Honor X7c 5G price specs and features
Honor X7c 5G: ప్రముఖ చైనీస్ కంపెనీ హానర్ ఈరోజు ఇండియాలో కొత్త స్మార్ట్ ఫోన్ హానర్ ఎక్స్ 7c 5జి ఫోన్ లాంచ్ చేసింది. ఈ ఫోన్ మంచి లుక్స్ కలిగిన ప్రీమియం డిజైన్ మరియు ఈ ప్రైస్ సెగ్మెంట్ లో ఆకట్టుకునే ఫీచర్స్ తో భారత మార్కెట్లో అడుగుపెట్టింది. హానర్ సరికొత్తగా విడుదల చేసిన ఈ ఫోన్ ధర మరియు ఫీచర్లు తెలుసుకుందామా.
హానర్ ఈ ఫోన్ ను సింగల్ వేరియంట్ తో రూ. 14,999 ప్రైస్ ట్యాగ్ తో లాంచ్ చేసింది. ఈ ఫోన్ ఫారెస్ట్ గ్రీన్ మరియు మూన్ లైట్ వైట్ రెండు రంగుల్లో లభిస్తుంది. ఆగస్టు 20వ తేదీ మధ్యాహ్నం 12 గంటల నుంచి ఈ ఫోన్ అమెజాన్ నుండి సేల్ అవుతుంది.
ఈ హానర్ స్మార్ట్ ఫోన్ ఆకట్టుకునే ప్రీమియం డిజైన్ తో ఉంటుంది. ఈ ఫోన్ ప్రీమియం లెథర్ మరియు మార్బుల్ వంటి రెండు డిజైన్స్ లో లభిస్తుంది. ఈ ఫోన్ చాలా స్లీక్ గా ఉంటుంది మరియు SGS 5 స్టార్ డ్రాప్ రెసిస్టెంట్ ఫీచర్ తో స్ట్రాంగ్ గా ఉంటుంది. అంతేకాదు, ఈ ఫోన్ IP 64 వాటర్ అండ్ డస్ట్ రెసిస్టెంట్ గా కూడా ఉంటుంది. ఈ హానర్ ఫోన్ స్లీక్ డిజైన్ లో కూడా 5200 mAh బిగ్ బ్యాటరీ కలిగి ఉంటుంది మరియు ఈ బ్యాటరీ ని వేగంగా ఛార్జ్ చేసే 35W సూపర్ ఫాస్ట్ ఛార్జ్ సపోర్ట్ కూడా కలిగి ఉంటుంది.
హానర్ ఎక్స్ 7c స్మార్ట్ ఫోన్ 6.7 ఇంచ్ బిగ్ డిస్ప్లేని 120Hz రిఫ్రెష్ రేట్, FHD+ రిజల్యూషన్ మరియు మంచి 850 నిట్స్ బ్రైట్నెస్ తో కలిగి ఉంటుంది. ఈ ఫోన్ క్వాల్కమ్ Snapdragon 4 Gen 2 చిప్ సెట్ తో పని చేస్తుంది. ఈ చిప్ సెట్ కి జతగా ఇందులో 8 జీబీ ఫిజికల్, 8 జీబీ వర్చువల్ ర్యామ్ మరియు 256 జీబీ అంతర్గత హెవీ స్టోరేజ్ కూడా అందించింది. ఈ ఫీచర్స్ తో ఈ ఫోన్ చాలా వేగంగా ఉంటుందని హానర్ ప్రకటించింది.
Also Read: Motorola Collections: క్రిస్టల్స్ పొదిగిన ప్రీమియం ఫోన్ లాంచ్ చేస్తున్న మోటోరోలా.!
ఇక కెమెరా మరియు ఇతర ఫీచర్స్ విషయానికి వస్తే, ఈ ఫోన్ లో 50MP AI మోషన్ డ్యూయల్ రియర్ కెమెరా మరియు ముందు 32MP సెల్ఫీ కెమెరా అందించింది. ఈ ఫోన్ 3x లాస్ లెస్ జూమ్ మరియు మంచి AI కెమెరా ఫీచర్స్ కూడా కలిగి ఉంటుంది. హానర్ X7c ఫోన్ డ్యూయల్ స్టీరియో స్పీకర్లు కలిగి ఉంటుంది మరియు 300% హై వాల్యూమ్ కూడా కలిగి ఉంటుంది. ఇందులో ఎక్కువ సమయం బ్యాటరీ నిలపడానికి వీలుగా అల్ట్రా పవర్ సేవింగ్ మోడ్ కూడా ఉంది. ఈ ఫోన్ లో కూడా హానర్ మ్యాజిక్ క్యాప్సూల్ ని అందించింది. ఇది మల్టీ టాస్కింగ్ కోసం చక్కగా ఉపయోగపడుతుంది.
