പവർ സ്റ്റാർ Samsung Galaxy M47, 6000mAh ബാറ്ററിയിൽ ഇന്ത്യയിലേക്ക്!

സാംസങിന്റെ M സീരീസിലേക്ക് പുതിയൊരു സ്മാർട്ട്ഫോൺ കൂടി എത്തുന്നു. Samsung Galaxy M47 ഇന്ത്യയിൽ ലോഞ്ച് ചെയ്യാനൊരുങ്ങുന്നു. സ്ട്രീമിംഗ്, ഗെയിമിംഗ്, സോഷ്യൽ മീഡിയ ഉപയോഗം തുടങ്ങിയവയ്ക്ക് കൂടുതൽ ബാക്കപ്പ് നൽകാൻ 6000mAh ബാറ്ററി ഇതിൽ നൽകിയേക്കും. 5G കണക്റ്റിവിറ്റി, മികച്ച ഡിസ്പ്ലേ, ശക്തമായ പ്രകടനം ചേർന്ന സ്മാർട്ട് ഫോണാണിത്. സാംസങ് മിഡ്-റേഞ്ച് വിഭാഗത്തിലേക്കാണ് ഫോൺ അവതരിപ്പിക്കുന്നത്. സാംസങ് ഗാലക്സി എം47 5ജിയുടെ പ്രത്യേകതകളും ഇന്ത്യയിലെ വിലയും അറിയാം.

Samsung Galaxy M47 Expected Specifications

ഈ സാംസങ് സ്മാർട്ട് ഫോണിന്റെ ഡിസ്പ്ലേ, ക്യാമറ, പ്രോസസർ തുടങ്ങിയ ഫീച്ചറുകൾ അറിയാം.

• ഡിസ്പ്ലേ: സാംസങ് ഗാലക്‌സി എം47 5ജിയ്ക്ക് 120Hz റിഫ്രഷ് റേറ്റുള്ള 6.7 ഇഞ്ച് FHD+ സൂപ്പർ AMOLED ഡിസ്‌പ്ലേയാണുള്ളത്. ഇത് ആപ്പുകൾക്കും, വീഡിയോകൾ, ഗെയിമുകൾ സുഗമമായ സ്ക്രോളിങ്ങിനും മികച്ചതാണ്.
• ക്യാമറ: ഒപ്റ്റിക്കൽ ഇമേജ് സ്റ്റെബിലൈസേഷൻ സപ്പോർട്ടുള്ള 50MP ട്രിപ്പിൾ റിയർ ക്യാമറയുണ്ട്. ഫോണിന് മുൻവശത്ത് സെൽഫികൾക്കും വീഡിയോ കോളുകൾക്കുമായി 12MP HDR ക്യാമറ കൊടുത്തിരിക്കുന്നു. ഇത് 4K വീഡിയോ റെക്കോർഡിംഗ് സപ്പോർട്ട് ചെയ്യുന്ന ഫോണാണ്.
• സോഫ്റ്റ്‌വെയർ: ആൻഡ്രോയിഡ് 16 അടിസ്ഥാനമാക്കിയുള്ള വൺ UI 8.5 ഉപയോഗിച്ചാണ് സ്മാർട്ട്‌ഫോൺ പ്രവർത്തിക്കുന്നത്. ഇതിന് ആറ് തലമുറകളുടെ ആൻഡ്രോയിഡ് OS അപ്‌ഗ്രേഡുകളും ആറ് വർഷത്തെ സെക്യൂരിറ്റി അപ്‌ഡേറ്റുകളും ലഭിക്കുമെന്നാണ് വിവരം.

Also Read: നീറ്റിലെ ബ്ലോക്ക് മാറ്റി Telegram തിരിച്ചെത്തി! ഇപ്പോഴും ആപ്പ് ലഭിക്കുന്നില്ലേ? പരിഹാരം ഇങ്ങനെ

• ബാറ്ററി: ഈ സ്മാർട്ട്‌ഫോണിൽ 6000mAh ബാറ്ററിയാണ് കൊടുത്തിട്ടുള്ളത്. ഇത് 45W ഫാസ്റ്റ് ചാർജിംഗിനെ പിന്തുണയ്ക്കുന്നു. വരാനിരിക്കുന്ന ഫോണിൽ ബൈപാസ് ചാർജിംഗ് സപ്പോർട്ടും ലഭിക്കുന്നു.

സാംസങ് ഗാലക്സി എ47 5ജി ഇന്ത്യയിലെ ലോഞ്ച്

റോഗ് റെഡ്, ബ്ലേസ് ബ്ലൂ എന്നീ നിറങ്ങളിലാണ് സാംസങ് ഗാലക്‌സി എം47 5ജി ലഭ്യമാകുന്നതെന്ന് സാംസങ് സ്ഥിരീകരിച്ചു. ജൂൺ 29 ന് സ്മാർട്ട്‌ഫോൺ ഇന്ത്യയിൽ പുറത്തിറങ്ങുമെന്നാണ് റിപ്പോർട്ട്. ഫോണിന്റെ വിലയെ കുറിച്ച് സൂചനകളൊന്നും വന്നിട്ടില്ല.