Instagram Down? ഇൻസ്റ്റയിൽ റീൽസുമില്ല ലോഗിനുമില്ല! പരാതിയോട് പരാതികൾ
Follow Us
Instagram Down: ലോകമെമ്പാടുമുള്ള ദശലക്ഷക്കണക്കിന് ഉപയോക്താക്കളെ പ്രതിസന്ധിയിലാക്കി മെറ്റയുടെ സ്വന്തം ഇൻസ്റ്റഗ്രാം. ജനപ്രിയ സോഷ്യൽ മീഡിയ പ്ലാറ്റ്ഫോമിൽ ലോഗിൻ, റീൽസ് ഫീഡുകളിൽ പ്രശ്നം നേരിടുന്നതായി അമേരിക്കയിലുൾപ്പെടെയുള്ള ഉപയോക്താക്കളുടെ പരക്കെ പരാതി. ഇന്ത്യയിലും ചെറിയ രീതിയിൽ ഇൻസ്റ്റഗ്രാം പണിമുടക്കിയിട്ടുണ്ട്. ഇന്ന് വൈകുന്നേരം ആറരയോടെയാണ് ആപ്പിന്റെ പ്രവർത്തനം താറുമാറായതെന്ന് ഡൗൺഡിറ്റക്ടറിലൂടെ ആളുകൾ പരാതിപ്പെടുന്നു. നിങ്ങളുടെ ഇൻസ്റ്റയും ചലിക്കാതെ ഇരിക്കുകയാണെങ്കിൽ എന്താണ് സംഭവിച്ചതെന്ന് ഇവിടെ വിശദീകരിക്കുന്നു.
SurveyInstagram Down
ആഗോളതലത്തിൽ തകരാറുകൾ ട്രാക്ക് ചെയ്യുന്ന സൈറ്റായ ഡൗൺഡിറ്റക്ടറിലാണ് പരാതി റിപ്പോർട്ട് ചെയ്തിരിക്കുന്നത്. ആപ്പിൽ പുതിയ റീൽസുകൾ ലോഡ് ആകാത്തതും, അക്കൗണ്ടുകൾ ലോഗിൻ ചെയ്യാൻ സാധിക്കാത്തതുമാണ് പ്രധാന പ്രശ്നം. Oops, an error occurred എന്ന മെസേജാണ് ആപ്ലിക്കേഷൻ തുറക്കുമ്പോൾ കാണിക്കുന്നത്. ഇത് കണ്ട വരിക്കാർ പലരും തങ്ങളുടെ അക്കൗണ്ട് ഹാക്ക് ചെയ്യപ്പെട്ടതാണോ എന്ന സംശയവും പ്രകടിപ്പിച്ചു. നിലവിൽ പ്രശ്നത്തിന്റെ കാരണമെന്തെന്ന് മെറ്റ വ്യക്തമാക്കിയിട്ടില്ല.
Also Read: ആമസോണിൽ കിട്ടാനില്ല, Zeiss 50MP ക്യാമറ Vivo 5G ഫോൺ ഫ്ലിപ്കാർട്ടിൽ പ്രത്യേക ഓഫറിൽ!
ഏറ്റവും കൂടുതൽ സാങ്കേതിക പ്രശ്നം സംഭവിച്ചത് അമേരിക്കയിലാണ്. എന്നാൽ അമേരിക്കയേക്കാൾ ചെറിയ തോതിലാണെങ്കിലും ഇന്ത്യയിലെ ഉപയോക്താക്കൾക്കും ഇൻസ്റ്റ ഉപയോഗിക്കുന്നതിൽ തടസ്സം നേരിട്ടു. ആറരയ്ക്കും ഏഴ് മണിക്കും ഇടയിൽ പീക്ക് സമയത്ത്, ഡൗൺഡിറ്റക്ടറിൽ ഏകദേശം 117 പരാതികളാണ് ഇന്ത്യയിൽ നിന്ന് റിപ്പോർട്ട് ചെയ്തത്. ഇവയിൽ 41 ശതമാനം ഉപയോക്താക്കളും ആപ്പിലെ പ്രശ്നമാണ് ചൂണ്ടിക്കാട്ടിയത്.
ഫീഡിലെയും ടൈംലൈനിലെയും പ്രശ്നങ്ങളും 29 ലേറെ പരാതികളിൽ കാണിക്കുന്നു. ഇൻസ്റ്റയിൽ ലോഗിൻ ചെയ്യുന്നതിൽ ഏകദേശം 23 ശതമാനം ആളുകൾ പ്രശ്നം നേരിട്ടു. പല ഉപയോക്താക്കൾക്കും തങ്ങളുടെ അക്കൗണ്ടുകളിൽ പ്രവേശിക്കുന്നതിലും മറ്റുമാണ് ബുദ്ധിമുട്ട് നേരിടുന്നത്.
