केवळ iPhone नाही तर Android फोनमध्ये देखील मिळेल ई-सिम सुविधा
ई-सिम ट्रान्सफर फिचरची घोषणा
यासह, Googleने इतरही काही घोषणा केल्या आहेत.
ग्लोबल टेक दिग्गज Google ने Android स्मार्टफोनसाठी ई-सिम सुविधा आणण्याची घोषणा केली आहे. कंपनीने सांगितले की, या वर्षाच्या अखेरीस Android फोन वापरकर्ते ई-सिम देखील वापरण्यास सक्षम असतील. कंपनीने जगातील सर्वात मोठे टेक शो मोबाइल वर्ल्ड कॉंग्रेस MWC 2023 येथे ही घोषणा केली आहे. आतापर्यंत ही सुविधा फक्त iPhone मध्ये उपलब्ध होती.
गूगलने इतर फीचर्स देखील जाहीर केली आहेत. कंपनीने Samsung, Oneplus, Oppo आणि Xiaomi सारख्या आपल्या भागीदार ब्रँडसह नवीन Android फीचर्सची घोषणा केली आहे. गूगल म्हणाले की,Xiaomi 13 आणि Xiaomi 13 Pro फोनमध्ये 'डिजिटल कार की' फिचर मिळेल.
तर, OPPO Find N2 Flip आणि Oneplus 11 फोनमध्ये 'Nearby Share' फिचर समाविष्ट केले जाईल. गूगलने स्मार्टवॉचसाठी सिंगल टॅपमध्ये नोट्स बनविण्याची सुविधा देखील जाहीर केली.
गूगलने आपल्या ब्लॉग पोस्टमध्ये सांगितले की, Android डिव्हाइससाठी नवीन ई-सिम ट्रान्सफर फीचर या वर्षाच्या अखेरीस लाँच केले जाईल. हे फिचर प्रथम टेलिकॉम कंपनी ड्यूश टेलिकॉमसाठी लाँच केले जाईल. नंतरच्या इतर टेलिकॉम कंपन्या ई-सिम ट्रान्सफर फिचरचे समर्थन करण्यास सक्षम असतील.
ई-सिम फिचर GSMA च्या ग्लोबल स्टॅंडर्डवर बनविले गेले आहे. या मदतीने मोबाइल योजना नवीन फोनवर हस्तांतरित करण्यासाठी फिजिकली बदलण्याची आवश्यकता नाही. फोन बदलल्यावर युजर्स सिम बदलल्याशिवाय नवीन फोनमध्ये ई-सिम ऍक्टिव्हेट करू शकतात.
Disclaimer: Digit, like all other media houses, gives you links to online stores which contain embedded affiliate information, which allows us to get a tiny percentage of your purchase back from the online store. We urge all our readers to use our Buy button links to make their purchases as a way of supporting our work. If you are a user who already does this, thank you for supporting and keeping unbiased technology journalism alive in India.
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc.