കുറഞ്ഞ വിലയിൽ iPhone വാങ്ങാൻ പറ്റിയ സമയം ഏതാണ്? എന്തുകൊണ്ട്?

കുറഞ്ഞ വിലയിൽ സ്വപ്ന ഫോൺ വാങ്ങാനുള്ള സമയമായി. കുറഞ്ഞ വിലയിൽ iPhone വാങ്ങാൻ ഏറ്റവും അനുയോജ്യമായ സമയമേതെന്ന് അറിയാമോ? എല്ലാ വർഷവും സെപ്കംബർ മാസത്തിലാണ് ആപ്പിൾ തങ്ങളുടെ പുതിയ ഐഫോൺ സീരീസ് വിപണിയിൽ എത്തിക്കുന്നത്. ഇത്തവണയും Surprise and Shine ഇവന്റിലൂടെ സെപ്തംബർ 9 ന് ഐഫോൺ 18 സീരീസ് ലോഞ്ച് ചെയ്യുകയാണ്. ഐഫോൺ 18 എന്ന ബേസിക് മോഡലൊഴികെ പ്രോ മോഡലുകളും ആദ്യത്തെ ഫോൾഡ് ഐഫോണും ഈ ലോഞ്ച് ഇവന്റിൽ അവതരിപ്പിക്കും. പുതിയ ഫോൺ എത്തുന്നതോടെ തൊട്ടുമുൻപത്തെ മോഡലുകൾക്ക് വലിയ വിലക്കുറവ് പ്രതീക്ഷിക്കാം.

എന്നാൽ ഇത് മാത്രമാണോ സെപ്തംബർ മുതൽ നവംബർ വരെയുള്ള കാലയളവിൽ ഫോൺ വാങ്ങാൻ മികച്ച സമയമാണെന്ന് പറയാൻ കാരണം! അനാവശ്യമായി കൂടുതൽ പണം കളയാതെ ഐഫോൺ വാങ്ങാൻ ആഗ്രഹിക്കുന്നവർ ഈ മൂന്ന് മാസം നന്നായി പരിഗണിക്കാമെന്ന് പറയുന്നതിന് കാരണമെന്ത്? ഇതിനെ കുറിച്ച് കൂടുതലറിയാം.

iPhone വാങ്ങാൻ സെപ്തംബർ ബെസ്റ്റ്; എന്തുകൊണ്ട്?

സെപ്റ്റംബർ 9 നാണ് ഇത്തവണ പുതിയ ഐഫോണുകൾ പുറത്തിറങ്ങുന്നത്. അതിനാൽ നാളത്തെ ലോഞ്ചിന് ശേഷം ഫോൺ വാങ്ങാനുള്ള സുവർണ സമയം ആരംഭിക്കുന്നുവെന്ന് പറയാം. പഴയ തലമുറയിലെ ഐഫോണുകൾക്ക് പല ഇ കൊമേഴ്സ് പ്ലാറ്റ്ഫോമുകളും ഈ സമയത്ത് വിലക്കുറവ് അനുവദിക്കുന്നു. അതുപോലെ ഏറ്റവും പുതിയ ഐഫോണാണ് താൽപ്പര്യമെങ്കിൽ ആദ്യ സെയിലിൽ ലോഞ്ച് ഓഫറുകളോടെയും വാങ്ങാനാകും.

iPhone വാങ്ങാൻ October ബെസ്റ്റ്; എന്തുകൊണ്ട്?

പഴയ സ്റ്റോക്ക് കാലിയാക്കുന്നതിന്റെ ഭാഗമായുള്ള ആദായവിൽപ്പനയിലും കൂടുതൽ ഇളവുകൾ കണ്ടെത്താം. മുൻതലമുറ ഐഫോണുകൾക്ക് കൂടുതൽ കിഴിവ് റീട്ടെയിലർമാർ നൽകാറുണ്ട്. അതിനാൽ, പഴയ മോഡലുകൾ മികച്ച വിലയിൽ സ്വന്തമാക്കാനാകും.

iPhone വാങ്ങാൻ നവംബർ ബെസ്റ്റ്; എന്തുകൊണ്ട്?

ഒക്ടോബർ അവസാനവും നവംബറിലും ഫെസ്റ്റിവൽ സെയിലുകൾ അരങ്ങേറുന്നു. ഇന്ത്യയൊട്ടാകെ റീട്ടെയിൽ ഷോപ്പുകളിൽ ദീപാവലി ഓഫറുകളും നവരാത്രി ഓഫറുകളും ലഭിക്കും. അതുപോലെ ബ്ലാക്ക് ഫ്രൈഡേ പോലുള്ളവയിലും അധിക കിഴിവുണ്ടാകും.

ഇന്ത്യയിലെ പ്രമുഖ ഓൺലൈൻ ഷോപ്പിംഗ് സൈറ്റുകളായ ഫ്ലിപ്കാർട്ടിലും ആമസോണിലും സെയിൽ മാമാങ്കവും ഈ സമയത്ത് പ്രതീക്ഷിക്കാം. ഐഫോൺ പുതിയ ലോഞ്ചിന് ശേഷം വരുന്ന മെഗാസെയിൽ ആയതിനാൽ വിലക്കുറവ് കൂടുതൽ പ്രതീക്ഷിക്കാം. ഫ്ലിപ്കാർട്ടിൽ Big Billion Days, ആമസോണിൽ ഗ്രേറ്റ് ഇന്ത്യൻ ഫെസ്റ്റിവൽ എന്നിവയിലൂടെ ഐഫോണുകൾഎക്സ്ചേഞ്ച് ഡിസ്കൗണ്ടുകളിലും ബാങ്ക് ഓഫറിലും സ്വന്തമാക്കാനാകും.

