சுமார் இரண்டு மணி நேரம் முடங்கியிருந்த வாட்ஸ்அப் சேவைகள் மீட்டெடுக்கப்பட்டுள்ளன. இந்தியாவில் மதியம் 12.30 மணி முதல், பயனர்கள் வாட்ஸ்அப்பில் செய்திகளை அனுப்புவதிலும் பார்ப்பதிலும் சிக்கல்களை எதிர்கொண்டனர் உண்மையில், இது வாட்ஸ்அப் அரட்டைகள் மற்றும் குழு அரட்டைகளில் காணப்பட்டது. பயனர்கள் வாட்ஸ்அப்பில் நிலையைப் பார்ப்பதிலும் சிக்கலை எதிர்கொண்டனர். முதலில், WhatsApp குழு சேட்டின் செய்தி அனுப்புவதில் சிக்கல் ஏற்பட்டது, அதன் பிறகு பயனர்கள் சாதாரண சேட்யிலிருந்து கூட செய்திகளை அனுப்ப முடியவில்லை. இதை மெட்டா நிறுவனமும் உறுதி செய்துள்ளது.
இந்தியாவில் வாட்ஸ்அப் சேவை நேற்று (அக்டோபர் 25) மதியம் முடங்கியது. தொழில்நுட்ப கோளாறு காரணமாக முடங்கிய வாட்ஸ்அப் சேவை இரண்டு மணி நேரம் கழித்து மீண்டும் செயல்பாட்டு வந்தது. இந்தியா மட்டுமின்றி உலக நாடுகளிலும் வாட்ஸ்அப் சேவை முடங்கி போனது. இந்த செயலி சுமார் இரண்டு மணி நேரம் முடங்கி போனது.
வாட்ஸ்அப் வரலாற்றில் இத்தனை மணி நேரம் செயலி முடங்கியது இதுவே முதல் முறை ஆகும். சேவை முடங்கியதால் பயனர்களால் புகைப்படம், வீடியோ, குறுந்தகவல் உள்ளிட்டவைகளை வாட்ஸ்அப்-இல் அனுப்பவோ, பெறவோ முடியாத சூழல் ஏற்பட்டது. இது குறித்து டவுன்டிடெக்டர் வெளியிட்டு இருக்கும் தகவல்களில் நாடு முழுக்க சுமார் 25 ஆயிரத்திற்கும் மேற்பட்டோர் வாட்ஸ்அப் சேவையை இயக்க முடியாத சூழல் ஏற்பட்டது.
முந்தைய தகவல்களில் வாட்ஸ்அப் சர்வெர்களில் ஏற்பட்ட பிரச்சினை காரணமாக சேவை முடங்கி இருக்கலாம் என கூறப்பட்டது. எனினும், வாட்ஸ்அப் சேவை தொழில்நுட்ப குறைபாடு காரணமாக முடங்கியது என மெட்டா நிறுவன செய்தி தொடர்பாளர் வெளியிட்டு இருக்கும் அறிக்கையில் குறிப்பிடப்பட்டு உள்ளது.
திடீரென முடங்கிய நிலையில், வாட்ஸ்அப் சேவைகள் மதியம் 2 மணி அளவில் மீண்டும் செயல்பாட்டுக்கு வந்தது. எனினும், செயலியில் அவ்வப்போது சில இடர்பாடுகள் ஏற்பட்டதாக பயனர்கள் குற்றம்சாட்டினர். இதைத் தொடர்ந்தே வாட்ஸ்அப் மீண்டும் முழுமையாக செயல்பாட்டுக்கு வந்தது.