ACAC
கோடைக்காலத்தின் வெயிலின் தாக்கம் எப்படியெல்லாம் அதிகரிக்கிறதோ , அதே போல மக்கள் AC பல மணி நேரம் ஓட்டவேண்டி வருகிறது, ஆனால் அதனால் அதிக மின்சாரக் கட்டணம் வந்துவிடுமோ என்ற அச்சம் நிலவுகிறது. அதனால்தான், மக்கள் தங்கள் பணத்திற்கு அதிகச் சுமையாக இல்லாமல், இரவு முழுவதும் கூளிங்கான காற்றைத் தக்கவைத்துக் கொள்வதற்கான வழிகளை இப்போது தேடிக்கொண்டிருக்கிறார்கள்.இந்தத் தேவையைக் கருத்தில் கொண்டு, ஏசி நிறுவனங்கள் ஒரு பட்டன் அழுத்துவதன் மூலம் உங்கள் கூலிங் மற்றும் மின்சாரச் செலவுகள் இரண்டையும் சமநிலைப்படுத்தும் ஒரு சிறப்பு அம்சத்தை வழங்கியுள்ளன.
ஏசிகளில் உள்ள ஸ்லீப் மோடு, ஸ்மார்ட் கூலிங் தொழில்நுட்பத்தைப் பயன்படுத்துகிறது. நீங்கள் அதை இயக்கும்போது, ஏசி படிப்படியாக அறை வெப்பநிலையைச் சரிசெய்கிறது. ஆரம்பத்தில், அது அறையைக் குளிர்விக்கும், ஆனால் இரவு நேரம் செல்லச் செல்ல, வசதியான சூழலைப் பராமரிப்பதற்காக வெப்பநிலையைச் சிறிதளவு அதிகரிக்கும்.
இதன் நன்மை என்னவென்றால், ஏசி தொடர்ந்து அதிக குளிரூட்டும் திறனில் இயங்க வேண்டியதில்லை, மேலும் மின்சார நுகர்வும் குறைகிறது.
மக்கள் பெரும்பாலும் தங்கள் ஏசிகளை 18 அல்லது 20 டிகிரியில் வைத்துவிடுகிறார்கள். இதனால், இரவு முழுவதும் ஏசி முழு திறனில் இயங்குகிறது. இதன் விளைவாக, அதிகப்படியான குளிர்ச்சி ஏற்படுவது மட்டுமல்லாமல், மின்சாரக் கட்டணமும் வேகமாக அதிகரிக்கிறது.
ஸ்லீப் மோடு தேவைக்கேற்ப குளிரூட்டலைக் கட்டுப்படுத்துவதால், இந்தப் பிரச்சனையை அது நீக்குகிறது.
பல பிராண்டுகள் ஸ்லீப் மோடை பவர் சேவிங் மோடு அல்லது ஈக்கோ மோடு ஆகவும் வழங்குகின்றன. அதன் நோக்கமும் ஒன்றேதான்: குறைந்த மின்சாரத்தைப் பயன்படுத்தி சிறந்த கூளிங்கை வழங்குவது.
இந்த அம்சம் ஏசியின் கம்ப்ரசர் ஸ்பீடை கட்டுப்படுத்தி, தேவையற்ற பவர் கன்சம்ப்ஷன் தடுக்கிறது. இது மெஷினில் மீதான சுமையைக் குறைத்து, ஏசியின் நீண்ட கால ஆயுளை மேம்படுத்துகிறது.
உங்கள் ஏசியை 24 டிகிரி செல்சியஸ் அல்லது அதற்கு மேற்பட்ட வெப்பநிலையில் இயக்குவதே சிறந்தது என்று ஆற்றல் வல்லுநர்கள் கூறுகின்றனர். இந்த வெப்பநிலை இதமானது மற்றும் மின்சாரத்தையும் சேமிக்கிறது.
நீங்கள் ஏசியை மிகக் குறைந்த வெப்பநிலையில் இயக்கினால், அதிக குளிர்ச்சி கிடைக்கும், ஆனால் மின்சார கன்சம்ப்ஷன் பன்மடங்கு அதிகரிக்கும்.
இதையும் படிங்க:Split vs Window vs Portable AC: இந்த ஏசிகளில் எது பெஸ்ட் எது வாங்கினால் பெஸ்ட்டாக இருக்கும்
இப்போதெல்லாம், விண்டோ ஏசி அல்லது ஸ்பிலிட் ஏசி என கிட்டத்தட்ட எல்லா மாடல்களிலும் இந்த மின்சாரச் சேவிங் அம்சம் இடம்பெற்றுள்ளது. எளிதாக இயக்குவதற்காக ரிமோட்டில் ஒரு பிரத்யேக பொத்தானும் உள்ளது.
அதாவது, நீங்கள் ஏசியை முறையாகப் பயன்படுத்தினால், குளிர்ச்சியின் இன்பத்தையும் மின்சாரச் சேமிப்பையும் எந்தவித சமரசமும் இன்றி ஒரே நேரத்தில் பெறலாம்.