iPhone 12 గురించి నెట్టింట్లో వస్తున్న రూమర్లు నిజమైతే కనుక, ఈ సారి iPhone తీసుకురానున్న iPhone 12 లైనప్ చాలా విస్తృతమైనది మరియు ఉత్తేజకరమైనదిగా ఉండవచ్చు. నెక్స్ట్ జెనరేషన్ ఐఫోన్ సరికొత్త డిజైన్, సన్నని బెజెల్ మరియు 5G సపోర్ట్ కలిగి ఉందనే రూమర్ ఉంది. ఏదేమైనా, 2021 ప్రారంభంలో 5 జి మద్దతు లేకుండా చౌకైన ఐఫోన్ 12 వస్తుందని కొత్త నివేదిక సూచిస్తుంది.
ఈ ఐఫోన్ 12 యొక్క చవక మోడల్, కేవలం 4G- సపోర్ట్ తో మాత్రమే వస్తుందని, ఈ మోడల్ ధర సుమారు $ 800 (సుమారు రూ .60,000) ఉందవచ్చని మరియు ప్రస్తుత ఆపిల్ సరసమైన ఫోన్ iPhone SE వంటి ఫోన్ లతో ఎక్కువ సంఖ్యలో వినియోగదారులను సంపాదించానికి కృషి చేస్తున్నట్లు అర్ధమౌతోంది.
ఆపిల్ 2021 ప్రారంభంలో, చౌకైన 4G -Only iPhone 12 ను విడుదల చేయనుంది. కంపెనీ త్రైమాసిక ఆదాయాల కాల్ సందర్భంగా ఆపిల్ CFO లూకా మేస్త్రీ మాట్లాడినప్పుడు iPhone 12 ప్రొడక్షన్ వెనుకబడిందని ఆపిల్ ఇప్పటికే ధృవీకరించింది.
ఒక 6.1-అంగుళాల iPhone 12 మరియు 12 Pro ఫోన్లు రెండూ అక్టోబర్‌ లో మొదటి వేవ్‌ లో లాంచ్ అవుతాయని, 5.4-అంగుళాల iPhone 12 మరియు 6.7-అంగుళాల iPhone 12 Pro తరువాతి కాలంలో విడుదల చేయబడతాయని, ఇది బహుశా నవంబర్‌ లో కావచ్చని తెలిపింది. ఈ విషయాలన్నిటిని చూస్తుంటే, 2021 ప్రారంభంలో చౌకైన 4G -Only iPhone 12 విడుదల గురించి సరిపోలుతున్నాయి.
ఇక ఇతర iPhone వార్తలలో, ఈ ఐఫోన్ 12 ప్రో ఫోను ఎక్కువగా రిఫ్రెష్ రేట్ డిస్ప్లేని కలిగి ఉండవు. ఇంజనీర్లు బ్యాటరీ జీవితానికి సంబంధించి ఆందోళన చెందుతున్నట్లు తెలిసింది.