oneplus launching OnePlus Nord CE6 and CE6 lite in india
జస్ట్ వారాల క్రితం వన్ ప్లస్ నార్డ్ 6 స్మార్ట్ ఫోన్ లాంచ్ చేసిన వన్ ప్లస్, ఇప్పుడు ఇదే సిరీస్ నుంచి OnePlus Nord CE6 మరియు CE6 Lite లాంచ్ చేస్తున్నట్లు ప్రకటించింది. ఈ అప్ కమింగ్ స్మార్ట్ ఫోన్ లాంచ్ కోసం కంపెనీ టీజర్ ను కూడా విడుదల చేసింది. ఈ అప్ కమింగ్ స్మార్ట్ ఫోన్ లను క్రేజీ బిగ్ బ్యాటరీతో లాంచ్ చేస్తున్నట్లు కంపెనీ గొప్పగా టీజింగ్ చేస్తోంది.
వన్ ప్లస్ నార్డ్ CE 6 మరియు నార్డ్ CE 6 లైట్ రెండు స్మార్ట్ ఫోన్లు కూడా 2026 మే 7వ తేదీ మధ్యాహ్నం 12 గంటలకు ఇండియన్ మార్కెట్లో విడుదలవుతాయని వన్ ప్లస్ అనౌన్స్ చేసింది. వన్ ప్లస్ ఈ రెండు స్మార్ట్ ఫోన్ లను కూడా అమెజాన్ ఇండియా ద్వారా టీజింగ్ చేస్తోంది. అంటే, వన్ ప్లస్ నార్డ్ 6 స్మార్ట్ ఫోన్ మాదిరిగానే ఈ రెండు ఫోన్లు కూడా అమెజాన్ ఇండియా మరియు వన్ ప్లస్ అఫీషియల్ సైట్ ద్వారా సేల్ కి అందుబాటులోకి వస్తాయి.
వన్ ప్లస్ ఈ అప్ కమింగ్ స్మార్ట్ ఫోన్స్ కీలక ఫీచర్లు కూడా లాంచ్ డేట్ తో పాటు రివీల్ చేసింది. వన్ ప్లస్ నార్డ్ 6 ఫోన్ మాదిరిగా వన్ ప్లస్ నార్డ్ 6 CE లో కూడా టచ్ రిఫ్లెక్స్ చిప్ ఉంటుంది. ఈ ఫోన్ ను క్వాల్కమ్ Snapdragon 7s Gen 4 చిప్ సెట్ తో లాంచ్ చేస్తుంది. ఈ ఫోన్ కలిగిన ఈ డ్యూయల్ చిప్ పవర్ తో 144Hz రిఫ్రెష్ రేట్ తో గేమింగ్ సపోర్ట్ చేస్తుందని వన్ ప్లస్ తెలిపింది.
గేమింగ్ కి తగిన డిస్ప్లే కూడా ఈ ఫోన్ లో ఉంటుంది. ఈ ఫోన్ 1.5K రిజల్యూషన్, 144Hz రిఫ్రెష్ రేట్ మరియు 1800 నిట్స్ పీక్ బ్రైట్నెస్ కలిగిన AMOLED స్క్రీన్ కలిగి ఉంటుంది. అంతేకాదు, ఈ స్క్రీన్ 3840Hz PMW డిమ్మింగ్ ఫీచర్ కూడా కలిగి ఉంటుంది. ఈ ఫోన్ కూడా స్లిమ్ అండ్ కాంపాక్ట్ డిజైన్ తో ఉన్నట్లు కనిపిస్తోంది.
ఇక బ్యాటరీ విభాగానికి వస్తే, ఈ ఫోన్ 10 గంటల నాన్ స్టాప్ BGMI ప్లే లేదా 30 గంటల యూట్యూబ్ ప్లే అందించే భారీ 8000 mAh బ్యాటరీతో లాంచ్ అవుతుంది. ఈ బ్యాటరీతో పాటు 27W ఫాస్ట్ రివర్స్ ఛార్జ్ సపోర్ట్ ను కూడా వన్ ప్లస్ ఈ ఫోన్ లో అందించినట్లు తెలిపింది. వన్ ప్లస్ నార్డ్ 6 CE స్మార్ట్ ఫోన్ IP66, IP68, IP69 మరియు IP69K హై టైట్ వాటర్ అండ్ డస్ట్ ప్రూఫ్ గా ఉంటుంది.
Also Read: Vivo T5 Pro 5G ఫస్ట్ సేల్ నుంచి భారీ ఆఫర్స్ అందుకోండి.!
ఇక వన్ ప్లస్ CE6 లైట్ స్మార్ట్ ఫోన్ ఫీచర్స్ విషయానికి వస్తే, ఈ ఫోన్ ను 1 మిలియన్ కంటే అధిక AnTuTu స్కోర్ అందించే మీడియాటెక్ Dimensity 7400 APEX చిప్ సెట్ తో లాంచ్ అవుతుంది. ఈ ఫోన్ లో 144Hz రిఫ్రెష్ కలిగిన పవర్ ఫుల్ డిస్ప్లే కూడా ఉంటుంది. ఈ ఫోన్ 7000 mAh బిగ్ బ్యాటరీతో లాంచ్ అవుతుంది.