मज्जाच मजा ! ‘या’ ठिकाणी BSNL 4G लवकरच लाँच होणार, आता स्वस्तात वापरता येईल भरपूर इंटरनेट

Updated on 25-May-2023

HIGHLIGHTS

या महिन्याच्या अखेरीस पंजाबमधील काही शहरांमध्ये BSNL 4G सादर होणार

4G नेटवर्कसाठीचे सिम लाँच झाल्यानंतर सुमारे 7-10 दिवसात विक्रीसाठी उपलब्ध होतील.

आता 4G नेटवर्कच्या लिस्टमध्ये BSNL चे नाव देखील सामील झाले आहे.

सरकारी टेलिकॉम कंपनी BSNL च्या 4G नेटवर्कची प्रतीक्षा युजर्सना बऱ्याच दिवसांपासून होती. अखेर पंजाबमध्ये BSNL 4G लाँच करण्यासाठी भारत संचार निगमने सर्व तयारी केली आहे. या महिन्याच्या अखेरीस पंजाबमध्ये BSNL 4G सादर केला जाण्याची शक्यता आहे. खरं तर, BSNL 4G आधीच देशाच्या काही भागात सुरु आहे. मात्र, BSNL 4G अद्याप देशातील सर्व भागात पोहोचलेले नाही.

TATA च्या सहकार्याने BSNL 4G लाँच करणार

आम्ही तुम्हाला सांगतो की, टाटा कन्सल्टन्सी सर्व्हिसेसचे टेक्नॉलॉजी आणि उपकरणे वापरून BSNL द्वारे पहिले व्यावसायिक लाँच केले जाणार आहे. जर आपण Livemint च्या अहवालावर नजर टाकली, जी सध्या इंटरनेटवर फिरत आहे, तर त्यानुसार BSNL 4G लाँच अमृतसर आणि फिरोजपूरमध्ये होणार आहे. या शहरांमध्ये BSNL 4G ची टेस्टिंग आधीच झाली आहे. म्हणजेच तेथील जनतेला याबाबत कल्पना आहे.

BSNL 4G SIM

TelecomTalk च्या रिपोर्टवर नजर टाकली तर, BSNL च्या अधिकाऱ्याने दिलेल्या माहितीनुसार 4G नेटवर्कसाठीचे सिम लाँच झाल्यानंतर सुमारे 7-10 दिवसात विक्रीसाठी उपलब्ध केले जातील. याच अधिकार्‍याकडून अशीही माहिती मिळत आहे की, या शहरांव्यतिरिक्त पंजाबच्या इतर शहरांमध्येही लवकरच 4G सुरू होणार आहे.

कारण पंजाब हा कंपनीसाठी कमाईचा मोठा स्रोत आहे, असे म्हटले जात आहे. BSNL ला देशातील ज्या शहरांमध्ये अधिक रेव्हिन्यू मिळत आहे, त्या सर्व शहरांमध्ये लवकरच BSNL 4G सादर केला जाण्याची शक्यता आहे, असेही म्हणता येईल. अशाप्रकारे, आता 4G नेटवर्कच्या लिस्टमध्ये BSNL चे नाव देखील सामील झाले आहे.

Disclaimer: Digit, like all other media houses, gives you links to online stores which contain embedded affiliate information, which allows us to get a tiny percentage of your purchase back from the online store. We urge all our readers to use our Buy button links to make their purchases as a way of supporting our work. If you are a user who already does this, thank you for supporting and keeping unbiased technology journalism alive in India.

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc.