ஒரு ஆண்ட்ராய்டு போனுக்கு எவ்வளவு ரேம் இருந்தால் சரியாக இருக்கும்.
Follow Usஉங்கள் ஸ்மார்ட்போனுக்கு எவ்வளவு ரேம் தேவை
2ஜிபி முதல் 22ஜிபி வரையிலான ரேம் வரம்பை ஸ்மார்ட்போன்கள் கொண்டுள்ளன
2022இல் ஆண்ட்ராய்டு போனுக்கு ஏற்ற ரேம் அளவு என்ன? எதிர்காலத்தை கணக்கிட்டு ரேம் வகைகளை தேர்ந்தெடுப்பது எப்படி என்பதை பார்க்கலாம்
இன்று பயனர்கள் கையில் இருக்கும் மிகவும் பிரபலமான போன்களின் ரேம் அளவுகள் பல்வேறு வகைகளைக் கொண்டுள்ளன. ஒரு புறத்தில் உங்களிடம் 22 ரேம் வரையிலான ரேம் கொண்ட பிரீமியம் மொபைல்கள் உள்ளன. மறுமுனையில், பட்ஜெட் போன்கள் 4ஜிபி ரேம் கொண்டு இருக்கின்றன. இதற்கிடையில், நடுத்தர வரிசையில் 6 ஜிபி அல்லது 8ஜிபி ரேம்கள் கொண்ட ஸ்மார்ட்போன்கள் உள்ளன.
Surveyபொதுவாக, குறைந்த விலையுள்ள போன்கள் சிறிய அளவிலான ரேமைக் கொண்டிருக்கும், அதே சமயம் பிரீமியம், பிளாக்ஷிப் போன்கள் அதிகமான ரேம் மெமரியைக் கொண்டதாக இருக்கும். புதிய போன் வாங்கும் போது உங்களுக்கு எவ்வளவு ரேம் தேவை என்ற கேள்வி எப்போதும் எழும். இந்த நேரத்தில் 2022இல் ஆண்ட்ராய்டு போனுக்கு ஏற்ற ரேம் அளவு என்ன? எதிர்காலத்தை கணக்கிட்டு ரேம் வகைகளை தேர்ந்தெடுப்பது எப்படி என்பதை பார்க்கலாம்.
ரேம் vs ஸ்வாப் ஸ்பேஸ் (Ram Vs Swap Space)
உங்கள் போன் உள்பட ஒவ்வொரு கணினியும் ரேண்டம் அக்சஸ் மெமரியை (RANDOM ACCESS MEMORY – RAM) (ரேம்) பயன்படுத்துகிறது. நீங்கள் தற்போது இயக்கும் செயலிகளின் தரவுகள், இயங்குதளம் தரவுகள் ஆகியவை RAM மெமரி சேமிக்கப்படும். பத்து ஆண்டுகளுக்கு முன்பு, Android போன்களில் 512MB அல்லது 1GB ரேம் மட்டுமே கொடுக்கப்பட்டிருந்தது.
அதனைத் தொடர்ந்து ரேம் மெமரியின் சராசரி அளவு வேகமாக வளர்ந்தது. 2014ஆம் ஆண்டில், பல பிரீமியம் சாதனங்கள் 3 ஜிபி ரேம் கொண்டு வெளிவந்தன. 2016, 2017 காலகட்டங்களில் அது 4ஜிபி ஆக மாறியது. ஆனால் தற்போது 4 ஜிபி ரேம் மெமரி தான் குறைந்தபட்ச அளவாக பயனர்கள் மத்தியில் கருதப்படுகிறது.
அதிக ரேம் அதிக பலன்
இந்த சூழலில், 4ஜிபி ரேம் கொண்ட ஸ்மார்ட்போன்களுக்கு இது பெரும் பிரச்னையாக மாறும். ரேம் மெமரியில் இடம் இல்லை என்றால், ஸ்மார்ட்போன்கள் வேகமாக வேலை செய்யாது. இந்த குறையை போக்கவே Swap Space பயன்படுத்தப்படுகிறது. அதாவது, நாம் பயன்படுத்தும் செயலிகளின் பழைய தரவுகள் இந்த ஸ்வாப் மெமரியில் சேமிக்கப்படும்.
அதாவது, போனில் இருக்கும் தேவையற்ற மெமரி இதில் பயன்படுத்தப்படுகிறது. 4ஜிபி ரேம் + 64ஜிபி சேமிப்பகத்தை கொண்ட ஸ்மார்ட்போனில், 64ஜிபியில் பயன்படுத்தாத மெமரி, இந்த ஸ்வாப் ஸ்பேஸாக பயன்படுத்தப்படும். இதனை கையாள, நவீன தகவல் சாதனங்கள் ஸ்வாப்பிங் எனப்படும் தொழில்நுட்பத்தைப் பயன்படுத்துகின்றன. இந்த ஸ்வாப் ஸ்பேஸில் இருக்கும் மெமரி தேவைப்பட்டால், ரேம் உடனடியாக அதனை உள்வாங்கிக் கொள்ளும்.
இதன் பொருள் என்னவென்றால், உங்களிடம் அதிக ரேம் இருந்தால், பழைய பயன்பாடுகளை Android அழிக்காமல் நினைவகத்தில் சேமித்து வைத்திருக்கும். ஸ்வாப் மெமரி இருந்தாலும், ரேமின் அளவு அதிகமாக இருந்தால், வேகமாக நம் ஸ்மார்ட்போன்களை அணுக முடியும் என்பதே உண்மை. தற்போதைய சூழலில், சில நிறுவனங்கள் 8ஜிபி ரேம் மெமரி உடன், 4ஜிபி நீட்டிக்கப்பட்ட மெமரியையும் (Extended Memory) வழங்குகின்றன
நான் பயன்படுத்தும் கேம் அல்லது செயலிகளின் பட்டியலையும், அவை எடுத்துக்கொள்ளும் சராசரி ரேமின் அளவையும் தெரிந்துகொள்ளுங்கள்
சப்வே சர்பர்ஸ் (Subway Surfers) – 750MB
1945 ஏர்போர்ஸ் (1945 AirForce) – 850MB
கேண்டி க்ரஷ் (Candy Crush) – 350MB
மைன் கிராப்ட் (Minecraft) – 800MB
ஷாடோகன் லெஜெண்ட்ஸ் (Shadowgun Legends) – 900MB
குரோம் உலாவி (Chrome Browser) – 2.2 ஜிபி
சரி, ஆண்ட்ராய்டு போனுக்கு எவ்வளவு தான் ரேம் மெமரி தேவை?
4ஜிபி என்ற சராசரி ரேம் அளவு தற்போதையை சூழலில், பல பணிகளை மேற்கொள்ள போதுமானதாக இல்லை என்பது தெளிவாகத் தெரிகிறது. குறைந்தது 6ஜிபி ரேம் அளவு உங்களுக்கு ஏற்றதாக இருக்கும். அப்படி என்றால் 16ஜிபி, 22ஜிபி ரேம் மெமரி கொண்ட ஸ்மார்ட்போன்கள் சிறந்ததாக இருக்குமா என்றால்; அதுவும் இல்லை.
ரேமின் தேவை என்பது 6ஜிபி முதல் 12ஜிபி வரையில் இருந்தாலே போதுமானது. பெரிய ரேம்கள் பேட்டரியை இரையாக்கும். 16, 18, 22 ரேம் என்ற வகைகள் நிறுவனங்களின் எண் விளையாட்டுகள் தான். இதனைக் கொண்டு அவர்கள் நிறுவனத்துக்கு பெயர் வாங்க துடிக்கிறார்கள்.
ஆப்பிள் நிறுவனத்தின் திறன்மிகு ஸ்மார்ட்போன்கள், 3ஜிபி ரேம் அளவை தற்போதும் கொண்டுள்ளது. எனவே, அளவுக்கு மீறினால் அமிர்தமும் நஞ்சு என்பது போல, தேவையான ரேம் அளவை தேர்தெடுப்பதே சிறந்ததாக இருக்கும் என்று நினைக்கிறேன்.2022 இல் உங்கள் ஆண்ட்ராய்டு போனுக்கு உண்மையில் எவ்வளவு ரேம் தேவை?
