ఈరోజు ఇండియాలో IQOO తన IQOO 7 సిరీస్ నుండి IQOO 7 5G మరియు IQOO 7 LEGEND అనే రెండు కొత్త స్మార్ట్ ఫోన్లను విడుదల చేసింది. వీటిలో, IQOO 7 5G స్టార్టింగ్ వేరియంట్ మరియు ఈ సిరీస్ ఫోన్లలో తక్కువ ధరలో వుంటుంది. అయితే, ఈ ఫోన్ డ్యూయల్ చిప్ టెక్నాలజీతో ప్రకటించబడింది. ఈ టెక్నలాజితో వచ్చిన మొట్టమొదటి స్మార్ట్ ఫోన్ గా IQOO 7 5G నిలుస్తుంది. ఇదొక్కటే కాదు ఇంకా చాలా ఫీచర్లు ఈ ఫోన్ ను ఔరా! అనిపిస్తాయి. అవేమిటో తెలుసుకుందామా..!
IQOO 7 5G (8జీబీ + 128 జీబీ ) : రూ.31,990
IQOO 7 5G (8జీబీ + 256 జీబీ ) : రూ.33,990
IQOO 7 5G (12జీబీ + 256 జీబీ ) : రూ.35,990
IQOO 7 5G స్మార్ట్ ఫోన్ పెద్ద 6.62 -అంగుళాల FHD + రిజల్యూషన్ గల AMOLED డిస్ప్లే తో వుంటుంది మరియు ఇది 120Hz రిఫ్రెష్ రేట్ మరియు 300Hz టచ్ శ్యాంప్లింగ్ రేట్ గల డిస్ప్లే. ఇందులో, సెల్ఫీ కెమెరా కోసం పైన మధ్యలో పంచ్ హోల్ డిజైన్ ని అందించింది. ఈ డిస్ప్లే ఇప్పటి వరకూ ఏ స్మార్ట్ ఫోన్ కు లేని విధంగా ఇంటెలిజెంట్ డిస్ప్లే చిప్ తో వస్తుంది మరియు గరిష్టంగా 1300 నైట్స్ బ్రైట్నెస్ అందించగలదు.
ఈ ఫోన్ క్వాల్కమ్ స్నాప్ డ్రాగన్ 870 5G ప్రాసెసర్ శక్తితో వస్తుంది. ఇది ఆక్టా-కోర్ CPU మరియు అడ్రినో 650 GPU తో పనిచేస్తుంది. ఇది 12GB RAM మరియు 256GB UFS 3.1 2- లైన్ స్టోరేజ్ ఎంపికతో జత చేయబడుతుంది. ఇది Funtouch OS 11.1 ఆధారితంగా ఆండ్రాయిడ్ 11 తో వస్తుంది. ఈ ఫోన్ డిస్ప్లే కోసం అధనపు చిప్ సెట్ తో అవస్తుంది. ఈ విధంగా వచ్చిన మొట్టమొదటి స్మార్ట్ ఫోన్ గా IQOO 7 5G నిలుస్తుంది.
ఇక కెమెరాల విషయంలో, IQOO 7 5G వెనుక భాగంలో ట్రిపుల్-కెమెరా సెటప్ తో వస్తుంది. కానీ, క్వాడ్ కెమెరా లాగా పనిచేస్తుంది మరియు ఈ కెమెరాలు అద్భుతమైన పనితనాన్ని అందించగలవు. దీనిలో, ప్రధాన కెమెరాని 48MP SonyIMX598 సెన్సార్ ని OIS ఫీచర్ తో f/1.8 అపర్చర్ తో అందించింది. అంటే, ఈ మైన్ కెమెరా ఫోటోలు మరియు వీడియోలను చిత్రీకరించడంలో అద్భుతంగా వుంటుంది. దీనికి జతగా 13MP అల్ట్రా-వైడ్ & మ్యాక్రో కెమెరా మరియు 2MP మోనో సెన్సార్ లను జతచేసింది. ఇందులో, పిక్సెల్ షిఫ్ట్ అనే కొత్త ఫీచర్ ను కూడా జతచేసింది. ముందు భాగంలో, ఈ ఫోన్ పైభాగంలో ఉన్న పంచ్ హోల్ లోపల 16 MP సెల్ఫీ కెమెరాని అందించింది.
IQOO 7 5G డ్యూయల్ స్టీరియో స్పీకర్లు, Hi-Res సరౌండ్ సౌండ్ టెక్నాలజీతో వస్తుంది. ఈ ఫోన్ 4,400 ఎమ్ఏహెచ్ బ్యాటరీని 66W ఫ్లాష్ ఛార్జ్ సపోర్ట్ తో కలిగివుంటుంది. ఈ ఛార్జింగ్ టెక్నాలజీతో ఈ ఫోన్ ను 0% నుండి 100% నింపడానికి కేవలం 30 నిముషాల సమయం మాత్రమే తీసుకుంటుందని IQOO తెలిపింది.