Realme 16 Pro plus 5G Price in India Leaked Ahead of Launch on January 6
ಭಾರತದ ಮೊಬೈಲ್ ಮಾರುಕಟ್ಟೆಯಲ್ಲಿ ಭಾರಿ ಕುತೂಹಲ ಮೂಡಿಸಿರುವ Realme 16 Pro+ 5G ಸ್ಮಾರ್ಟ್ಫೋನ್ ಮುಂದಿನ ವರ್ಷದಲ್ಲಿ ಅಂದರೆ 6ನೇ ಜನವರಿ 2026 ರಂದು ಅಧಿಕೃತವಾಗಿ ಬಿಡುಗಡೆಯಾಗಲಿದೆ. ಆದರೆ ಈ ಫೋನ್ ಬಿಡುಗಡೆಗೂ ಮುನ್ನವೇ ಅದರಲ್ಲಿರುವ ಅದ್ಭುತವಾದ ಫೀಚರ್ಸ್ಗಳ ಬಗ್ಗೆ ಮಾಹಿತಿ ಲಭ್ಯವಾಗಿದೆ. ನೀವು ಹೊಸ ಫೋನ್ ಖರೀದಿಸುವ ಯೋಚನೆಯಲ್ಲಿದ್ದರೆ ಈ ಫೋನ್ನಲ್ಲಿರುವ ಈ 5 ಪ್ರಮುಖ ವಿಷಯಗಳನ್ನು ನೀವು ಖಂಡಿತ ತಿಳಿಯಲೇಬೇಕು.
ಈ ಸ್ಮಾರ್ಟ್ಫೋನ್ನ ಪ್ರಮುಖ ಆಕರ್ಷಣೆಯೇ ಅದರ 200MP ಪೋರ್ಟ್ರೇಟ್ ಮಾಸ್ಟರ್ ಕ್ಯಾಮೆರಾ ಸಿಸ್ಟಮ್. ಇದರಲ್ಲಿ 200MP ಸಾಮರ್ಥ್ಯದ ಸ್ಯಾಮ್ಸಂಗ್ HP5 ಪ್ರಾಥಮಿಕ ಸೆನ್ಸಾರ್ ಮತ್ತು 50MP ಪೆರಿಸ್ಕೋಪ್ ಟೆಲಿಫೋಟೋ ಲೆನ್ಸ್ ಅನ್ನು ಬಳಸಲಾಗಿದೆ. ಈ ಕ್ಯಾಮೆರಾ ಜೋಡಿಯು ದೂರದ ದೃಶ್ಯಗಳನ್ನು 3.5x ಆಪ್ಟಿಕಲ್ ಜೂಮ್ ಮತ್ತು 120x ವರೆಗೆ ಡಿಜಿಟಲ್ ಜೂಮ್ ಮಾಡಲು ಸಹಾಯ ಮಾಡುತ್ತದೆ. ವಿಶೇಷವಾಗಿ ಪೋರ್ಟ್ರೇಟ್ ಫೋಟೋಗಳಿಗಾಗಿ ಹೊಸ ಲುವಾ ಕಲರ್ (LumaColor) ತಂತ್ರಜ್ಞಾನವನ್ನು ಬಳಸಲಾಗಿದ್ದು ಇದು ಫೋಟೋಗಳಲ್ಲಿ ನೈಜ ಬಣ್ಣ ಮತ್ತು ಹೆಚ್ಚಿನ ಸ್ಪಷ್ಟತೆಯನ್ನು ನೀಡುತ್ತದೆ.
ರಿಯಲ್ಮಿ 16 ಪ್ರೊ ಪ್ಲಸ್ 5G ಫೋನ್ 6.8 ಇಂಚಿನ 4D ಕರ್ವ್ಡ್ AMOLED ಡಿಸ್ಪ್ಲೇಯನ್ನು ಹೊಂದಿದೆ. ಈ ಸ್ಕ್ರೀನ್ 1.5K ರೆಸಲ್ಯೂಶನ್ ಮತ್ತು ಅತಿ ಹೆಚ್ಚಿನ ಅಂದರೆ 6,500 ನಿಟ್ಸ್ ಪೀಕ್ ಬ್ರೈಟ್ನೆಸ್ ಹೊಂದಿದೆ. ಇದರಿಂದ ಸುಡುವ ಬಿಸಿಲಿನಲ್ಲಿಯೂ ಸ್ಕ್ರೀನ್ ಸ್ಪಷ್ಟವಾಗಿ ಕಾಣುತ್ತದೆ. ಬಾಳಿಕೆಯ ವಿಷಯದಲ್ಲಿ ಇದು ಹೊಸ ದಾಖಲೆ ಬರೆದಿದ್ದು ಅತ್ಯುನ್ನತ ಮಟ್ಟದ IP69 ರೇಟಿಂಗ್ ಹೊಂದಿದೆ. ಅಂದರೆ ಈ ಫೋನ್ ಕೇವಲ ನೀರು ಮತ್ತು ಧೂಳಿನಿಂದ ಮಾತ್ರವಲ್ಲದೆ ಹೆಚ್ಚಿನ ಒತ್ತಡದ ಬಿಸಿ ನೀರಿನಿಂದಲೂ ರಕ್ಷಣೆ ಪಡೆಯುತ್ತದೆ.
