మోటోరోలా మోటో G10 ఈరోజు ఇండియాలో మోటో G30 తో పాటుగా లాంచ్ చెయ్యబడింది. మోటో G10 కూడా స్టాక్ ఆండ్రాయిడ్ 11 తో వస్తుంది. అంతేకాదు, 48ఎంపీ క్వాడ్ కెమెరా సెటప్ తో వస్తుంది. ఈ ఫోన్ బడ్జెట్ ధరలో 6000mAh బ్యాటరీ మరియు 20W వేగవంతమైన ఛార్జింగ్ సపోర్ట్ తో వస్తుంది. అంతేకాదు, మంచి వేగవంతమైన నెట్వర్క్ కోసం 2 X 2 MIMO తో వస్తుంది.
మోటో G10 (4జీబీ + 64 జీబీ ) : రూ.9,999
ఈ ఫోన్ యొక్క మొదటి సేల్ మార్చి 16 వ తేదీ మధ్యాహ్నం 12 గంటలకి మొదలవుతుంది.
ఈ మోటో G10 స్మార్ట్ ఫోన్ 6.5 -అంగుళాల HD + రిజల్యూషన్ గల డిస్ప్లే తో వుంటుంది. ఇందులో, సెల్ఫీ కెమెరా కోసం పైన వాటర్ డ్రాప్ డిజైన్ ని అందించింది. ఈ స్క్రీన్ 20: 9 ఎస్పెక్ట్ రేషియోని కలిగి ఉంది మరియు నీటి తుంపర్ల నుండి రక్షణ కోసం IP52 రేటింగ్ తో వస్తుంది. ఈ G10 క్వాల్కమ్ స్నాప్ డ్రాగన్ 460 ఆక్టా-కోర్ ప్రాసెసర్ శక్తితో వస్తుంది. ఇది 4GB RAM మరియు 64GB స్టోరేజ్ ఎంపికతో జత చేయబడుతుంది. ఇది నియర్ ఆండ్రాయిడ్ 11-స్టాక్ ఆండ్రాయిడ్ తో వస్తుంది.
ఇక కెమెరాల పరంగా, మోటో G10 వెనుక భాగంలో క్వాడ్-కెమెరా సెటప్ తో వస్తుంది, దీనిలో ప్రాధమిక 48MP కెమెరాకి జతగా 8MP అల్ట్రా-వైడ్-యాంగిల్ కెమెరా, 2MP మాక్రో కెమెరాని మరియు 2MP డెప్త్ సెన్సార్ లను జతచేసింది. ముందు భాగంలో, ఈ ఫోన్ పైభాగంలో వాటర్ డ్రాప్ నోచ్ లోపల 8 MP సెల్ఫీ కెమెరా ఉంది. ఇది వెనుక భాగంలో ఫింగర్ ప్రింట్ సెన్సార్ ని కలిగి వుంటుంది మరియు 5,000 ఎమ్ఏహెచ్ బ్యాటరీని 20W టర్బో పవర్ ఫాస్ట్ ఛార్జింగ్ సపోర్ట్ తో వస్తుంది.