Samsung Galaxy Unpacked 2026: ಇಂದು ಗ್ಯಾಲಕ್ಸಿ Z ಫೋಲ್ಡ್ 8 ಸರಣಿ ಲಾಂಚ್; ಲೈವ್ ವೀಕ್ಷಣೆ ಹೇಗೆ?
Follow Usಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ ಅನ್ಪ್ಯಾಕ್ಡ್ ಈವೆಂಟ್ ಶುರು
ಈ ಕಾರ್ಯಕ್ರಮದಲ್ಲಿ ಗ್ಯಾಲಕ್ಸಿ Z ಫೋಲ್ಡ್ 8 ಸರಣಿ ಫೋನ್ಗಳ ಲಾಂಚ್ ಸಾಧ್ಯತೆ
ಆಸಕ್ತ ಗ್ರಾಹಕರು ಸಂಸ್ಥೆಯ ಅಧಿಕೃತ ಯೂಟ್ಯೂಬ್ ಚಾನೆಲ್ನಲ್ಲಿ ಈವೆಂಟ್ ಲೈವ್ ವೀಕ್ಷಿಸಬಹುದು
ಸ್ಯಾಮ್ಸಂಗ್ ಕಂಪನಿಯ ಬಹುನಿರೀಕ್ಷಿತ Samsung Galaxy Unpacked 2026 ಕಾರ್ಯಕ್ರಮವು ಇಂದು (ಜುಲೈ 22 ರಂದು) ಲಂಡನ್ನಲ್ಲಿ ಪ್ರಾರಂಭವಾಗಲಿದೆ. ಈ ಕಾರ್ಯಕ್ರಮದಲ್ಲಿ ಕಂಪನಿಯ ಹೊಸ ತಲೆಮಾರಿನ ಫೋಲ್ಡಬಲ್ ಸ್ಮಾರ್ಟ್ಫೋನ್ಗಳಾದ Samsung Galaxy Z Fold 8, Galaxy Z Flip 8 ಹಾಗೂ Galaxy Z Fold 8 Ultra ಸ್ಮಾರ್ಟ್ಫೋನ್ಗಳು ಅನಾವರಣಗೊಳ್ಳುವ ನಿರೀಕ್ಷೆಯಿದೆ. ಹಾಗೆಯೇ ಸ್ಯಾಮ್ಸಂಗ್ ವಾಚ್ 9 ಡಿವೈಸ್ ಅನ್ನು ಸಹ ಪರಿಚಯಿಸಿಲಿದೆ. ಅಲ್ಲದೇ ಭಾರತದಲ್ಲಿ ಈ ಹೊಸ ಗ್ಯಾಲಕ್ಸಿ ಫೋನ್ಗಳ ಪ್ರಿ-ಬುಕಿಂಗ್ ಅನ್ನು ಸಂಸ್ಥೆಯು ಈಗಾಗಲೇ ಆರಂಭಿಸಿದೆ. ಹಾಗಾದರೆ ಸ್ಯಾಮ್ಸಂಗ್ ಗ್ಯಾಲಕ್ಸಿ ಅನ್ಪ್ಯಾಕ್ಡ್ ಈವೆಂಟ್ನ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
SurveyAlso Read : Jio ಟೆಲಿಕಾಂನ ಈ ಅಗ್ಗದ ಪ್ಲಾನಿನಲ್ಲಿ ಭರ್ಜರಿ ದೈನಂದಿನ ಡೇಟಾ! ಜಿಯೋ ಹಾಟ್ಸ್ಟಾರ್ ಸಹ ಲಭ್ಯ
ಇಂದು Samsung Galaxy Unpacked 2026 ಕಾರ್ಯಕ್ರಮ
ಸ್ಯಾಮ್ಸಂಗ್ ಗ್ಯಾಲಕ್ಸಿ ಅನ್ಪ್ಯಾಕ್ಡ್ ಈವೆಂಟ್ ಇದೇ ಜುಲೈ 22, 2026 ರಂದು ಲಂಡನ್ನಲ್ಲಿ ನಡೆಯಲಿದೆ. ಇನ್ನು ಈ ಸರಣಿ ಬಿಡುಗಡೆಗೂ ಮುನ್ನವೇ ಕಂಪನಿಯು ಭಾರತದಲ್ಲಿ ಮುಂಬರುವ ಈ ಗ್ಯಾಲಕ್ಸಿ ಫೋನ್ಗಳ ಪ್ರಿ-ಬುಕಿಂಗ್ ಪ್ರಾರಂಭ ಮಾಡಿದೆ. ಆಸಕ್ತ ಗ್ರಾಹಕರು ಸ್ಯಾಮ್ಸಂಗ್ ಸ್ಟೋರ್ ಮೂಲಕ ಕೇವಲ 999 ರೂ.ಗಳನ್ನು ಪಾವತಿಸಿ ಫೋನ್ ಅನ್ನು ಮುಂಗಡವಾಗಿ ಕಾಯ್ದಿರಿಸಬಹುದು. ಕಂಪನಿಯ ಮಾಹಿತಿ ಪ್ರಕಾರ, ಮುಂಗಡ ಬುಕ್ಕಿಂಗ್ ಮಾಡುವ ಗ್ರಾಹಕರಿಗೆ 2,799 ರೂ.ಗಳ ಮೌಲ್ಯದ ಖಚಿತ ವೋಚರ್ ಕೂಡ ನೀಡಲಾಗುತ್ತದೆ.
