125W టర్బో పవర్ ఫాస్ట్ చార్జ్ 200MP కెమెరా వంటి భారీ ఫీచర్లతో మోటోరోలా తన కొత్త ఫోన్ ను లాంచ్ చేసింది. అదే Motorola Edge 30 Ultra స్మార్ట్ ఫోన్ మరియు ఈ ఫోన్ అనేక భారీ ఫీచర్ల సమాహారంగా ఇండియన్ మార్కెట్ లో అడుగుపెట్టింది. ఈ స్మార్ట్ ఫోన్ భారీ 200MP ట్రిపుల్ కెమెరా సెటప్ తో పాటుగా 60MP సెల్ఫీ కెమెరాతో వచ్చింది. కేవలం కెమెరా విభాగంలో మాత్రమే కాదు అన్ని విభాగాల్లో కూడా ఈ ఫోన్ ఆకట్టుకుంటోంది. అందుకే, ఈ మోటోరోలా లేటెస్ట్ స్మార్ట్ ఫోన్ గురించి వివరంగా చూద్దామా.
మోటోరోలా ఎడ్జ్ 20 అల్ట్రా 6.67 ఇంచ్ FHD + రిజల్యూషన్ గల పంచ్ హోల్ ఎండ్ లెస్ ఎడ్జ్ డిస్ప్లే తో వుంటుంది. ఈ డిస్ప్లే 144 Hz రిఫ్రెష్ రేట్ మరియు HDR 10+ సర్టిఫైడ్ pOLED డిస్ప్లేని కలిగివుంటుంది. ఈ స్మార్ట్ఫోన్ Qualcomm Snapdragon 8 Gen 1 ఆక్టా కోర్ పవర్ ఫుల్ ప్రోసెసర్ శక్తితో పనిచేస్తుంది మరియు 8జిబి ర్యామ్ జతగా వస్తుంది. ఈ ఫోన్ ఇంటర్ స్టెల్లార్ బ్లాక్ మరియు స్టార్ లైట్ అనే రెండు అందమైన కలర్ అప్షన్ లలో లభిస్తుంది.
ఎడ్జ్ 20 అల్ట్రా యొక్క కెమెరా సెటప్ విషయానికి వస్తే, ఈ ఫోన్ వెనుక భాగంలో ట్రిపుల్ రియర్ కెమెరా సెటప్ కలిగివుంది. ఈ కెమెరా సెటప్ లో 200MP ప్రధాన కెమెరాని OIS సపోర్ట్ తో కలిగివుంది. దీనికి జతగా అల్ట్రా వైడ్ మరియు మ్యాక్రో రెండిటికి సపోర్ట్ చేసే 50MP భారీ సెన్సార్ మరియు 12MP పోర్ట్రైట్ సెన్సార్ ఉన్నాయి. ఈ కెమెరాతో 30fps లో 8K UHD వీడియోలను, 30/60fps లో 4K UHD వీడియోలను చిత్రీకరించవచ్చు. ముందు భాగంలో కూడా భారీ 60MP సెల్ఫీ కెమెరాని ఈ ఫోన్ లో అందించింది.
మోటోరోలా ఎడ్జ్ 30 అల్ట్రా లో 125W టర్బో పవర్ ఫాస్ట్ ఛార్జింగ్, 50W వైర్ లెస్ ఛార్జింగ్ సపోర్ట్ కలిగిన 4,610 mAh బ్యాటరీని అందించింది. ఇక ఇతర ఫీచర్ల విషయాన్ని వస్తే, ఈ ఫోన్ లో యాంటీ ఫింగర్ ప్రింట్ కోటింగ్ కలిగిన 3D కార్నింగ్ గొరిల్లా గ్లాస్ 5 వుంది. ఈ ఫోన్ IP52 వాటర్ ప్రొటెక్షన్ సర్టిఫికేషన్ తో వస్తుంది మరియు ఆన్ డిస్ప్లే ఫింగర్ ప్రింట్ సెన్సార్ ని కూడా కలిగివుంది.
మోటోరోలా ఎడ్జ్ 30 అల్ట్రా ఫోన్ 8జిబి మరియు 128జిబి స్టోరేజ్ తో రూ.54,999 రూపాయల ప్రారంభధరతో ప్రకటించబడింది. ఈ ఫోన్ Flipkart బిగ్ బిలియన్ డేస్ నుండి సాల్ అవుతుంది మరియు ఈ ఫోన్ పైన మరిన్ని సేల్ ఆఫర్లను కూడా అందించవచ్చు.