വർഷം മുഴുവൻ നോ ടെൻഷൻ! Airtel തരും ദിവസവും 2GB ഡാറ്റയും അൺലിമിറ്റഡ് കോളിങ്ങും
Follow Us
ഓരോ മാസവും പണം മുടക്കി റീചാർജ് ചെയ്യുന്നത് മിക്കവർക്കും ഒരു തലവേദനയാണ്. എങ്കിൽ ദീർഘകാലത്തേക്കുള്ള പ്ലാനുകൾ തെരഞ്ഞെടുക്കുന്നത് തന്നെയാണ് ഇതിന് പരിഹാരം. മാസത്തിലൊരിക്കൽ റീചാർജ് പ്ലാൻ നോക്കേണ്ട ബുദ്ധിമുട്ട് ഒഴിവാക്കാൻ, Airtel കിടിലൻ വാർഷിക പ്ലാനുകൾ അവതരിപ്പിക്കുന്നുണ്ട്. ഒരു വർഷത്തേക്ക് റീചാർജിനെ കുറിച്ച് ചിന്തിക്കുകയേ വേണ്ട എന്ന് മാത്രമല്ല, അൺലിമിറ്റഡ് കോളുകളും ഡാറ്റയും ഈ പ്ലാനുകളിൽ ആസ്വദിക്കാം. പ്രതിമാസം ശരിക്കും പരമാവധി 300 രൂപ വരെ മാത്രമാണ് ഇതിൽ ചിലവാക്കേണ്ടത്. ഇവയുടെ മാസ ചെലവ് കണക്കുകൂട്ടിയാലും സാധാരണ മാസ പ്ലാനുകളുടെ വിലയാണെന്ന് പറയാം. അതിനാൽ തന്നെ നിങ്ങൾക്ക് നഷ്ടം വരാതെ ഒരു വർഷത്തേക്ക് തെരഞ്ഞെടുക്കാവുന്ന കിടിലൻ എയർടെൽ പ്ലാനിനെ കുറിച്ച് കൂടുതലറിയാം.
Surveyഭാരതി എയർടെൽ ഒരു വർഷ പ്ലാൻ
ഈ വാർഷിക പ്ലാനിൽ അൺലിമിറ്റഡ് കോളിങ്, ഡാറ്റ, എസ്എംഎസ് സേവനങ്ങൾ ഉൾക്കൊള്ളിച്ചിരിക്കുന്നു. സോണി ലിവ് ഉൾപ്പെടെയുള്ള ഒടിടി സേവനങ്ങളും ബണ്ടിൽ ചെയ്തിട്ടുള്ള വാർഷിക പ്ലാനാണിത്. മാസം 299 രൂപയാകുന്ന എയർടെൽ വാർഷിക പാക്കേജിന്റെ വില 3599 രൂപയാണ്. പ്ലാനിലെ ആനുകൂല്യങ്ങൾ ഒറ്റനോട്ടത്തിൽ പരിചയപ്പെടാം.
- കോളിങ്: ദിവസേനയോ പ്രതിമാസമോ കോളിംഗ് പരിധിയില്ലാതെ കോളിങ് സേവനം 3599 രൂപ പ്ലാനിൽ ലഭ്യമാണ്. ഇന്ത്യയിലെ ഏത് നെറ്റ്വർക്കിലേക്കും അൺലിമിറ്റഡായി എത്ര സമയം വേണമെങ്കിലും വോയിസ് കോളുകൾ ചെയ്യാമെന്നതാണ് നേട്ടം. ഇതിൽ ഭാരതി എയർടെൽ STD, റോമിങ് സേവനളുൾപ്പെടെയുള്ള സേവനമാണ് തരുന്നത്.
- ഡാറ്റ: 3599 രൂപയുടെ റീചാർജ് പ്ലാനിൽ നിങ്ങൾക്ക് അൺലിമിറ്റഡ് 5ജിയും ലഭിക്കുന്നു. 5ജി കവറേജുള്ള പ്രദേശങ്ങളിൽ, 5ജി സെറ്റുകളിൽ ഇവ അൺലിമിറ്റഡായി തുടരും. അതുപോലെ 4ജി കണക്റ്റിവിറ്റിയാണുള്ളതെങ്കിൽ, 2ജിബി ബൾക്ക് ഡാറ്റയും എയർടെൽ തരുന്നു.
- എസ്എംഎസ്: പ്രതിദിനം 100 എസ്എംഎസ് ഈ വാർഷിക പ്ലാനിൽ ലഭ്യമാണ്. ഒടിപി പോലുള്ള സേവനങ്ങൾക്ക് ഈ എസ്എംഎസ് സേവനം പ്രയോജനപ്പെടുത്താവുന്നതാണ്.
Airtel 3599 Plan: അധിക ഓഫറുകൾ
ഈ എയർടെൽ പാക്കേജിൽ ചില സ്പെഷ്യൽ ഓഫറുകൾ കൂടി ലഭ്യമാണ്. സോണി ലിവ് ഉൾപ്പെടെയുള്ള ഒടിടി പ്ലാറ്റ്ഫോമിലേക്ക് ആക്സസ് ലഭിക്കുന്ന പ്ലാനാണിത്. എന്നുവച്ചാൽ 3599 രൂപ റീചാർജ് എടുക്കുന്നവർക്ക്, എയർടെൽ എക്സ്ട്രീം പ്ലേ ആക്സസ് ലഭിക്കുന്നു. ഇതിലൂടെ സീ5, സോണി ലിവ് പോലുള്ളവയിലും ഫ്രീയായി ലോഗിൻ ചെയ്യാവുന്നതാണ്.
30 ദിവസത്തേക്ക് ഫ്രീ ഹലോ ട്യൂൺസ് ആക്സസ് ഇതിൽ ലഭ്യമാണ്. 2 മാസത്തേക്ക് സൌജന്യമായി അഡോബ് എക്സ്പ്രസ് പ്രീമിയം ആക്സസും എയർടെൽ തരുന്നു. ഇതിൽ സ്വകാര്യ ടെലികോമിന്റെ ആന്റി സ്പാം നെറ്റ് വർക്ക് സേവനം കോംപ്ലിമെന്ററിയായി ലഭിക്കും. സ്പാം കോളുകളും മെസേജുകളും ഓട്ടോമാറ്റിക്കായി തിരിച്ചറിഞ്ഞ്, അത് ഫോണിലെത്താതെ പ്രതിരോധിക്കുന്ന സംവിധാനമാണ് ആന്റി സ്പാം നെറ്റ് വർക്ക്.
