Redmi Turbo 5 ಬಿಡುಗಡೆಗೆ ಇನ್ನು ಕೆಲವೇ ದಿನ ಬಾಕಿ; 100W ಹೈಪರ್ ಚಾರ್ಜಿಂಗ್ ಸೌಲಭ್ಯ
Follow Usಜೂನ್ 16 ರಂದು ರೆಡ್ಮಿ ಟರ್ಬೋ 5 ಮೊಬೈಲ್ ಲಾಂಚ್ ಖಚಿತ
ರೆಡ್ಮಿ ಟರ್ಬೋ 5 ಫೋನ್ 100W ಹೈಪರ್ ಚಾರ್ಜಿಂಗ್ ಸೌಲಭ್ಯ ಬಹುತೇಕ ಫಿಕ್ಸ್
ಈ ಮೊಬೈಲ್ 7,560 mAh ಸಿಲಿಕಾನ್ ಕಾರ್ಬನ್ ಬ್ಯಾಟರಿ ಒಳಗೊಂಡಿರುವ ನಿರೀಕ್ಷೆ ಇದೆ
ದೇಶೀಯ ಮೊಬೈಲ್ ಮಾರುಕಟ್ಟೆಯಲ್ಲಿ ಗ್ರಾಹಕರು ಗಮನ ಸೆಳೆದಿರುವ ಬ್ರಾಂಡ್ಗಳ ಪೈಕಿ ಒಂದಾಗಿರುವ ರೆಡ್ಮಿ ಕಂಪನಿಯು ಇದೀಗ ಭಾರತದಲ್ಲಿ ಹೊಸದಾಗಿ Redmi Turbo 5 ಹೆಸರಿನ ರಫ್ ಆಂಡ್ ಟಫ್ ಸ್ಮಾರ್ಟ್ಫೋನ್ ಅನ್ನು ಲಾಂಚ್ ಮಾಡಲು ಸಜ್ಜಾಗಿದೆ. ಈ ಸ್ಮಾರ್ಟ್ಫೋನ್ ಬಿಡುಗಡೆ ಕುರಿತಾಗಿ ಅಮೆಜಾನ್ ಇ ಕಾಮರ್ಸ್ ತಾಣದಲ್ಲಿ ಪ್ರತ್ಯೇಕ ಮೈಕ್ರೋಪೇಜ್ ಸಹ ಲೈವ್ ಮಾಡಲಾಗಿದೆ. ಇನ್ನು ಮುಂಬರುವ ಈ ಮೊಬೈಲ್ನ ಪ್ರಮುಖ ಹೈಲೈಟ್ ಎಂದರೆ ರೇಸಿಂಗ್ ನಂತಹ ವೇಗದ ಫೀಚರ್ಸ್ಗಳನ್ನು ಒಳಗೊಂಡಿರುವುದು ಬಹುತೇಕ ಪಕ್ಕಾ ಎನ್ನಲಾಗಿದೆ. ಈ ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 8500 ಅಲ್ಟ್ರಾ ಚಿಪ್ಸೆಟ್ ಪ್ರೊಸೆಸರ್ ಅನ್ನು ಪಡೆದಿರುವ ನಿರೀಕ್ಷೆಗಳು ಇವೆ. ಹಾಗೆಯೇ ಈ ಫೋನ್ 100W ಹೈಪರ್ ಚಾರ್ಜಿಂಗ್ ಸೌಲಭ್ಯದೊಂದಿಗೆ ಲಗ್ಗೆ ಇಡುವುದು ಬಹುತೇಕ ಖಚಿತವಾಗಿದೆ. ಹಾಗಾದರೆ ರೆಡ್ಮಿ ಟರ್ಬೋ 5 ಮೊಬೈಲ್ನ ಹೊಸ ಅಪ್ಡೇಟ್ಸ್ ಹಾಗೂ ನಿರೀಕ್ಷಿತ ಫೀಚರ್ಸ್ ಬಗ್ಗೆ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
SurveyAlso Read : 200MP ಕ್ಯಾಮೆರಾ ಒಳಗೊಂಡ Redmi Note 15 Pro 5G ಬೆಲೆಯಲ್ಲಿ ಸಖತ್ ಇಳಿಕೆ!
