Googleനെ വെല്ലാൻ ChatGPT? എങ്ങനെ സെൻസേഷനാകുന്നു!

Anju M U മുഖേനെ | പ്രസിദ്ധീകരിച്ചു 08 Dec 2022 10:51 IST
HIGHLIGHTS
  • ഗൂഗിളിനേക്കാളും മികച്ചതെന്നാണ് ചാറ്റ്ജിപിറ്റിയെ കുറിച്ച് പലരും അഭിപ്രായപ്പെടുന്നത്.

  • ഇത് നിങ്ങളുടെ ചോദ്യങ്ങളോടും ഉത്തരങ്ങളോടും പ്രതികരിക്കുന്നു.

  • എന്നാൽ ഗൂഗിളിന് പകരക്കാരനാകാൻ ചാറ്റ്ജിപിറ്റിയ്ക്ക് സാധിക്കുമോ?

Googleനെ വെല്ലാൻ ChatGPT? എങ്ങനെ സെൻസേഷനാകുന്നു!
Googleനെ വെല്ലുന്ന ചാറ്റ്ജിപിറ്റി എങ്ങനെ സെൻസേഷനാകുന്നു?

ഓപ്പണ്‍എഐ (OpenAI) എന്ന കമ്പനി അവതരിപ്പിച്ച ചാറ്റ്ജിപിറ്റി(ChatGPT)യാണ് കഴിഞ്ഞ കുറച്ച് ദിവസങ്ങളായി ചർച്ചാവിഷയം. ലോകം കീഴടക്കാൻ മനുഷ്യൻ ആശ്രയിക്കുന്ന ഗൂഗിൾ ഭൂഗോളം കീഴടക്കിയപ്പോൾ, സെർച്ച് എഞ്ചിനിലെ ഗൂഗിളിന്റെ ആധിപത്യം അവസാനിപ്പിക്കാൻ ചാറ്റ്ജിപിറ്റി എന്ന ആര്‍ട്ടിഫിഷ്യല്‍ ഇന്റലിജന്‍സ് ചാറ്റ്‌ബോട്ടിന് സാധിക്കുമോ? ഗൂഗിളിനേക്കാളും മികച്ചതെന്ന് പലരും അഭിപ്രായപ്പെടുന്ന ചാറ്റിജിപിറ്റി എന്താണെന്നും, അതിന്റെ പ്രവർത്തന രീതിയും, നേട്ടങ്ങളും കൂടാതെ ഉയർന്നുവരുന്ന ആശങ്കകളും എന്തെല്ലാമെന്ന് വിശദമായി അറിയാം.

കഴിഞ്ഞയാഴ്ചയാണ്, ഡാൾ-ഇ എന്ന ടെക്സ്റ്റ്-ടു-ഇമേജ് ജനറേറ്ററിന്റെ സൃഷ്ടാക്കളായ ഓപ്പൺഎഐ ചാറ്റിജിപിറ്റി എന്ന പുതിയ ചാറ്റ്ബോട്ട് അവതരിപ്പിച്ചത്. ChatGPT ഒരു 'സംഭാഷണാത്മക' AI ആണ്. ഒരാളുടെ ചോദ്യങ്ങൾക്ക് ആർട്ടിഫിഷ്യൽ ഇന്റലിജൻസ് ഉപയോഗിച്ച് ഉത്തരം പറയുന്നു എന്നതാണ് ഇതിന്റെ എടുത്തുപറയേണ്ട നേട്ടം. GPT-3.5 എന്ന ഭാഷാ മോഡലിനെ അടിസ്ഥാനമാക്കിയുള്ളതും മനുഷ്യനെപ്പോലെ വാചകങ്ങൾ നിർമിക്കാൻ സാധിക്കുന്നതുമായ ഒരു ചാറ്റ്‌ബോട്ടാണ് ChatGPT. OpenAIയുടെ ചാറ്റ്ജിപിറ്റി ഗൂഗിളിന് ബദലായി ഉപയോഗിക്കാമെന്ന് പറയുന്നു.

ChatGPT-യുടെ സവിശേഷതകൾ എന്തൊക്കെയാണ്?

