ரியல்மி நிறுவனம் ஏற்கனவே அறிவித்தப்படி இந்திய சந்தையில் ரியல்மி பட்ஸ் 2 நியோ இயர்போனினை அறிமுகம் செய்தது. இது 2019 ஆண்டு அறிமுகமான ரியல்மி பட்ஸ் 2 மாடலின் குறைந்த விலை வெர்ஷன் ஆகும். இதில் கியர் வடிவ கேபிள் வழங்கப்பட்டு இருக்கிறது. இது வயர்கள் சிக்கிக் கொள்ளாமல் இருக்க வழி செய்யும்.
ரியல்மி பட்ஸ் 2 நியோ புளூ மற்றும் பிளாக் நிறங்களில் கிடைக்கிறது. இந்தியாவில் இதன் விலை ரூ. 499 ஆகும். இது ப்ளிப்கார்ட், அமேசான், ரியல்மி வலைதளங்கள் மற்றும் ஆப்லைன் ஸ்டோர்களில் விற்பனை செய்யப்படுகிறது.
பட்ஸ் 2 மாடலில் இயர்போன் நேராக வழங்கப்பட்டு இருந்தது. புதிய பட்ஸ் 2 நியோ மாடலில் 90 டிகிரி ஆங்கில் கொண்ட ஜாக் வழங்கப்பட்டு இருக்கிறது. இது கேமிங்கின் போது கூடுதல் க்ரிப் வழங்குகிறது. மியூசிக் பிளே / பாஸ், அழைப்புகளை ஏற்பது, நிராகரிப்பது போன்ற அம்சங்களுக்கு இன்-லைன் ரிமோட் கண்ட்ரோல் வசதி வழங்கப்படுகிறது.