Vodafone Idea : कंपनीने लाँच केले दोन स्वस्त प्लॅन्स, किती आहे किंमत आणि काय मिळेल खास ?

Vodafone-Idea ने त्यांच्या पोर्टफोलिओमध्ये दोन नवीन रिचार्ज प्लॅन्स जोडले आहेत. कंपनीने प्रीपेड वापरकर्त्यांसाठी रु. 289 आणि रु. 429 प्लॅन्स सादर केले आहेत. दोन्ही प्लॅन्स खरोखर अमर्यादित श्रेणीचा भाग आहेत. म्हणजेच या प्लॅनमध्ये ग्राहकांना अनलिमिटेड कॉलिंगची सुविधा मिळणार आहे. तसेच SMS आणि भरपूर डेटाचा लाभदेखील मिळेल. 

हे सुद्धा वाचा : Smartphones Summer Sale : Realmeच्या 5G वर मिळतेय भारी सूट, स्वस्तात खरेदी करा महागडा फोन

Vi चा 289 रुपयांचा प्लॅन

या रिचार्जमध्ये ग्राहकांना अनलिमिटेड कॉलिंगची सुविधा मिळणार आहे. याशिवाय, तुम्हाला 600 SMS आणि 4GB डेटा संपूर्ण वैधतेसाठी मिळेल. डेटा कोणत्याही दैनिक मर्यादा कॅपसह येणार नाही. 289 रुपयांच्या रिचार्जमध्ये कंपनी 48 दिवसांची वैधता देत आहे.

Vi चा 429 रुपयांचा प्लॅन  

दुसरीकडे, 429 रुपयांच्या रिचार्ज प्लॅनबद्दल बोलायचे झाल्यास, यात अमर्यादित कॉलिंग फायदे देखील आहेत. या रिचार्जमध्ये वापरकर्त्यांना संपूर्ण वैधतेसाठी 6GB डेटा मिळेल. तसेच, यात तुम्हाला 1000 SMS ची सुविधा देखील मिळणार आहे. 

दोन्ही रिचार्ज प्लॅन कंपनीच्या अधिकृत वेबसाइटवर उपलब्ध आहेत. अधिक माहितीसाठी कंपनीच्या अधिकृत साईटला भेट द्या. 

याव्यतिरिक्त, दैनिक डेटासाठी कंपनीकडे 299 रुपयांचा प्लॅन आहे. ज्यात तुम्हाला डेली 1.5 GB डेटा मिळतो. त्याबरोबरच अमर्यादित कॉलिंग आणि डेली 100 SMS ची सुविधा देखील मिळते. या प्लॅनची वैधता 28 दिवसांची आहे. 

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile