iQOO 12 5G with 100x zoom camera launching on tomorrow evening 5pm
గత నెల ఈరోజుల నుండి ఐకూ కంపెనీ టీజింగ్ చేస్తున్న iQOO 12 5G లాంచ్ డేట్ వచ్చేసింది. ఐకూ 12 5జి స్మార్ట్ ఫోన్ ను రేపు సాయంత్రం 5 గంటలకు లాంచ్ చేయబోతోంది. ఈ స్మార్ట్ ఫోన్ 100X జూమ్ కెమేరా మరియు స్నాప్ డ్రాగన్ పవర్ ఫుల్ ప్రోసెసర్ తో ఇండియన్ మార్కెట్ లో విడుదల అవుతోంది. రేపు విడుదల కాబోతున్న ఈ కొత్త ఫోన్ గురించి మీరు తెలుసుకోవాల్సిన అన్ని వివరాలు ఇక్కడ ఉన్నాయి.
ఐకూ 12 5జి స్మార్ట్ ఫోన్ ను డిసెంబర్ 12వ తేదీ సాయంత్రం 5 గంటలకు లాంచ్ చేస్తోంది. ఈ స్మార్ట్ ఫోన్ ను గత నెలలోనే చైనీస్ మార్కెట్ లో లాంచ్ చేసింది ఐకూ. అయితే, ఇప్పుడు ఇండియన్ మార్కెట్ లో కూడా విడుదల చెయ్యడానికి సిద్దమయ్యింది. ఈ స్మార్ట్ ఫోన్ గురించి కంపెనీ అందించిన కీలకమైన స్పెక్స్ ద్వారా ఈ ఫోన్ ఎలా ఉండబోతోందనే ఒక అంచనా మనకు వస్తుంది. మరి స్పెక్స్ ఏమిటి మరియు ఈ ఫోన్ ఎలా ఉండబోతోందో తెలుసుకుందామా.
ఐకూ తీసుకు వస్తున్న ఈ ఫ్లాగ్ షిప్ స్మార్ట్ ఫోన్ 100X Zoom కలిగిన భారీ కెమేరా సెటప్ ను కలిగి వుంది. ఇందులో, వెనుక 50MP మెయిన్ + 50MP అల్ట్రా వైడ్ + 64MP పెరిస్కోప్ టెలీఫోటో సెన్సార్ తో ట్రిపుల్ కెమేరా సెటప్ వుంది. ఈ కెమేరా సెటప్ అద్భుతమైన ఫోటోలతో పాటుగా హై రిజల్యూషన్ వీడియోలను చిత్రీకరించవచ్చని ఐకూ చెబుతోంది.
Also Read : Realme C67 5G: ఫాస్ట్ ఛార్జింగ్ మరియు స్లీక్ డిజైన్ తో వస్తోంది.!
ఈ ఫోన్ లో అందించిన డిస్ప్లే గురించి కూడా లాంఛ్ కంటే ముందే వివరాలను అందించింది. ఈ ఫోన్ ను 144Hz రిఫ్రెష్ రేట్ కలిగిన 6.78 ఇంచ్ LTPO AMOLED డిస్ప్లేతో తీసుకు వస్తోంది. ఈ డిస్ప్లే 3000 నిట్స్ పీక్ బ్రైట్నెస్ మరియు వెట్ టచ్ టెక్నాలజీని కూడా కలిగి ఉంటుంది.
ఈ ఫోన్ క్వాల్కమ్ Snapdragon 8 Gen 3 ప్రోసెసర్ తో ఇండియన్ మార్కెట్ లో లాంచ్ అవుతున్న మొదటి ఫోన్ గా గుర్తింపు అందుకుంటుంది. అంతేకాదు, ఈ ఫోన్ లో హెవీ LPDDR5X RAM మరియు UFS 4.0 స్టోరేజ్ కూడా ఉన్నాయి. అధనంగా, ఈ ఫోన్ లో ఐకూ యొక్క ప్రత్యేకమైన Q1 సూపర్ కంప్యూటింగ్ చిప్ ను కూడా కలిగి వుంది.
ఐకూ 12 5G స్మార్ట్ ఫోన్ లో 5000mAh హెవీ బ్యాటరీని అత్యంత వేగవంతమైన 120W ఫాస్ట్ ఛార్జ్ సపోర్ట్ తో అందించింది.
