Recharge Plan: ಏರ್ಟೆಲ್ ಮತ್ತು ಜಿಯೋದ ಸುಮಾರು 200 ರೂಗಳ ಬೆಸ್ಟ್ ರಿಚಾರ್ಜ್ ಪ್ಲಾನ್ ಯಾವುದು?

ಭಾರತದಲ್ಲಿ ಮೊದಲ ಮತ್ತು ಎರಡನೇ ಸ್ಥಾನದಲ್ಲಿರುವ Jio ಮತ್ತು Airtel ಟೆಲಿಕಾಂ ಕಂಪನಿಗಳು ತಮ್ಮ ಬಳಕೆದಾರರಿಗೆ ಸುಮಾರು 200 ರೂಗಳೊಳಗೆ ಅತ್ಯುತ್ತಮ ಯೋಜನೆಗಳನ್ನು ನೀಡುತ್ತಿದೆ. ಅದರಲ್ಲಿ ಅನಿಯಮಿತ ಕರೆ ಮತ್ತು ಉತ್ತಮ ಡೇಟಾ ಸೌಲಭ್ಯಗಳನ್ನು ನೀಡುವ ಪ್ಲಾನ್‌ಗಳಿಗಾಗಿ ಹೆಚ್ಚು ಬೇಡಿಕೆಯಿದೆ. ಈ ವಿಭಾಗದಲ್ಲಿ ಏರ್‌ಟೆಲ್ ಮತ್ತು ಜಿಯೋ ಎರಡೂ ಅತ್ಯುತ್ತಮ ರೀಚಾರ್ಜ್ ಯೋಜನೆಗಳ (Recharge Plan) ಆಯ್ಕೆಗಳನ್ನು ನೀಡುತ್ತವೆ. ಆದರೆ ಅವುಗಳ ಮಾನ್ಯತೆ ಮತ್ತು ಡೇಟಾ ಪ್ರಯೋಜನಗಳಲ್ಲಿ ಪ್ರಮುಖ ವ್ಯತ್ಯಾಸಗಳಿವೆ. ಈ ಎರಡು ಪ್ರಮುಖ ಟೆಲಿಕಾಂ ಕಂಪನಿಗಳು ರೂ 200 ಅಡಿಯಲ್ಲಿ ನೀಡುವ ಅತಿ ಹೆಚ್ಚು ಬೇಡಿಕೆಯುಳ್ಳ ರೀಚಾರ್ಜ್ ಯೋಜನೆಗಳ ಸಂಪೂರ್ಣ ವಿವರ ಇಲ್ಲಿದೆ.

ಏರ್‌ಟೆಲ್ ₹199 ರೀಚಾರ್ಜ್ ಯೋಜನೆ (Recharge Plan)

ಏರ್‌ಟೆಲ್‌ನ ರೂ 199 ರ ಯೋಜನೆಯು ಮಧ್ಯಮ ಡೇಟಾ ಬಳಕೆದಾರರು ಮತ್ತು ದೀರ್ಘ ಮಾನ್ಯತೆಯನ್ನು ಬಯಸುವವರಿಗೆ ಅತ್ಯಂತ ಸೂಕ್ತವಾಗಿದೆ. ಈ ಯೋಜನೆಯು 28 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ಪ್ರಯೋಜನಗಳ ವಿಷಯದಲ್ಲಿ ಗ್ರಾಹಕರು ಯಾವುದೇ ನೆಟ್‌ವರ್ಕ್‌ಗೆ ಅನಿಯಮಿತ ಧ್ವನಿ ಕರೆ ಸೌಲಭ್ಯವನ್ನು ಪಡೆಯುತ್ತಾರೆ. ಈ ಯೋಜನೆಯಲ್ಲಿ ಡೇಟಾ ಕುರಿತು ಮಾತನಾಡುವುದದರೆ ಈ ಪ್ಲಾನ್‌ನಲ್ಲಿ ಮಾನ್ಯತೆ ಅವಧಿಗೆ ಒಟ್ಟು 2GB ಹೈ-ಸ್ಪೀಡ್ ಡೇಟಾ ಲಭ್ಯವಿರುತ್ತದೆ.

ಇದು ಹಗುರವಾದ ಇಂಟರ್ನೆಟ್ ಬಳಕೆ ಬ್ಯಾಂಕಿಂಗ್ ವಹಿವಾಟುಗಳು ಮತ್ತು ಮೆಸೇಜ್ ಕಳುಹಿಸುವಿಕೆಗೆ ಸಾಕು. ಇದರ ಜೊತೆಗೆ ಬಳಕೆದಾರರಿಗೆ ಒಟ್ಟು 300 SMS ಸೌಲಭ್ಯ ಮತ್ತು ಏರ್‌ಟೆಲ್ ಥ್ಯಾಂಕ್ಸ್ ಅಡಿಯಲ್ಲಿ ಉಚಿತ ಹೆಲೋ ಟ್ಯೂನ್‌ಗಳಂತಹ ಹೆಚ್ಚುವರಿ ಪ್ರಯೋಜನಗಳೂ ದೊರೆಯುತ್ತವೆ. ಮುಖ್ಯವಾಗಿ 5G ನೆಟ್‌ವರ್ಕ್ ವ್ಯಾಪ್ತಿಯಲ್ಲಿರುವ ಮತ್ತು 5G ಫೋನ್‌ ಹೊಂದಿರುವ ಏರ್‌ಟೆಲ್ ಗ್ರಾಹಕರಿಗೆ ಈ ಪ್ಲಾನ್‌ನಲ್ಲಿ ಅನಿಯಮಿತ 5G ಡೇಟಾ (Unlimited 5G Data) ಸೌಲಭ್ಯವೂ ಲಭ್ಯವಿದೆ.

