இன்ஸ்டாகிராம் ரீல்ஸில் கிடைக்கும் அசத்தலான அப்டேட்.
Follow Usஇன்ஸ்டாகிராம் புதிய அம்சத்தை கொண்டு வருகிறது
ரீல்களை உருவாக்குவதற்கான நேரம் 90 வினாடிகள் வரை இருக்கும்
நிறுவனம் புதிய அம்சத்தை அறிவித்துள்ளது
நீங்கள் இன்ஸ்டாகிராமில் ரீல்களை உருவாக்கினால் அல்லது இன்ஸ்டாகிராம் பயனராக இருந்தால், உங்களுக்கு ஒரு நல்ல செய்தி உள்ளது. இன்ஸ்டாகிராம் இப்போது புதிய மற்றும் சிறந்த புதுப்பிப்பில் செயல்படுகிறது. இன்ஸ்டாகிராமின் இந்த புதிய அப்டேட் மூலம், பயனர்கள் 90 வினாடிகள் ரீல்களை பதிவு செய்ய முடியும். தற்போது 60 வினாடி ரீல்கள் தயாரிக்கும் வசதி உள்ளது என்பதை நினைவில் கொள்ளவும். இப்போது நீங்கள் வீடியோவை ரீல்ஸிலும் பகிரலாம், அதாவது இன்ஸ்டாகிராமின் கேமராவிற்குப் பதிலாக, போனின் கேமராவிலிருந்து பதிவுசெய்யப்பட்ட வீடியோவை கிளிப்பில் நீங்கள் சேர்க்க முடியும். நீங்கள் இப்போது உங்கள் சொந்த ஆடியோவை Instagram இல் சேர்க்க முடியும்.
Surveyமெட்டா நிறுவனம் இன்ஸ்டாகிராமை அடுத்த கட்டத்திற்கு கொண்டு செல்ல பல்வேறு அப்டேட்டுகளை தொடர்ந்து வெளியிட்டு வருகிறது. டிக்டாக் மற்றும் ஸ்னாப்சாட் போன்றவற்றின் வலர்ச்சியைத் தடுக்கவே அந்நிறுவனம் இதனை செய்து வருகிறது. அந்த வகையில் இன்ஸ்டாகிராமில் மேலும் சில புதிய அம்சங்களை வழங்குவதாக மெட்டா நிறுவனம் அறிவித்துள்ளது, குறிப்பாக அதன் ரீல்ஸில் மாற்றங்களை செய்துள்ளது.
முன்னதாக ஸ்டோரிஸில் பல்வேறு ஸ்டிக்கர்களை பயன்படுத்தும் வசதியை வைத்திருந்த அந்நிறுவனம் தற்போது ரீல்ஸிலும் ஸ்டிக்கர்களை பயன்படுத்தும் வண்ணம் அப்டேட் செய்துள்ளது. இது பயனர்களுக்கு பயனுள்ளதாக இருக்கும் என எதிர்பார்க்கப்படுகிறது.
அதேபோல் டெம்பிளேட்டில் சில மாற்றங்களை மெட்டா நிறுவனம், செய்துள்ளது. இந்த மாற்றம் பயனர்கள் ஈஸியாக வீடியோ மற்றும் ஆடியோக்களை சிங்க் செய்ய உதவும் என கூறப்படுகிறது.
அதேபோல் டிக்டாக் நிறுவனம் சமீபத்தில் அதன் வீடியோ நீளத்தை 3 நிமிடங்களில் இருந்து 10 நிமிடங்களாக மாற்றி இருந்தது. இந்நிலையில், இன்ஸ்டாகிராமிலும் தற்போது வீடியோவின் நீளம் அதிகரிக்கப்பட்டு உள்ளது. இன்ஸ்டாகிராம் ரீல்ஸில் இதற்கு முன்னர் 60 நொடிகள் வரை நீளமுள்ள வீடியோக்களை பதிவிட முடியும். ஆனால் தற்போது அதன் நீளத்தை 90 நொடிகளாக அதிகரித்து உள்ளனர்