  • ChatGPT നിങ്ങളുടെ ചോദ്യങ്ങളോടും ഉത്തരങ്ങളോടും പ്രതികരിക്കുന്നു
  • ഗണിത ചോദ്യങ്ങളും ഉത്തരങ്ങളും നൽകുന്നു
  • അക്കാദമിക് ലേഖനങ്ങൾ, സാഹിത്യ ഗ്രന്ഥങ്ങൾ, സിനിമാ സ്ക്രിപ്റ്റ് എന്നിവ തയ്യാറാക്കുന്നു
  • കോഡ് ബ്ലോക്കിലെ പിശകുകൾ കണ്ടെത്തി ശരിയാക്കുന്നു
  • ഭാഷകൾ തമ്മിലുള്ള വിവർത്തനം സാധ്യമാണ്
  • വർഗീകരണം നടത്തുന്നു

ChatGPT എങ്ങനെ ഉപയോഗിക്കാം?

  • ചാറ്റ് ജിപിറ്റി എന്ന ആർട്ടിഫിഷ്യൽ ഇന്റലിജൻസ് ഒരു സൗജന്യ ചാറ്റ്ബോട്ടാണ്. ChatGPT എങ്ങനെ പ്രയോജനപ്പെടുത്താം എന്നതിനെക്കുറിച്ച് ഘട്ടം ഘട്ടമായി ഇവിടെ വിവരിക്കുന്നു.
  • നിങ്ങളുടെ കമ്പ്യൂട്ടറിലോ മൊബൈലിലോ https://chat.openai.com എന്ന വെബ്‌സൈറ്റ് ഓപ്പൺ ചെയ്യുക. 
  • നിങ്ങൾ OpenAI-ൽ അംഗമാണെങ്കിൽ, "ലോഗിൻ" ബട്ടൺ ക്ലിക്കുചെയ്ത് നിങ്ങളുടെ അക്കൗണ്ടിലേക്ക് ലോഗിൻ ചെയ്യുക.
  • നിങ്ങൾക്ക് ഇതിൽ അക്കൗണ്ട് ഇല്ലെങ്കിൽ, ഒരു അക്കൗണ്ട് സൃഷ്ടിക്കാൻ "സൈൻ അപ്പ്" ബട്ടൺ ഉപയോഗിക്കുക.
  • നിങ്ങളുടെ അക്കൗണ്ടിൽ ലോഗിൻ ചെയ്‌ത ശേഷം ദൃശ്യമാകുന്ന ചാറ്റ് വിൻഡോയിൽ നിന്ന്, നിങ്ങൾക്ക് ChatGPT ഉപയോഗിക്കാവുന്നതാണ്. 

ChatGPTയുടെ പരിമിതി എന്താണ്?

ChatGPT ചിലപ്പോഴൊക്കെ തെറ്റായ വിവരങ്ങൾ നൽകുമെന്ന് അഭിപ്രായങ്ങളുണ്ട്. കൂടാതെ, ഇതിലുള്ള വിവരങ്ങൾ 2021ന് മുമ്പ് നടന്ന സംഭവങ്ങളിൽ മാത്രമായി പരിമിതപ്പെടുത്തിയിരിക്കുന്നു.

Googleന് പകരക്കാരനാകുമോ ChatGPT?

ഗൂഗിൾ ഒരു സെർച്ച് എഞ്ചിൻ ആണ്. ChatGPT ഒരു ചാറ്റ്‌ബോട്ടും. അതിനാൽ തന്നെ ഗൂഗിളിനേക്കാൾ മെച്ചപ്പെട്ട രീതിയിൽ പ്രവർത്തിച്ചാലും ചാറ്റ്ജിപിറ്റിയ്ക്ക് ഗൂഗിൾ നൽകുന്ന സേവനങ്ങൾ പൂർണമായി പ്രദാനം ചെയ്യാൻ സാധിച്ചെന്ന് വരില്ല.

കൂടുതൽ ടെക്നോളജി വാർത്തകൾക്കും, ഉൽപ്പന്ന റിവ്യൂകൾക്കും, സയൻസ്-ടെക് ഫീച്ചറുകൾക്കും, അപ് ഡേറ്റുകൾക്കുമായി Digit.in ഫോളോ ചെയ്യുക അല്ലെങ്കിൽ ഞങ്ങളുടെ Google News പേജ് സന്ദർശിക്കുക.

Anju M U
Anju M U

Email Email Anju M U

Follow Us Facebook Logo Facebook Logo Facebook Logo

About Me: She particularly loved the opportunity she got to interview film personalities and music artists. Read More

WEB TITLE

How ChatGPT Become Sensational? Is It An Effective Alternative To Google?

Advertisements

ട്രെൻഡിങ് ആർട്ടിക്കിൾ

Advertisements

ഏറ്റവും പുതിയ ആർട്ടിക്കിൾ വ്യൂ ഓൾ

VISUAL STORY വ്യൂ ഓൾ