ഐഫോൺ വാങ്ങാൻ പ്ലാനുണ്ടെങ്കിൽ വേണ്ട?

ഇന്ത്യയിൽ ഐഫോൺ വാങ്ങാൻ അത്ര നല്ലതല്ലാത്ത സമയം ജൂൺ, ജൂലൈ, ഓഗസ്റ്റ് മാസങ്ങളാണ്. അടുത്ത തലമുറയിലുള്ള ഐഫോൺ മോഡലുകളുടെ ലോഞ്ച് അടുത്തിരിക്കുന്ന സമയമാണിത്. ഈ സമയത്ത് റീട്ടെയിലർമാരിൽ നിന്ന് വളരെ നല്ല ഓഫറുകൾ പ്രതീക്ഷിക്കാനാകില്ല. എങ്കിലും വളരെ നല്ല ഓഫർ ഫ്രീഡം ഫെസ്റ്റിവലിലോ, ഓണം സെയിലിലോ ലഭിച്ചാൽ പർച്ചേസ് ചെയ്യാം.

ഇപ്രാവശ്യവും ഓഫർ പ്രതീക്ഷിക്കാമോ?

വിവോ ഉൾപ്പെടെ പല സ്മാർട്ട് ഫോൺ കമ്പനികളും ഫോൺ വില വർധിപ്പിച്ചു. മൊബൈൽ ഫോൺ ഘടകഭാഗങ്ങളുടെ വില കൂടിയതാണ് ഇതിന് കാരണം. ഇപ്രാവശ്യം അതിനാൽ ആപ്പിൾ വില കുറയ്ക്കുമോ എന്ന് പലർക്കും ആശങ്കയുണ്ട്. Apple iPhone 18 സീരീസിന് മുൻവർഷങ്ങളെ അപേക്ഷിച്ച് 10000 രൂപയ്ക്ക് മുകളിൽ വിലക്കയറ്റമുണ്ടായേക്കും. റാം, മെമ്മറി ചിപ്പുകളുടെ ക്ഷാമമാണ് ഇതിന് കാരണം. എന്നാൽ പഴയ മോഡലുകൾക്ക് ഓഫർ നൽകുന്നതിനെ ഇത് ബാധിക്കില്ല എന്നാണ് ലഭിക്കുന്ന വിവരം. റീട്ടെയിലർമാർക്കും ഇ-കോമേഴ്‌സ് പ്ലാറ്റ്‌ഫോമുകൾക്കും പഴയ മോഡലുകളുടെ സ്റ്റോക്ക് തീർക്കേണ്ടതുള്ളതിനാൽ കാര്യമായ ഡിസ്‌കൗണ്ട് പ്രതീക്ഷിക്കാം.

Also Read: 3 മാസം ബിഗ് ബോസ് ഫ്രീ; 84 ദിവസത്തെ അൺലിമിറ്റഡ് കോളിങ്ങും 5ജി ഡാറ്റയുമായി Jio ബമ്പർ പ്ലാൻ!

മാത്രമല്ല ഇ കൊമേഴ്സ് പ്ലാറ്റ്ഫോമുകളും റീട്ടെയിലർമാരും മികച്ച ബാങ്ക് ഓഫറുകളും എക്സ്ചേഞ്ച് ഡീലുകളും പഴയ ഐഫോണുകൾക്ക് നൽകും.

ഐഫോൺ വിലക്കുറവ് മുൻവർഷങ്ങളിൽ

1. ഐഫോൺ 17 ലോഞ്ച് 2025: 79,900 രൂപയുടെ ഐഫോൺ 16 51,999 രൂപയിൽ വിറ്റു.
2. ഐഫോൺ 16 ലോഞ്ച് 2024: ഐഫോൺ 15 ഫോണുകൾ 79,900 രൂപയിൽ നിന്ന് Rs 69,900 ആക്കി.
3. ഐഫോൺ 15 ലോഞ്ച് 2023: 69,900 രൂപയുടെ ഐഫോൺ 14 ന്റെ വില 59,900 രൂപയ്ക്കും അതിനും താഴെയുമെത്തി.
4. ഐഫോൺ 14 ലോഞ്ച് 2022: ഫ്ലിപ്കാർട്ട് ബിഗ് ബില്യൺ ഡേയ്സിൽ 69,900 രൂപയുടെ ഐഫോൺ 13 ഫോണിന് 49,990 രൂപയായി കുറഞ്ഞു.

ഐഫോൺ 18 സീരീസ് വന്നതിന് ശേഷം ഐഫോൺ 17, 16 മോഡലുകൾ വാങ്ങാൻ കാത്തിരിക്കുകയാണെങ്കിൽ സെപ്തംബർ അവസാന വാരം മുതൽ ഒക്ടോബർ വരെ പ്രയോജനപ്പെടുത്താം.

അതുപോലെ ആമസോൺ, ഫ്ലിപ്കാർട്ട്, വിജയ് സെയിൽസ്, ക്രോമ, റിലയൻസ് ഡിജിറ്റൽ പോലുള്ള ഇ കൊമേഴ്സ് പ്ലാറ്റ്ഫോമുകളാണ് ആപ്പിളിന്റെ നേരിട്ടുള്ള കിഴിവിനേക്കാൾ ഓഫർ കൂടുതൽ തരുന്നത്. കാരണം ഇവിടെ നിങ്ങൾക്ക് മികച്ച ഇഎംഐ ഓഫറുകളും ബാങ്ക് കാർഡ് പേയ്മെന്റുകൾക്ക് കിഴിവും ക്യാഷ്ബാക്കും ലഭിക്കും. അതുപോലെ മികച്ച എക്സചേഞ്ച് ഡീലുകളും ഐഫോണുകൾക്ക് സ്വന്തമാക്കാം.