ಗ್ಯಾಲಕ್ಸಿ ಅನ್ಪ್ಯಾಕ್ಡ್ ಕಾರ್ಯಕ್ರಮದ LIVE ವೀಕ್ಷಣೆ ಹೇಗೆ?
ಸ್ಯಾಮ್ಸಂಗ್ ಗ್ಯಾಲಕ್ಸಿ ಅನ್ಪ್ಯಾಕ್ಡ್ ಈವೆಂಟ್ ಕಾರ್ಯಕ್ರಮವು ಇಂದು (ಜುಲೈ 22 ರಂದು) ಭಾರತೀಯ ಕಾಲಮಾನ ಸಂಜೆ 6:30 ಗಂಟೆಗೆ ಪ್ರಾರಂಭವಾಗಲಿದೆ. ಸ್ಯಾಮ್ಸಂಗ್ ತನ್ನ ಅಧಿಕೃತ ವೆಬ್ಸೈಟ್ ಮತ್ತು ಅಧಿಕೃತ ಯೂಟ್ಯೂಬ್ ಚಾನೆಲ್ನಲ್ಲಿ ಕಾರ್ಯಕ್ರಮವನ್ನು ನೇರಪ್ರಸಾರ ಮಾಡಲಿದೆ. ವಿಶ್ವದಾದ್ಯಂತದ ಗ್ರಾಹಕರು ಲೈವ್ ಮೂಲಕ ಹೊಸ ಗ್ಯಾಲಕ್ಸಿ ಸ್ಮಾರ್ಟ್ಫೋನ್ಗಳ ಹಾಗೂ ನೂತನ ವಾಚ್ನ ಅನಾವರಣವನ್ನು ವೀಕ್ಷಿಸಬಹುದಾಗಿದೆ.
ಗ್ಯಾಲಕ್ಸಿ Z ಫೋಲ್ಡ್ 8 ಸರಣಿ ಲಾಂಚ್
ಈ ಕಾರ್ಯಕ್ರಮದಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ Z ಫೋಲ್ಡ್ 8, ಸ್ಯಾಮ್ಸಂಗ್ ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ಹಾಗೂ ಸ್ಯಾಮ್ಸಂಗ್ ಗ್ಯಾಲಕ್ಸಿ Z ಫ್ಲಿಪ್ 8 ಸ್ಮಾರ್ಟ್ಫೋನ್ಗಳು ಅನಾವರಣ ಆಗುವ ಸಾಧ್ಯತೆಗಳು ಇವೆ. ಇನ್ನು ಸ್ಯಾಮ್ಸಂಗ್ ಗ್ಯಾಲಕ್ಸಿ Z ಫೋಲ್ಡ್ 8 ಫೋನ್ ಸ್ನಾಪ್ಡ್ರಾಗನ್ 8 ಅಲ್ಟ್ರಾ ಪ್ರೊಸೆಸರ್ ಪಡೆದಿರಲಿದೆ ಎನ್ನಲಾಗಿದೆ. ಇನ್ನು ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ಮೊಬೈಲ್ 50 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಆಂಗಲ್ ಲೆನ್ಸ್ ಒಳಗೊಂಡಿರುವ ನಿರೀಕ್ಷೆಗಳು ಇವೆ. ಹಾಗೆಯೇ ಗ್ಯಾಲಕ್ಸಿ Z ಫ್ಲಿಪ್ 8 ಮೊಬೈಲ್ 12GB RAM ವೇರಿಯಂಟ್ ಆಯ್ಕೆಯಲ್ಲಿ ಲಗ್ಗೆ ಇಡುವ ಸಾಧ್ಯತೆಗಳು ಇವೆ.
