Jio വരിക്കാർക്ക് ഒരു വർഷം കൂൾ! മാസം 299 രൂപ; അൺലിമിറ്റഡ് 5ജിയും കോളിങ്ങും ഫ്രീ ഹോട്ട്സ്റ്റാറും

ടെലികോം നിരക്കുകൾ വർധിച്ചതോടെ കുറഞ്ഞ വിലയിൽ ഏത് റീചാർജ് ലഭിക്കുമെന്നാണ് ടെലികോം വരിക്കാർ അന്വേഷിക്കുന്നത്. എന്നാൽ ബുദ്ധിപരമായി ചിന്തിച്ചാൽ സ്വകാര്യ ടെലികോം കമ്പനികളിൽ നിന്നും ലാഭകരമായ പ്ലാനുകൾ ലഭിക്കും. Unlimited 5G ലഭിക്കുന്ന പ്ലാനുകൾക്ക് സാധാരണ Jio ടെലികോമിലും എയർടെലിലും 350 രൂപയ്ക്കും മുകളിലാണ് വില. എന്നാൽ ഇതേ ജിയോയിൽ 299 രൂപയ്ക്ക് അൺലിമിറ്റഡ് 5ജിയും അൺലിമിറ്റഡ് കോളിങ് സേവനവും ലഭിക്കുമെന്ന കാര്യം നിങ്ങൾക്കറിയാമോ? റിലയൻസ് ജിയോയുടെ മാസ പ്ലാനുകൾ തെരഞ്ഞെടുക്കാതെ ഇതിനായി വാർഷിക റീചാർജ് നോക്കിയാൽ മതി. ഫ്രീ ഒടിടി സബ്‌സ്‌ക്രിപ്ഷൻ ഉൾപ്പെടെയുള്ള ഓഫറുകളുള്ള ജിയോയുടെ വാർഷിക പ്ലാനിന്റെ ആനുകൂല്യങ്ങളും വിലയും മറ്റ് സവിശേഷതകളും അറിയാം.

Survey

Jio 365 Days Plan

ഒരോ മാസവും റീച്ചാർജ് ചെയ്യുന്നതിൻ്റെ ബുദ്ധിമുട്ടുകൾ ഒഴിവാക്കാനും, പണം ലാഭിക്കാനും ആഗ്രഹിക്കുന്നവർക്കുള്ള വാർഷിക പ്ലാനാണ്. ഈ പ്ലാനിന്റെ മാസച്ചെലവ് 299.9 രൂപയാണ്. അതിനാൽ 350 രൂപയ്ക്ക് മുകളിൽ വിലയിൽ 28 ദിവസത്തെ പ്ലാനുകൾ നോക്കുന്നതിനേക്കാൾ ഒരു വർഷത്തേക്കുള്ള ഈ ജിയോ റീചാർജ് തെരഞ്ഞെടുക്കാം. എല്ലാ ടെലികോം സേവനങ്ങളും ജിയോഹോട്ട്സ്റ്റാറും അനുവദിച്ചിട്ടുള്ള പ്ലാനിന് 3599 രൂപയാണ് വില. ഇതിന്റെ ദിവസച്ചെലവ് 9.8 രൂപയാണ്. 3599 രൂപ ജിയോ പ്ലാനിന്റെ ആനുകൂല്യങ്ങൾ എന്തൊക്കെയാണെന്ന് പരിശോധിക്കാം.

Jio 3599 Plan Benefits

ദിവസേന 2.5GB അതിവേഗ 4ജി ഡാറ്റയും, 5ജി ഫോൺ ഉപയോഗിക്കുന്നവർക്ക് പരിധിയില്ലാത്ത അൺലിമിറ്റഡ് 5ജി ഡാറ്റയും പ്ലാനിൽ നിന്ന് ലഭിക്കും. ഇതിൽ അൺലിമിറ്റഡ് വോയിസ് കോളിങ് സേവനവും ലഭ്യമാണ്. ലോക്കൽ, നാഷണൽ വോയിസ് കോളിങ് ആനുകൂല്യമാണ് പ്ലാനിലുള്ളത്. ജിയോ റീചാർജിൽ 100 എസ്എംഎസ്സുകളും ഉൾപ്പെടുത്തിയിരിക്കുന്നു.

1. വാലിഡിറ്റി: 1 വർഷം വാലിഡിറ്റി
2. ഡാറ്റ: 2.5GB 4ജി ഡാറ്റ. ഇതിൽ 5ജി വരിക്കാർക്ക് അൺലിമിറ്റഡ് 5ജിയുമുണ്ട്.
3. കോളിങ്: എല്ലാ നെറ്റ്‌വർക്കുകളിലേക്കും പരിധിയില്ലാത്ത വോയിസ് കോളിങ് സേവനം ലഭ്യം. ലോക്കൽ, നാഷണൽ കോളുകൾ റോമിങ് സേവനങ്ങളോടെ ലഭിക്കും.
4. SMS: പ്രതിദിനം 100 SMS അനുവദിച്ചിട്ടുണ്ട്.

Also Read: ഫ്ലെക്സ് വിൻഡോ ഡിസൈനും 50MP Dual ക്യാമറയുമായി Samsung Galaxy Z Flip 8 ഇതാ എത്തി!

3599 രൂപയുടെ 1 വർഷ പ്ലാനിലെ അധിക ഓഫറുകൾ

ഡാറ്റയ്ക്കും കോളിങ്ങിനും പുറമെ, സിനിമകളും വെബ് സീരീസുകളും കാണാനായി ഒരു ഫ്രീ ഒടിടി സബ്‌സ്‌ക്രിപ്ഷൻ കൂടി ജിയോയുടെ വാർഷിക പ്ലാൻ ഓഫർ ചെയ്യുന്നു. ജിയോഹോട്ട്സ്റ്റാർ പ്രീമിയം ആക്സസാണ് പ്ലാനിൽ ഉൾപ്പെടുത്തിയിട്ടുള്ളത്. 90 ദിവസത്തേക്കുള്ള ജിയോഹോട്ട്സ്റ്റാർ സബ്‌സ്‌ക്രിപ്ഷൻ ഇങ്ങനെ നേടാം.

3599 രൂപ റീചാർജിലെ മറ്റ് കോംപ്ലിമെന്ററി ഓഫറുകളാണ് ജിയോടിവി, ജിയോക്ലൗഡ് എഐ, 50 ജിബി സൗജന്യ ക്ലൗഡ് സ്റ്റോറേജും. ഗൂഗിൾ ജെമിനിയുടെ പ്രോ വേർഷൻ ഒരു വർഷത്തേക്ക് ഫ്രീയായി 3599 രൂപ റീചാർജിലൂടെ തികച്ചും സൌജന്യമായി ആസ്വദിക്കാം.

Anju M U

Anju M U specializes in mobile technology, AI, and consumer gadgets at Digit Malayalam. With over 6 years of experience, she simplifies complex telecom and OTT updates into actionable insights for the Malayalam news community. View Full Profile