ఈ రెండు స్మార్ట్ ఫోన్లు కూడా వెనుక క్వాడ్ రియర్ కెమెరాతో వస్తాయి.
ట్రెండీ ఫీచర్లలు కలిగిన స్మార్ట్ ఫోన్లను బడ్జెట్ ధరలో తీసుకొచ్చే Infinix సంస్థ నుండి మరొక రెండు స్మార్ట్ ఫోన్లు ఇండియాలో విడుదలకానున్నాయి. ఈ రెండు స్మార్ట్ ఫోన్లను Infinix Hot 9 మరియు Hot 9 Pro పేరుతొ ఇండియాలో ఈ రోజు మధ్యాహ్నం 12 గంటలకి ఆన్లైన్ కార్యక్రమం ద్వారా విడుదల చెయ్యడానికి సిద్ధమవుతోంది. ఈ ఫోన్లను Flipkart ద్వారా విడుదల చేయనున్నట్లు ప్రకటించింది.
ఈ రెండు స్మార్ట్ ఫోన్లు కూడా వెనుక క్వాడ్ రియర్ కెమెరా సెటప్ మరియు పంచ్-హోల్ డిస్ప్లేతో వస్తాయి. ఈ రెండు ఫోన్ల మధ్య ఉన్న తేడా కెమెరా లెన్సులు మాత్రమే అని చెప్పొచు.అయితే, రెండు ఫోన్ల ధర, ఇతర ఫీచర్లను కంపెనీ ఇంకా ప్రకటించలేదు.
విడుదల కంటే ముందే, ఇన్ఫినిక్స్ నుండి వచ్చిన ఈ రెండు ఫోన్లు ఇ-కామర్స్ సైట్ ఫ్లిప్‌కార్ట్‌లో వాటి ముఖ్యమైన ఫీచర్లతో జాబితా చేయబడ్డాయి. ఫ్లిప్‌కార్ట్ జాబితా ప్రకారం, సాధారణ ఫోన్ HOT 9 లో వెనుక 13 మెగాపిక్సెల్ ప్రధాన కెమెరా ఉంటుంది మరియు ప్రో వేరియంట్ లో మాత్రం 48 మెగాపిక్సెల్ లెన్స్‌కు మద్దతు ఇస్తుంది.
ఇతర సెన్సార్లలో 2 మెగాపిక్సెల్ డెప్త్ సెన్సార్ మరియు 2 మెగాపిక్సెల్ మాక్రో లెన్స్ ఉంటాయి. తక్కువ-కాంతి ఫోటోగ్రఫీని మరింత మెరుగ్గా చేసే Low-Light సెన్సార్లు కూడా ఉంటాయి.
ఈ రెండు ఫోన్లలో కూడా 5000 ఎంఏహెచ్ బ్యాటరీ మరియు వెనుక భాగంలో అమర్చిన ఫింగర్ ప్రింట్ స్కానర్ కూడా ఉంటుంది. ఇన్ఫినిక్స్ హాట్ 9 గ్రీన్ మోడల్‌తో రాగా, హాట్ 9 ప్రో పింక్ వేరియంట్‌లో వస్తుంది. ఈ ఫోన్లు డిజైన్ మరియు రూపం పరంగా సమానంగా ఉంటాయి. ఫ్లిప్‌కార్ట్ మరియు ఇన్ఫినిక్స్ వెబ్‌సైట్ ద్వారా వీటిని ఆన్‌లైన్‌లో విక్రయిస్తారు. రిటైల్ అవుట్లెట్ల ద్వారా ఆఫ్‌లైన్ ప్లాట్‌ఫామ్‌లలో కూడా అందుబాటులో ఉంటుంది.
Follow Us
Raja Pullagura
Crazy about tech...Cool in nature... View Full Profile