ಬಳಕೆದಾರರ ದೀರ್ಘಕಾಲದ ಬಳಕೆಯನ್ನು ಗಮನದಲ್ಲಿಟ್ಟುಕೊಂಡು ಈ ಫೋನ್ನಲ್ಲಿ ಬೃಹತ್ ಗಾತ್ರದ 7,000mAh ಸಾಮರ್ಥ್ಯದ ಟೈಟಾನ್ (Titan) ಬ್ಯಾಟರಿ ನೀಡಲಾಗಿದೆ. ಇಷ್ಟು ದೊಡ್ಡ ಬ್ಯಾಟರಿ ಇದ್ದರೂ ಫೋನ್ ತೆಳುವಾದ ವಿನ್ಯಾಸವನ್ನು ಹೊಂದಿದೆ ಎಂಬುದು ವಿಶೇಷ. ಈ ಬ್ಯಾಟರಿಯನ್ನು ವೇಗವಾಗಿ ಚಾರ್ಜ್ ಮಾಡಲು 80W SuperVOOC ಫಾಸ್ಟ್ ಚಾರ್ಜಿಂಗ್ ಬೆಂಬಲವಿದೆ. ಕಂಪನಿಯ ಪ್ರಕಾರ ಒಮ್ಮೆ ಪೂರ್ತಿ ಚಾರ್ಜ್ ಮಾಡಿದರೆ ಸುಮಾರು 21 ಗಂಟೆಗಳ ಕಾಲ ಸತತವಾಗಿ ಯೂಟ್ಯೂಬ್ ವಿಡಿಯೋಗಳನ್ನು ವೀಕ್ಷಿಸಬಹುದು.
ವೇಗದ ಕಾರ್ಯಕ್ಷಮತೆಗಾಗಿ ಈ ಸ್ಮಾರ್ಟ್ಫೋನ್ನಲ್ಲಿ ಕ್ವಾಲ್ಕಾಮ್ ಕಂಪನಿಯ ಇತ್ತೀಚಿನ Snapdragon 7 Gen 4 ಪ್ರೊಸೆಸರ್ ಬಳಸಲಾಗಿದೆ. ಇದು 4nm ತಂತ್ರಜ್ಞಾನದ ಮೇಲೆ ತಯಾರಾಗಿದ್ದು ಅತ್ಯುತ್ತಮ ಗೇಮಿಂಗ್ ಮತ್ತು ಮಲ್ಟಿ-ಟಾಸ್ಕಿಂಗ್ ಅನುಭವ ನೀಡುತ್ತದೆ. ಈ ಪ್ರೊಸೆಸರ್ ಅಂಟುಟು (AnTuTu) ಬೆಂಚ್ಮಾರ್ಕ್ನಲ್ಲಿ ಸುಮಾರು 1.44 ಮಿಲಿಯನ್ ಅಂಕಗಳನ್ನು ಗಳಿಸಿದ್ದು ಇದು ಮಧ್ಯಮ ಕ್ರಮಾಂಕದ ಫೋನ್ಗಳಲ್ಲಿ ಅತ್ಯಂತ ಶಕ್ತಿಯುತ ಪ್ರೊಸೆಸರ್ ಎನಿಸಿಕೊಂಡಿದೆ.
ಸಾಫ್ಟ್ವೇರ್ ವಿಭಾಗದಲ್ಲಿ ಈ ಫೋನ್ ಇತ್ತೀಚಿನ Android 16 ಆಧಾರಿತ Realme UI 7.0 ನೊಂದಿಗೆ ಬರಲಿದೆ. ಕಂಪನಿಯು ಈ ಫೋನ್ಗೆ 3 ವರ್ಷಗಳ ಪ್ರಮುಖ ಆಂಡ್ರಾಯ್ಡ್ ಅಪ್ಡೇಟ್ ಮತ್ತು 4 ವರ್ಷಗಳ ಕಾಲ ಸೆಕ್ಯೂರಿಟಿ ಅಪ್ಡೇಟ್ ನೀಡುವುದಾಗಿ ಭರವಸೆ ನೀಡಿದೆ. ಇದರಲ್ಲಿ AI ಎಡಿಟ್ ಜೀನಿ 2.0 ಮತ್ತು AI ಇನ್ಸ್ಟಂಟ್ ಕ್ಲಿಪ್ ನಂತಹ ಹೊಸ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಫೀಚರ್ಗಳನ್ನು ನೀಡಲಾಗಿದ್ದು ಇದು ಫೋಟೋ ಮತ್ತು ವಿಡಿಯೋ ಎಡಿಟಿಂಗ್ ಕೆಲಸವನ್ನು ಇನ್ನಷ್ಟು ಸುಲಭಗೊಳಿಸುತ್ತದೆ.
