వన్ప్లస్ తన అప్ కమింగ్ 5G స్మార్ట్ ఫోన్ వన్ప్లస్ నార్డ్ 2 ను లాంచ్ చేయడానికి సిద్ధమవుతోంది. వన్ప్లస్ నార్డ్ 2 5G స్మార్ట్ ఫోన్ ను జూలై 22 న ఇండియాలో లాంచ్ చేయనున్నట్లు ప్రకటించింది. ఈ అప్ కమింగ్ స్మార్ట్ ఫోన్ దాదాపుగా వన్ప్లస్ 9 సిరీస్కు సమానమైన డిజైన్ను కలిగి ఉంది. ఇది మాత్రమేకాదు వన్ప్లస్ నార్డ్ 2 లేటెస్ట్ మీడియాటెక్ ప్రొసెసర్ Dimensity 1200 AI SoC తో వస్తున్నట్లు ప్రకటించింది. వన్ప్లస్ నార్డ్ 2 యొక్క ఎక్స్ పెక్టెడ్ ఫీచర్లు మరియు అంచనా ప్రైస్ గురించి చూద్దాం.
వన్ప్లస్ నార్డ్ 2 యొక్క ఎక్స్ పెక్టెడ్ ఫీచర్ల విషయానికి వస్తే, ఈ స్మార్ట్ ఫోన్ 6.4 ఇంచ్ హై రిజల్యూషన్ డిస్ప్లే తో రావచ్చు. వన్ప్లస్ నార్డ్ 2 మీడియాటెక్ యొక్క లేటెస్ట్ మరియు ఫాస్ట్ ప్రాసెసర్ Dimensity 1200 AI SoC తో వస్తున్నట్లు వన్ప్లస్ ప్రకటించింది. ఈ ఫోన్ కూడా ఆక్సిజన్ స్కిన్ పైన ఆండ్రాయిడ్ 11 OS తో పనిచేస్తుంది.
ఇక కెమెరా సెటప్ గురించి చూస్తే, వన్ప్లస్ నార్డ్ 2 లో ట్రిపుల్ రియర్ కెమెరా సెటప్ వుంటుంది. ఈ సెటప్, 50 మెగాపిక్సెల్ + 8 మెగాపిక్సెల్ మరియు 2 మెగాపిక్సెల్ వంటి క్లీన్ సెటప్ తో ఉంటుంది మరియు 32 మెగాపిక్సెల్ సెల్ఫీ తో ఉంటుంది. ఈ ఫోన్ 4,500 mah బ్యాటరీ మరియు వేగవంతమైన ఛార్జింగ్ సపోర్ట్ తో వస్తుంది.
వన్ప్లస్ నార్డ్ 2 స్మార్ట్ ఫోన్ రూ.30,000 రూపాయల కంటే తక్కువ ధరకే ప్రకటించ వచ్చని అంచనా వేస్తున్నారు.