార్కెట్ ధరలను కూడా కంపెనీ ముందుగానే ప్రకటించింది. ఈ ఫోన్ స్టార్టింగ్ వేరియంట్ ( 6GB + 128GB ) US మార్కెట్ లో $109 (సుమారు రూ. 9,100) ధరతో లాంచ్ అవుతుంది. అలాగే, ( 8GB + 256GB ) US మార్కెట్ లో $109 (సుమారు రూ. 9,100) ధరతో లాంచ్ అవుతుంది.
అయితే, ఇండియన్ మార్కెట్ ధర వివరాలు ఇంకా వెల్లడించలేదు.
