இன்ஸ்டாகிராமில் இனி பெரிய ஸ்டோரி சேர்க்கலாம்.
Follow Usஇன்ஸ்டா ஸ்டோரீஸ் அம்சத்தில் புதிய மாற்றத்தை விரைவில் புதிய அப்டேட் கொண்டு வர உள்ளது.
இன்ஸ்டா ஸ்டோரீஸ் நேரஅளவு 60 நொடிகளாக நீட்டிப்பு
இந்த அம்சம் தற்போது சோதனை கட்டத்தில் உள்ளது
மெட்டா நிறுவனத்திற்குச் சொந்தமான இன்ஸ்டாகிராம் அதன் பொதுவான அம்சங்களில் ஒன்றான இன்ஸ்டா ஸ்டோரீஸ் அம்சத்தில் புதிய மாற்றத்தை விரைவில் கொண்டு வர உள்ளதாக புதிய தகவல் வெளியாகி இருக்கிறது.
Surveyஇன்ஸ்டா ஸ்டேரீஸ் மூலம் தங்களுக்கு விருப்பமான காணொளிகளை பதிவிட 15 நொடிகளே நேரஅளவு இருந்து வருகிறது. அதாவது 15 நொடிகளுக்கு மேல் நீளம் கொண்ட காணொளிகள் தானாகவே பல அடுத்தடுத்த ஸ்டோரீஸ்களாக பிரிக்கப்படும். உதாரணமாக ஒருவர் ஒரு நிமிடம் அடங்கிய காணொளியை இன்ஸ்டா ஸ்டோரியில் பதிவிடும்போது, அது 15 நொடிகள் அடங்கிய 4 ஸ்டோரீஸ்களாக தானாகவே பதிவேற்றப்படும்.
இன்ஸ்டாவில் பதிவுகள், புகைப்படங்களை ஷேர் செய்வதற்கு அடுத்தபடியாக பயனர்களால் அதிகம் பயன்படுத்தப்படுவது இன்ஸ்டா ஸ்டோரீஸ் அம்சம் தான். ஆனால் இன்ஸ்டா ஸ்டோரியில் ஒரு பெரிய குறை இருந்து வருகிறது. பல நாட்களாக இதில் அப்டேட் வரும் என்று பயனர்கள் எதிர்பார்ப்புடன் காத்திருக்கின்றனர்.
இது இன்ஸ்டாகிராம் பயனர்கள் மத்தியில் ஒரு பெரிய குறையாகவே இருந்து வருகிறது. இதே மெட்டா நிறுவனத்திற்குச் சொந்தமான தகவல் பகிரும் செயலியான வாட்ஸ்அப், தனது பயனர்களுக்கு காணொலி பதிவிடும் ஸ்டேடஸ்களின் நேர அளவை 30 நொடிகளாக வைத்துள்ளது. அதே அளவேனும், இன்ஸ்டா ஸ்டோரீஸுக்கு வேண்டும் என பயனர்கள் பல நாட்களாக கோரிக்கை வைத்து வருகின்றனர்.
இந்த புதிய மாற்றத்தின் மூலம், இன்ஸ்டாகிராம் பயனர்களை ஒரே இன்ஸ்டா ஸ்டோரியில் ஒரு நிமிட காணொலிகளை பிரிக்காமல் வைக்க அனுமதிக்கும். சில பயனர்களுக்கு இந்த அம்சம் பீட்டா பதிப்பில் கிடைத்துள்ளதாகவும், அது சோதனை கட்டத்தில் இருப்பதாகவும் நிறுவனம் தெரிவித்துள்ளது.
இந்நிலையில் ஸ்னாப்சாட், டிக்டாக் போன்ற நிறுவனங்களுடனான போட்டியை கடுமையாக்கும் வகையிலும், தனது பயனர்களை திருப்தி படுத்தும் விதமாகவும், ஸ்டோரிஸ் நேர அளவை மாற்றி, 60 நொடிகள்; அதாவது 1 நிமிடம் வரை கொண்டு வர முயற்சிப்பதாக தகவல் வெளியாகியுள்ளது
