Vi Rs. 1749 Plan Details
Vi 180 Days Plan: ಭಾರತದಲ್ಲಿ ವೊಡಾಫೋನ್ ಐಡಿಯಾ (Vi) ತಮ್ಮ ಗ್ರಾಹಕರಿಗೆ 1749 ರೂಗಳ ರಿಚಾರ್ಜ್ ಪ್ಲಾನ್ ಸುಮಾರು 6 ತಿಂಗಳಿಗೆ ಅಂದ್ರೆ ಬರೋಬ್ಬರಿ 180 ದಿನಗಳಿಗೆ ಅನ್ಲಿಮಿಟೆಡ್ ವಾಯ್ಸ್ ಕರೆಗಳು ಮತ್ತು ಡೇಟಾವನ್ನು ನೀಡುತ್ತಿದೆ. ವೊಡಾಫೋನ್ ಐಡಿಯಾ ತನ್ನ ಚಂದಾದಾರರ ಸಂಖ್ಯೆಯಲ್ಲಿ ಕುಸಿತವನ್ನು ಎದುರಿಸುತ್ತಿರುವುದರಿಂದ ಬಳಕೆದಾರರನ್ನು ಆಕರ್ಷಿಸಲು ಹಲವಾರು ಹೊಸ ಕೊಡುಗೆಗಳನ್ನು ಹೊರತಂದಿದೆ. ಪ್ರಸ್ತುತ ಕಂಪನಿಯು 180 ಮಿಲಿಯನ್ಗಿಂತಲೂ ಹೆಚ್ಚು ಮೊಬೈಲ್ ಬಳಕೆದಾರರನ್ನು ಹೊಂದಿದೆ. ಇದು ಹಿಂದೆ 300 ಮಿಲಿಯನ್ಗಿಂತಲೂ ಕಡಿಮೆಯಾಗಿದೆ. ಇದಕ್ಕೆ ಪ್ರತಿಸ್ಪರ್ದಿಯಾಗಿ BSNL ಸಹ ನೀಡುತ್ತಿರುವ ಈ 180 ದಿನಗಳ ಪ್ಲಾನ್ ಒಂದು ಪ್ರಮುಖ ಅಂಶವಾಗಿದೆ.
ವೊಡಾಫೋನ್ ಐಡಿಯಾದ ಈ ಯೋಜನೆಯ ಬೆಲೆ 1,749 ರೂಗಳಾಗಿದ್ದು ಬಳಕೆದಾರರಿಗೆ 180 ದಿನಗಳು ಅಥವಾ ಆರು ತಿಂಗಳ ಮಾನ್ಯತೆಯನ್ನು ಒದಗಿಸುತ್ತದೆ. ಬಳಕೆದಾರರು ಭಾರತದಾದ್ಯಂತ ಯಾವುದೇ ಸಂಖ್ಯೆಗೆ ಅನಿಯಮಿತ ಕರೆ ಮಾಡುವುದರ ಜೊತೆಗೆ ಉಚಿತ ರಾಷ್ಟ್ರೀಯ ರೋಮಿಂಗ್ ಪ್ರಯೋಜನಗಳನ್ನು ಪಡೆಯಬಹುದು. ಹೆಚ್ಚುವರಿಯಾಗಿ ಈ ಯೋಜನೆಯು ಪ್ರತಿದಿನ 100 ಉಚಿತ SMS ಮತ್ತು 1.5GB ಹೈ-ಸ್ಪೀಡ್ ಡೇಟಾವನ್ನು ನೀಡುತ್ತದೆ.
ಇದರ ಗಮನಾರ್ಹವಾಗಿ ಈ ಯೋಜನೆಯಡಿಯಲ್ಲಿ ಬಳಕೆದಾರರು ಮಧ್ಯರಾತ್ರಿಯಿಂದ ಬೆಳಿಗ್ಗೆ 6 ಗಂಟೆಯವರೆಗೆ ಅನಿಯಮಿತ ಡೇಟಾವನ್ನು ಪಡೆಯುತ್ತಾರೆ. ಇದಲ್ಲದೆ ಕಂಪನಿಯು ವಾರಾಂತ್ಯದ ಡೇಟಾ ರೋಲ್ಓವರ್ ಫೀಚರ್ಗಳನ್ನು ಪರಿಚಯಿಸಿದೆ. ಇದು ವಾರದ ಯಾವುದೇ ಬಳಕೆಯಾಗದ ದೈನಂದಿನ ಡೇಟಾವನ್ನು ಸಂಯೋಜಿಸಲು ಮತ್ತು ವಾರಾಂತ್ಯದಲ್ಲಿ ಪ್ರವೇಶಿಸಲು ಅನುವು ಮಾಡಿಕೊಡುತ್ತದೆ.
ಇದನ್ನೂ ಓದಿ: Lava Storm Play 5G ಭಾರತದ ಬಿಡುಗಡೆಗೆ ಡೇಟ್ ಕಂಫಾರ್ಮ್ ಆಯ್ತು! ನಿರೀಕ್ಷಿತ ಬೆಲೆ ಮತ್ತು ಫೀಚರ್ಗಳೇನು?
ಬಿಎಸ್ಎನ್ಎಲ್ 897 ರೂ.ಗಳಿಗೆ ಸ್ಪರ್ಧಾತ್ಮಕ 180 ದಿನಗಳ ಯೋಜನೆಯನ್ನು ನೀಡುತ್ತದೆ. ಈ ಯೋಜನೆಯು ಬಳಕೆದಾರರಿಗೆ 90GB ಹೈ-ಸ್ಪೀಡ್ ಡೇಟಾ, ಭಾರತದಾದ್ಯಂತ ಅನಿಯಮಿತ ಕರೆ ಮತ್ತು ಪ್ರತಿದಿನ 100 ಉಚಿತ SMS ಸಹ ಈ ಯೋಜನೆಯಲ್ಲಿ ಹೆಚ್ಚು ಪ್ರಯೋಜನವನ್ನು ಒದಗಿಸುತ್ತದೆ. ಪ್ರಸ್ತುತ ಏರ್ಟೆಲ್ ಮತ್ತು ಜಿಯೋ ಯಾವುದೇ ಸಮಾನವಾದ 180 ದಿನಗಳ ರೀಚಾರ್ಜ್ ಆಯ್ಕೆಗಳನ್ನು ಹೊಂದಿಲ್ಲ.
