రెడ్మి K20 ప్రో కోసం Android Q బీటా అప్డేట్
ఈ స్మార్ట్ ఫోన్లన్నింటిలో కొత్త అనుభవాన్ని పొందబోతున్నారు.
ఆండ్రాయిడ్ క్యూ యొక్క బీటా అప్డేట్ను షావోమి తన Mi 9 మరియు రెడ్మి K 20 ప్రో మొబైల్ ఫోన్ల కోసం విడుదల చేసింది. ఈ కంపెనీ చైనాకు చెందిన ప్రసిద్ధ వెబ్సైట్ Weibo ద్వారా ఈ సమాచారాన్ని అందించింది. అంటే, చైనాలోని రెడ్మి K 20 ప్రో, మి 9 మొబైల్ ఫోన్ల కోసం ఆండ్రాయిడ్ క్యూ అప్డేట్ విడుదలైంది. అంటే, త్వరలోనే మీరు ఈ స్మార్ట్ ఫోన్లన్నింటిలో కొత్త అనుభవాన్ని పొందబోతున్నారు. అయితే, ఈ అప్డేట్ ప్రస్తుతం చైనాలో ఉన్నవారికి మాత్రమే.
షావోమి, ఈ అప్డేట్ ను గ్లోబల్ యూనిట్లకు కూడా తీసుకురాబోతోందని కూడా తెలుస్తోంది. GSMArena నివేదిక ప్రకారంగా చూస్తే, ఈ Android Q అప్డేట్ MIUI ఆధారితమైనది, ఇది మీ సెక్యూరిటీని మరింత జాగ్రత్తగా చూసుకుంటుంది, ఇది మీ బ్యాక్ గ్రౌండ్ ఆప్స్ కి కూడా అనుమతిస్తుంది, ఇది ప్రైవసీకి చాలా ముఖ్యమైనది. ఈ మొబైల్ ఫోన్ ఇటీవలే భారతదేశంలో లాంచ్ అయ్యింది మరియు మంచి స్పెసిఫికేషన్లతో ఆకట్టుకుంటుంది.
Redmi K20 Pro : ప్రత్యేకతలు
షావోమి ఈ రెడ్మి K20 ప్రో ఫోనులో ఒక 7 వ జనరేషన్ ఇన్ డిస్ప్లే ఫింగర్ ప్రింట్ స్కానరును పరిచయం చేసింది. ఈ K20 ప్రో స్మార్ట్ ఫోన్ ఒక 6.39 అంగుళాల FHD+ AMOLED డిస్ప్లేతో వస్తుంది. అయితే, ఇందులో ఎటువంటి నోచ్ లేకుండా పూర్తి డిస్ప్లేతో అందించింది. ఎందుకంటే, ముందు, సెల్ఫీల కోసం పాప్ అప్ సెల్ఫీ కెమేరాని ఇందులో అందించింది. ఈ స్మార్ట్ఫోన్ 19.5: 9 ఆస్పెక్ట్ రేషియోతో మరియు 91.9 శాతం స్క్రీన్-టు-బాడీ నిష్పత్తితో వస్తాయి. ఇది అత్యదికంగా 600 నిట్స్ బ్రైట్నెస్ అందిస్తుంది. ఈ రెడ్మి K20 ప్రో యొక్క డిస్ప్లే యూట్యూబ్, Netflix మరియు PUBG వంటి వాటిలో HDR కంటెంటుకు మద్దతిస్తుందని కంపెనీ పేర్కొంది. ఈ ఫోన్ యొక్క డిస్ప్లే ఒక కార్నింగ్ గొరిల్లా గ్లాస్ 5 తక్షణతో అందించబడింది. అలాగే, వెనుక భాగంలో ఒక 3D కర్వ్డ్ గ్లాస్ డిజైన్ అందించింది.
ఈ ప్రో వేరియంట్ AI సహాయంతో దాని బ్యాటరీ పనితీరును పెంచే స్మార్ట్ ఆప్టిమైజేషనుతో వస్తుంది. ఇక ఛార్జింగ్ మరియు బ్యాటరీ విషయాలకు వస్తే, ఇందులో 27 W వేగవంతమైన ఛార్జింగ్ టెక్నాలజీతో 4000 mAh బ్యాటరీతో వస్తుంది. అయితే, బాక్స్ లో మాత్రం కేవలం 18వాట్స్ చార్జరును మాత్రమే అందించింది.
అదనంగా, ఈ స్మార్ట్ ఫోన్స్ ఒక 3.5 mm జాక్ మరియు రెడ్మి K20 ప్రో స్మార్ట్ఫోన్ ఒక స్నాప్డ్రాగెన్ 855 చిప్సెట్టుతో వస్తుంది. ఇది గరిష్టంగా, 2.84GHz వరకు క్లాక్ స్పీడును అందిస్తుంది. ఈ ఫోన్ AnTuTu పైన 3,88,803 స్కోరును సాధించినట్లు, షావోమి ప్రకటించింది.
ఈ స్మార్ట్ ఫోను యొక్క వెనుక భాగంలో ఒక ట్రిపుల్ కెమేరా సెటప్పును అందించింది. Sony IMX 586 సెన్సారుతో 48MP కెమేరాతో కూడిన ట్రిపుల్ రియర్ కెమెరా ఇందులో వ్వబడింది. అలాగే, ఇది 8MP టెలిఫోటో లెన్స్ మరియు 13MP వైడ్ – యాంగిల్ లెన్స్ కలిగి ఉంది. ఈ కెమెరాలో అందించిన టెలిఫోటో కెమేరాతో 2X ఆప్టికల్ జూమ్ చేసుకోవచ్చు. ముందు కెమెరా విషయానికి వస్తే, 20 MP సెల్ఫీ కెమేరా ఒక పాప్-అప్ మెకానిజంతో వస్తుంది. ఈ సెల్ఫీ కెమేరా ఒక కెమేరా ఎడ్జ్ లైటింగ్ సిస్టం తో వస్తుంది. ఇది కార్బన్ బ్లాక్, ఫ్లేమ్ రెడ్ మరియు గ్లేసియర్ బ్లూ వంటి మూడు రంగుల ఎంపికలతో లభిస్తుంది.