ప్రముఖ మొబైల్ బ్రాండ్ నథింగ్ సబ్ బ్రాండ్ CMF తీసుకొస్తున్న CMF Phone 1 లో 50MP Sony డ్యూయల్ రియర్ కెమెరా ఉన్నట్లు కన్ఫర్మ్ చేసింది. ఈ ఫోన్ లాంచ్ డేట్ దగ్గర పడటంతో ఈ ఫోన్ యొక్క కీలకమైన ఫీచర్ లతో కంపెనీ టీజింగ్ స్పీడ్ పెంచింది. ఇప్పటి వరకూ ఈ ఫోన్ ప్రోసెసర్, ర్యామ్, డిస్ప్లే మరియు కెమెరా వివరాలు బయటపెట్టింది. అంతేకాదు, ఈ ఫోన్ తో పాటు స్మార్ట్ వాచ్ మరియు TWS బడ్స్ ను కూడా లాంచ్ చేస్తుంది.
జూలై 8న CMF ఇండియాలో మూడు కొత్త ప్రొడక్ట్స్ ను విడుదల చేస్తోంది. ఇందులో సిఎంఎఫ్ ఫోన్ కూడా వుంది. ఈ ఫోన్ ను బడ్జెట్ ధరలో ఇండియన్ మార్కెట్లో విడుదల చేస్తుందని టాక్ వుంది. అందుకే, ఈ ఫోన్ లాంచ్ గురించి ఎక్కువ చర్చ జరుగుతోంది. దానికి తగినట్లుగానే కంపెనీ కూడా ఈ ఫోన్ టీజింగ్ ను చాలా కాలం నుండి కొనసాగిస్తోంది. అయితే, లాంచ్ డేట్ దగ్గర పడటంతో ఈ ఫోన్ కీలకమైన ఫీచర్స్ ను కూడా బయటపెడుతోంది.
ఈ ఫోన్ ను మీడియాటెక్ Dimensity 7300 5G చిప్ సెట్ తో లాంచ్ చేస్తోంది. ఈ ఫోన్ లో 8GB ఫిజికల్ ర్యామ్ మరియు 8GB ర్యామ్ బూస్టర్ ఫీచర్ తో కలిపి 16GB ర్యామ్ అందుతుంది. ఈ ఫోన్ లో సూపర్ AMOLED డిస్ప్లే ఉన్నట్టు కూడా సిఎంఎఫ్ వెల్లడించింది. ఇవన్నీ ఇప్పటి వరకూ తెలిపిన విషయాలైతే, ఈ ఫోన్ లో 50MP సోనీ డ్యూయల్ రియర్ కెమెరా ఉన్నట్లు కొత్తగా తెలిపింది.
Also Read: చవక ధరలో LG ThinQ సపోర్ట్ తో కొత్త QLED Smart Tv లాంచ్ చేసిన డైవా.!
ఈ ఫోన్ లో అందించిన కెమెరా మరియు సెటప్ ను తెలిపే ఇమేజ్ ను కూడా అందించింది. ఈ ఇమేజ్ ద్వారా ఈ ఫోన్ కెమెరా సెటప్ వివరాలు మరియు దీనికి జతగా ఉన్న LED ఫ్లాష్ లైట్ మరియు డిటాచబుల్ స్క్రూ కనిపిస్తున్నాయి. ఈ ఫోన్ తో పాటు Watch Pro 2 స్మార్ట్ వాచ్ మరియు Buds Pro 2 ఇయర్ బడ్స్ ను కూడా లాంచ్ చేస్తున్నట్లు కంపెనీ ప్రకటించింది.