Vivo V30e 5G
प्रसिद्ध स्मार्टफोन निर्माता Vivo ने अलीकडेच Vivo V50e स्मार्टफोन भारतात लाँच केला आहे. नवा फोन लाँच झाल्यानंतर जुने मॉडेल्स सवलतींसह विक्रीसाठी उपलब्ध करून दिले जात आहेत. सध्या Vivo V30e 5G स्मार्टफोनवर उत्तम सवलती मिळत आहे. फोनच्या स्पेक्सबद्दल बोलायचे झाल्यास, या फोनमध्ये 55000mAh बॅटरी आणि 50MP कॅमेरासारखे फीचर्स देण्यात आले आहेत. जाणून घेऊयात Vivo V30e 5G ची किंमत आणि सर्व ऑफर्स-
Vivo V30e फोनची किंमत 25,999 रुपये इतकी सूचिबद्ध आहे. ही फोनच्या 8GB+ 256GB स्टोरेज व्हेरिएंटची किंमत आहे. या फोनचे 8GB+ 128GB स्टोरेज मॉडेल 23,999 रुपयांना घरी आणता येईल. ऑफर्सबद्दल बोलायचे झाल्यास, या Vivo मोबाईल फोनवर IDFC, FEDERAL, Kotak, Onecard, HSBC आणि Yes Bank 1500 रुपयांची सूट देत आहेत.
Vivo V30e स्मार्टफोन व्हेल्व्हेट रेड आणि सिल्क ब्लू रंगात येतो. त्याबरोबरच, हा स्मार्टफोन 1,130 रुपये प्रति महिना नो-कॉस्ट EMI सह उपलब्ध आहे. फोनवर एक्सचेंज ऑफर देखील आहे. ही ऑफर तुम्हाला क्रोमावर मिळणार आहे.
उत्तम परफॉर्मन्स, स्पीड आणि मल्टीटास्किंगसाठी, या Vivo V30e मोबाईल फोनमध्ये Qualcomm चा Snapdragon 6 Gen 1 प्रोसेसर देण्यात आला आहे. या हँडसेटमध्ये 8GB रॅम आणि 256GB पर्यंत इंटरनल स्टोरेज . आहे. या फोनमध्ये 6.78 इंच लांबीचा डिस्प्ले देण्यात आला आहे, ज्याचा रिफ्रेश रेट 120Hz इतका आहे. फोनचा मागचा पॅनल ग्लास आणि प्लास्टिकच्या संमिश्र शीटपासून बनलेला आहे. उत्तम आवाजासाठी फोनमध्ये पॉवरफुल स्पीकर्स आहेत.
या Vivo स्मार्टफोनमध्ये ड्युअल रियर कॅमेरा सेटअप देण्यात आला आहे. यात 50MP चा मुख्य लेन्स देण्यात आला आहे, जो OIS ने सुसज्ज आहे. याशिवाय, कॅमेरा सेटअपमध्ये 8MP चा वाइड अँगल लेन्स देखील आहे. फोनमध्ये व्हिडिओ कॉलिंग आणि सेल्फी क्लिक करण्यासाठी 50MP कॅमेरा आहे. यामध्ये नाईट, पोर्ट्रेट, फोटो, व्हिडिओ, मायक्रो आणि पॅनो सारखे कॅमेरा फीचर्स देण्यात आले आहेत.
पॉवर बॅकअपसाठी, या Vivo स्मार्टफोनमध्ये 5500mAh ची शक्तिशाली बॅटरी आहे, जी 44W फास्ट चार्जिंगसह मिळते. त्यात अॅक्सेलेरोमीटर, अॅम्बियंट लाईट, प्रॉक्सिमिटी, ई-कंपास आणि जायरोस्कोप सारखे सेन्सर्स दिले आहेत.
