ഒന്നര ലക്ഷം വിലയാകുന്ന Vivo X Fold 6 ഉടൻ? 200MP ക്യാമറയും 7000 mAh ബാറ്ററിയും

ഫോൾഡബിൾ സ്മാർട്ട്‌ഫോൺ പ്രേമികൾ ആകാംഷയോടെ കാത്തിരിക്കുന്ന Vivo X Fold 6 ഉടൻ ഇന്ത്യയിൽ ലോഞ്ച് ചെയ്യുന്നു. ഒക്ടോബർ ആദ്യവാരത്തോടെ ഇന്ത്യൻ വിപണിയിൽ വിവോയുടെ പ്രീമിയം ഫോൾഡ് സ്മാർട്ട് ഫോൺ അവതരിപ്പിക്കുന്നു. 1,50,000 രൂപ റേഞ്ചിലുള്ള മടക്ക് ഫോണാകുമിത്. 200MP ZEISS ട്രിപ്പിൾ ക്യാമറയും 7000 mAh ബാറ്ററിയുമുള്ള വിവോ എക്സ് ഫോൾഡ് 6 ഫോണാകുമിത്.

ഈ വിവോ ഫോൺ സ്വന്തം വിപണിയിൽ ഇതിനകം അവതരിപ്പിച്ചിട്ടുണ്ട്. അഭിഷേക് യാദവ് എന്ന ടിപ്സ്റ്റർ പറയുന്നത് വിവോയുടെ ഈ ഫോൾഡബിൾ ഫോൺ ഒക്ടോബർ 6-ന് ഇന്ത്യൻ വിപണിയിൽ അവതരിപ്പിച്ചേക്കുമെന്നതാണ്. വിവോ വി80, വിവോ എസ്2 എഫ്ഇ ഫോണുകൾ പുറത്തിറക്കുമെന്ന് വിവോ നേരത്തെ സ്ഥിരീകരിച്ചു. ഇതിനൊപ്പം വിവോ എക്സ് ഫോൾഡ് 8 മൊബൈൽ ഫോണും ലോഞ്ച് ചെയ്യുമെന്ന് പ്രതീക്ഷിക്കുന്നു.

Vivo X Fold 6: പ്രതീക്ഷിക്കുന്ന ഫീച്ചറുകൾ

8.02 ഇഞ്ച് AMOLED മെയിൻ സ്‌ക്രീനും 6.51 ഇഞ്ച് AMOLED കവർ പാനലുമുള്ള ഫോണാകുമിത്. വിവോ ഫോൾഡബിൾ സ്മാർട്ട് ഫോണിന്റെ രണ്ട് ഡിസ്‌പ്ലേകൾക്കും 120 Hz റിഫ്രഷ് റേറ്റ് സപ്പോർട്ട് ലഭിക്കുമെന്നാണ് പ്രതീക്ഷ.

3 nm സാങ്കേതികവിദ്യയിൽ നിർമിച്ച മീഡിയടെക്കിന്റെ ഡൈമെൻസിറ്റി 9500 സൂപ്പർ ചിപ്‌സെറ്റാണ് ഫോണിൽ ഉൾപ്പെടുത്തുക. ഇത് 12GB റാമും 512GB വരെയുള്ള ഇന്റേണൽ സ്റ്റോറേജും സപ്പോർട്ട് ചെയ്യുമെന്നാണ് വിവരം. ഇതിന് പ്രിസം ബ്ലാക്ക്, നെബുല ടീൽ എന്നിങ്ങനെ രണ്ട് കളർ ഓപ്ഷനുകളുണ്ടാകുമെന്നാണ് റിപ്പോർട്ട്.

വിവോ എക്സ് ഫോൾഡ് 6 സ്മാർട്ട് ഫോണിൽ കരുത്തുറ്റ 6,000 mAh ബാറ്ററിയാണ് കൊടുക്കുന്നതെന്നാണ് സൂചന. ഇത് 80W വയർഡ്, 40W വയർലെസ് ചാർജിംഗ് സപ്പോർട്ടുണ്ടാകുമെന്നും പറയപ്പെടുന്നു. ആൻഡ്രോയിഡ് 17-നെ അടിസ്ഥാനമാക്കിയുള്ള OriginOS 7 എന്ന സോഫ്റ്റ്‌വെയർ സ്കിന്നിലാകും ഫോൺ പ്രവർത്തിക്കുന്നത്. ഇത് വെള്ളത്തിൽ നിന്നും പൊടിയിൽ നിന്നും പ്രതിരോധം ലഭിക്കാൻ IP58, IP59 സർട്ടിഫിക്കേഷനുകൾ ലഭിച്ചേക്കാം.

Also Read: 1 രൂപയ്ക്ക് എന്തൊക്കെ വാങ്ങാം? ഫ്രീ സിമ്മും അൺലിമിറ്റഡ് കോളും ഡാറ്റയുമായി BSNL ബമ്പർ ഓഫർ!

ക്യാമറയിലേക്ക് വന്നാൽ വിവോ എക്സ് ഫോൾഡ് 6 മോഡലിൽ ട്രിപ്പിൾ റിയർ സെൻസറുണ്ടാകും. 200MP മെയിൻ OIS സെൻസർ, 50MP അൾട്രാ-വൈഡ് ലെൻസ്, 50MP പെരിസ്കോപ്പ് ടെലിഫോട്ടോ ക്യാമറയും ഇതിലുണ്ടാകും. ഈ വിവോ ഫോണിൽ 20 മെഗാപിക്സലിന്റെ രണ്ട് സെൽഫി വീഡിയോ ക്യാമറകളും ലഭിച്ചേക്കും.

വിവോ എക്സ് ഫോൾഡ് 6 ഇന്ത്യയിലെ വില!

വിവോ സ്മാർട്ട് ഫോൺ ഇതുവരെ ഔദ്യോഗികമായി വില വിവരങ്ങൾ പുറത്തുവിട്ടിട്ടില്ല. ഇതിന് ഏകദേശം 1,29,999 രൂപയ്ക്കും 1,59,999 രൂപയ്ക്കും ഇടയിലാകും വിലയെന്നാണ് സൂചന. എന്തായാലും കൃത്യമായ വില വിവരങ്ങൾ ലോഞ്ച് സമയത്ത് മാത്രമേ വ്യക്തമാകുകയുള്ളൂ.