TIPS : तुमच्या कामाचे आहेत ‘हे’ ऍप्स, प्रत्येकाच्या फोनमध्ये असणे आवश्यक, बघा यादी

आजच्या डिजिटल जगात स्मार्टफोन प्रत्येक गोष्टीसाठी आवश्यक झाला आहे. ऑनलाइन घडणाऱ्या जवळपास सर्व गोष्टी स्मार्टफोनने करता येतात. स्मार्टफोनवरील ऍपचा वापर करून ऑनलाइन सुविधा आणखी सोपी करण्यात आली आहे. गुगल प्ले स्टोअरवर असे अनेक उपयुक्त ऍप्स उपलब्ध आहेत, जे तुमचे दैनंदिन वापराची कामे सोपे करतात. या रिपोर्टमध्ये आम्ही तुम्हाला अशाच पाच उपयुक्त अँड्रॉइड ऍप्सबद्दल सांगणार आहोत, जे तुमच्यासाठी खूप उपयुक्त ठरू शकतात.  

हे सुद्धा वाचा : भारीच की ! Moto X30 Pro हा 200MP कॅमेरा असलेला जगातील पहिला फोन असेल

CamScanner

हा एक प्रकारचा फाइल स्कॅनर ऍप आहे. याचा वापर करून तुम्ही तुमची महत्त्वाची कागदपत्रे PDF फाईलमध्ये सेव्ह करू शकता. हे ऍपमुळे तुमचा फोन PDF स्कॅनर बनतो. या ऍपद्वारे कॅमेऱ्याच्या मदतीने फोटो, मार्कशीट, आधार कार्ड, पॅनकार्ट यासारखी कागदपत्रे सहज स्कॅन करता येतात. या ऍपचा वापर करून, तुम्हाला कोणतेही पैसे खर्च न करता फिजिकल स्कॅनरसारखे काम मिळते. या ऍपमध्ये, तुम्हाला विविध डॉक्युमेंट मोड देखील मिळतात, जे तुम्हाला  तुमच्या सोयीनुसार वापरता येतील.

Google Files

 Google Files हे एक उत्तम ऍप आहे. त्याच्या मदतीने तुम्ही फाइल ट्रान्सफर, स्टोरेज मॅनेजमेंट आणि फाइल ब्राउझिंग देखील करू शकता. तुमच्या Android डिव्‍हाइसच्‍या स्‍टोरेजसाठी हे ऑल इन वन ऍपसारखे कार्य करते. यासह, सर्वात मोठी फाईल्स इतर Android डिव्हाइसेसमध्ये सहजपणे ट्रान्सफर केली जाऊ शकते. या ऍपद्वारे, तुम्ही तुमच्या फोनची मेमरी चांगल्या प्रकारे मॅनेज करू शकता. जसे की, जुन्या आणि अनावश्यक फाइल्स हटवणे, फोनमधील जंक क्लिअर करणे आणि डुप्लिकेट फाइल्स हटवणे ही कामे सहज करता येतात.

Internet Speed Meter Lite

वाढत्या डेटा रिचार्ज प्लॅनमुळे डेटा युसेजकडे लक्ष देणे, हे एक महत्त्वाचे काम बनले आहे. इंटरनेट स्पीड मीटर लाइट हे काम खूप चांगले करते. ऍपचे साईज 2-3 MB आहे आणि तुमच्या फोनचा इंटरनेट स्पीड डेटा कंजप्शन देखील रेकॉर्ड करतो, जेणेकरून तुम्हाला डेटा पुन्हा पुन्हा गमावण्याची भीती वाटत नाही. तुम्ही कमी डेटा रिचार्ज प्लॅन घेतल्यास, हे ऍप तुम्हाला डेटा मॅनेजमेंटमध्ये मदत करेल. तुम्ही एका क्लिकवर तुमचा उर्वरित डेटा शिल्लक देखील तपासू शकता.

Keep Notes

Google Play Store वर आढळणारे Keep Notes ऍप डिजिटल डायरीसारखे काम करतो. या ऍपमध्ये तुम्ही महत्त्वाच्या गोष्टी नोट करू शकता. या ऍपमध्ये चेक लिस्टचा पर्याय देखील उपलब्ध आहे, ज्यामध्ये तुम्ही किराणा सामानापासून घरातील इतर महत्त्वाची यादी बनवू शकता. हे ऍप यूजर फ्रेंडली आहे, यामध्ये तुम्हाला वेगवेगळ्या रंगांमध्ये लिस्ट आणि नोट्स तयार करण्याचा पर्यायही मिळतो. तसेच, यामध्ये मजकूरासह फोटो सेव्ह करण्याचा पर्याय देखील आहे.

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile