OnePlus 11 5G: కొత్త ఫోన్ లాంచ్ కోసం డేట్ ఫిక్స్ చేసిన వన్ ప్లస్. వన్ ప్లస్ ఇండియాలో విడుదల చేయబోతున్న ఈ అప్ కమింగ్ స్మార్ట్ ఫోన్ ఇప్పటికే చాలా క్రేజ్ ను సొంతం చేసుకుంది. ఈ ఫోన్ లో ఎటువంటి ఫీచర్లు ఉండబోతున్నాయని, ఎక్కువగా అంచనా వేస్తున్నారు. ఈ ఫోన్ లాంచ్ గురించి ఇప్పటికే అమెజాన్ ప్రత్యేకమైన మైక్రో సైట్ పేజ్ ద్వారా టీజింగ్ కూడా మొదలుపెట్టింది. అంటే, ఈ ఫోన్ అమెజాన్ ద్వారా సేల్ అవుతుందని మనం అర్ధం చేసుకోవచ్చు. ఈ అప్ కమింగ్ ఫోన్ గురించి తెలుసుకునే ప్రయత్నం చేద్దామా.
OnePlus 11 5G ఫోన్ గురించి అందించిన టీజర్ ద్వారా ఈ ఫోన్ ఆకట్టుకునే డిజైన్ తో వస్తున్నట్లు మనం చూడవచ్చు. వన్ ప్లస్ 11 5జి స్మార్ట్ ఫోన్ లాంచ్ ఈవెంట్ ఫిబ్రవరి 7 వ తేదీ సాయంత్రం 7:30 నిముషాలకు ప్రారంభమవుతుంది. ఈ స్మార్ట్ ఫోన్ వెనుక పెద్ద కెమెరా ఐలాండ్ సెటప్ Hasselblad బ్రాండింగ్ తో వుంది మరియు ఇందులో ట్రిపుల్ కెమేరా సెటప్ ని ఒక LED ఫ్లాష్ లైట్ తో అందించింది.
ప్రస్తుతం ఆన్లైన్లో వస్తున్న నివేదికలను విశ్వసితే, ఈ కెమేరా సెటప్ లో 50MP ప్రధాన కెమేరాకి జతగా 48MP అల్ట్రా వైడ్ కెమేరా మరియు 32MP టెలిఫోటో కెమేరా ఉండవచ్చు. ముందు సెల్ఫీ మరియు వీడియో కాలింగ్ కోసం 16MP సెల్ఫీ కెమెరా ఉంటుంది. ఈ ఫోన్ 6.7 ఇంచ్ AMOLED డిస్ప్లేని అధిక రిఫ్రెష్ రేట్ తో కలిగి ఉండవచ్చు. అలాగే, ఈ అప్ కమింగ్ వన్ ప్లస్ ఫోన్ 5000mAh బిగ్ బ్యాటరీని అత్యంత వేగంగా ఛార్జ్ చేసే ఫాస్ట్ ఛార్జింగ్ సపోర్ట్ తో కలిగి ఉంటుంది.