Also Read: ನಿಮಗೊಂದು ಹೊಸ Voter ID ಕಾರ್ಡ್ ಬೇಕಾ? ಹಾಗಾದ್ರೆ ಮನೆಯಲ್ಲೇ ಕುಳಿತು ಅರ್ಜಿ ಸಲ್ಲಿಸುವುದು ಹೇಗೆ ತಿಳಿಯಿರಿ

ರಿಲಯನ್ಸ್ ಜಿಯೋ ₹198 ರೀಚಾರ್ಜ್ ಯೋಜನೆ (Recharge Plan)

ರಿಲಯನ್ಸ್ ಜಿಯೋದ ರೂ 198 ರ ಯೋಜನೆಯು ಹೆಚ್ಚು ಡೇಟಾ ಮತ್ತು ಮನರಂಜನೆಯನ್ನು (OTT benefits) ಬಯಸುವವರಿಗೆ ಬಲವಾದ ಪರ್ಯಾಯವಾಗಿದೆ ಆದರೆ ಇದು ಕಡಿಮೆ ಮಾನ್ಯತೆಯೊಂದಿಗೆ ಬರುತ್ತದೆ. ಈ ಪ್ಲಾನ್ ಕೇವಲ 14 ದಿನಗಳ ಮಾನ್ಯತೆಯನ್ನು ಹೊಂದಿದೆ. ಆದರೂ ಇದು ಪ್ರತಿದಿನ 2GB ಹೈ-ಸ್ಪೀಡ್ ಡೇಟಾವನ್ನು ನೀಡುತ್ತದೆ ಅಂದರೆ ಒಟ್ಟು 28 GB ಡೇಟಾ ಸಿಗುತ್ತದೆ. ದಿನದ ಡೇಟಾ ಮಿತಿ ಮುಗಿದ ನಂತರ ವೇಗವು 64 Kbps ಗೆ ಇಳಿಕೆಯಾಗುತ್ತದೆ.

ಈ ಯೋಜನೆಯು ಯಾವುದೇ ನೆಟ್‌ವರ್ಕ್‌ಗೆ ಅನಿಯಮಿತ ಕರೆ ಮತ್ತು ಪ್ರತಿದಿನ 100 SMS ಸೌಲಭ್ಯದೊಂದಿಗೆ ಬರುತ್ತದೆ. ಜಿಯೋ ತನ್ನ ಈ ಯೋಜನೆಯಲ್ಲಿ ಜಿಯೋಟಿವಿ (JioTV), ಜಿಯೋಸಿನೆಮಾ (JioCinema) ಮತ್ತು ಜಿಯೋಕ್ಲೌಡ್ (JioCloud) ನಂತಹ ಹೆಚ್ಚುವರಿ ಅಪ್ಲಿಕೇಶನ್‌ಗಳ ಉಚಿತ ಚಂದಾದಾರಿಕೆಯನ್ನು ನೀಡುತ್ತದೆ. ಇದರ ಅತಿದೊಡ್ಡ ಆಕರ್ಷಣೆಯೆಂದರೆ ಅರ್ಹ ಬಳಕೆದಾರರಿಗೆ ಈ ಯೋಜನೆಯಲ್ಲಿ ಯಾವುದೇ ದೈನಂದಿನ ಮಿತಿಯಿಲ್ಲದೆ ಅನಿಯಮಿತ True 5G ಡೇಟಾ ಲಭ್ಯವಾಗುತ್ತದೆ.

ಯಾರಿಗೆ ಯಾವ ಪ್ಲಾನ್ ಬೆಸ್ಟ್?

ಸಂಕ್ಷಿಪ್ತವಾಗಿ ಹೇಳುವುದಾದರೆ ನೀವು ದೀರ್ಘ ಮಾನ್ಯತೆ ಮತ್ತು ಅನಿಯಮಿತ ಕರೆಗಳಿಗೆ ಆದ್ಯತೆ ನೀಡುವವರಾಗಿದ್ದರೆ ಮತ್ತು ನಿಮ್ಮ ಇಂಟರ್ನೆಟ್ ಬಳಕೆ ಕಡಿಮೆಯಿದ್ದರೆ ಏರ್‌ಟೆಲ್‌ನ ₹199 ಪ್ಲಾನ್ ಉತ್ತಮವಾಗಿದೆ. ಆದರೆ ನೀವು 5G ಫೋನ್ ಹೊಂದಿದ್ದು ಕಡಿಮೆ ಅವಧಿಯಲ್ಲಿ ಹೆಚ್ಚು ಡೇಟಾ (ದಿನಕ್ಕೆ 2GB) ಮತ್ತು OTT ಮನರಂಜನೆಯನ್ನು ಬಯಸಿದರೆ ಜಿಯೋದ ₹198 ಪ್ಲಾನ್ ಅತ್ಯುತ್ತಮ ಆಯ್ಕೆಯಾಗಿದೆ.