National Technology Day: പൊഖ്റാൻ ഇന്ത്യയുടെ കരുത്ത് കാട്ടി, മോദിയുടെ വാക്കുകൾ ശ്രദ്ധേയം
Follow Us
മെയ് 11 ഇന്ത്യ National Technology Day ആയി ആചരിക്കുന്നു. 1998-ൽ രാജസ്ഥാനിലെ പൊഖ്റാനിൽ നടന്ന ആ പരീക്ഷണങ്ങൾ ഇന്ത്യയുടെ ശാസ്ത്രീയ കരുത്ത് ലോകത്തിന് മുന്നിൽ തെളിയിച്ച നിമിഷത്തിന്റെ സ്മരണയാണ് ദേശീയ സാങ്കേതിക ദിനം. ഇന്ത്യയുടെ രണ്ടാം ആണവ പരീക്ഷണമാണ് അതീവരഹസ്യമായി നടത്തിയ 1998 ലെ പൊഖ്റാൻ-2. ആത്മനിർഭർ ഭാരതം കെട്ടിപ്പടുക്കുന്നതിൽ നെടുംതൂണായെന്ന് പ്രധാനമന്ത്രി നരേന്ദ്രമോദി ഇന്ന് അറിയിച്ചു. പ്രധാനമന്ത്രി അടൽ ബിഹാരി വാജ്പേയിയുടെ നേതൃത്വത്തിൽ, ഡോ. എ.പി.ജെ. അബ്ദുൽ കലാം, ആർ. ചിദംബരം തുടങ്ങിയ പ്രമുഖ ശാസ്ത്രജ്ഞരാണ് പൊഖ്റാൻ 2 നടപ്പിലാക്കിയത്. ദേശീയ സാങ്കേതിക വിദ്യ ദിനത്തിൽ പ്രധാനമന്ത്രി പങ്കുവച്ച വാക്കുകളും പ്രതീക്ഷകളും എന്തൊക്കെയാണ്?
SurveyNational Technology Day: നരേന്ദ്രമോദിയുടെ വാക്കുകൾ
“ദേശീയ സാങ്കേതിക ദിന ആശംസകൾ. 1998-ൽ പൊഖ്റാനിൽ വിജയകരമായ പരീക്ഷണങ്ങൾക്ക് കാരണമായ നമ്മുടെ ശാസ്ത്രജ്ഞരുടെ കഠിനാധ്വാനത്തെയും സമർപ്പണത്തെയും അഭിമാനത്തോടെ ഓർക്കുന്നു. ഇന്ത്യയുടെ ശാസ്ത്ര മികവിനെയും അചഞ്ചലമായ പ്രതിബദ്ധതയെയും പ്രതിഫലിപ്പിക്കുന്ന പരീക്ഷണമാണിത്.
സ്വാശ്രയ ഇന്ത്യ കെട്ടിപ്പടുക്കുന്നതിൽ സാങ്കേതികവിദ്യ ഒരു പ്രധാന താങ്ങായി മാറിയിരിക്കുന്നു. ഇത് നവീകരണത്തെ ത്വരിതപ്പെടുത്തുകയും അവസരങ്ങൾ വികസിപ്പിക്കുകയും വിവിധ മേഖലകളിലെ രാജ്യത്തിന്റെ വളർച്ചയ്ക്ക് സംഭാവന നൽകുകയും ചെയ്യുന്നു. പ്രതിഭകളെ ശാക്തീകരിക്കുന്നതിലും ഗവേഷണത്തെ പ്രോത്സാഹിപ്പിക്കുന്നതിലും ദേശീയ പുരോഗതിക്കും ജനജീവിതത്തിനും സഹായകമായ പരിഹാരങ്ങൾ സൃഷ്ടിക്കുന്നതിലും ടെക്നോളജി നിർണായകമാണ്,” എന്നാണ് മോദി എക്സിൽ കുറിച്ചത്.
Also Read: BSNL ധമാക്ക! ജിയോയും എയർടെലും മാറി നിൽക്കും, 70 ദിവസവും 3GB ഡാറ്റയും അൺലിമിറ്റഡ് കോളിങ്ങും