Redmi Turbo 5 ಲಾಂಚ್ಗೆ ಕೆಲವೇ ದಿನ ಬಾಕಿ
ರೆಡ್ಮಿ ಕಂಪನಿಯ ಮುಂಬರುವ ನೂತನ ರೆಡ್ಮಿ ಟರ್ಬೋ 5 ಮೊಬೈಲ್ ಮಾರುಕಟ್ಟೆಯಲ್ಲಿ ಕುತೂಹಲ ಹೆಚ್ಚಿಸಿದೆ. ಅಂದಹಾಗೆ ಈ ಸ್ಮಾರ್ಟ್ಫೋನ್ ಇದೇ ಜೂನ್ 16 ರಂದು ಮಧ್ಯಾಹ್ನ 12 ಗಂಟೆಗೆ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಆಗುವುದು ಪಕ್ಕಾ ಆಗಿದೆ. ಈ ಮೊಬೈಲ್ ಲಾಂಚ್ ಕುರಿತು ಅಮೆಜಾನ್ನಲ್ಲಿ ಮೈಕ್ರೋಪೇಜ್ ಸಹ ತೆರೆಯಲಾಗಿದೆ. ಅಲ್ಲದೇ ಬಿಡುಗಡೆ ಬಳಿಕ ಅಮೆಜಾನ್ ತಾಣದಲ್ಲಿ ಈ ಫೋನ್ ಖರೀದಿಗೆ ಲಭ್ಯವಾಗಲಿದೆ. ಅಂದಹಾಗೆ ಈ ಮೊಬೈಲ್ ಬೆಲೆ ಭಾರತದಲ್ಲಿ ಮೀಡ್ರೇಂಜ್ ಪ್ರೈಸ್ಟ್ಯಾಗ್ನಲ್ಲಿ ಇರಲಿದೆ ಎಂದು ನಿರೀಕ್ಷಿಸಲಾಗುತ್ತಿದೆ.
ರೆಡ್ಮಿ ಟರ್ಬೋ 5 ಮೊಬೈಲ್ನ ನಿರೀಕ್ಷಿತ ಫೀಚರ್ಸ್
ಲೀಕ್ ಮಾಹಿತಿ ಪ್ರಕಾರ ಹೊಸದಾಗಿ ಮಾರುಕಟ್ಟೆಗೆ ಪ್ರವೇಶಿಸಲಿರುವ ರೆಡ್ಮಿ ಟರ್ಬೋ 5 ಮೊಬೈಲ್ ಟರ್ಬೊ 5 6.59 ಇಂಚಿನ 1.5K ರೆಸಲ್ಯೂಶನ್ AMOLED ಪ್ಯಾನೆಲ್ ಒಳಗೊಂಡಿರಲಿದೆ. ಅಲ್ಲದೇ ಇದು ಮೀಡಿಯಾ ಟೆಕ್ ಡೈಮೆನ್ಸಿಟಿ 8500 ಅಲ್ಟ್ರಾ ಚಿಪ್ಸೆಟ್ ಪ್ರೊಸೆಸರ್ ಪಡೆದಿರುವ ಸಾಧ್ಯತೆಗಳು ಇವೆ. ಇದರೊಂದಿಗೆ 7,560 mAh ಸಿಲಿಕಾನ್ ಕಾರ್ಬನ್ ಬ್ಯಾಟರಿ ಬ್ಯಾಕ್ಅಪ್ ಸಪೋರ್ಟ್ ಇರಬಹುದು. ಇದಕ್ಕೆ ಪೂರಕವಾಗಿ 100W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸಲಿದೆ. ಇನ್ನು ಈ ಫೋನ್ 12 GB RAM ವೇರಿಯಂಟ್ ಆಯ್ಕೆ ಸಹ ಪಡೆದಿರಲಿದೆ.
ಹಾಗೆಯೇ ರೆಡ್ಮಿ ಟರ್ಬೋ 5 ಫೋನ್ ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾ ರಚನೆ ಅನ್ನು ಹೊಂದಿರಲಿದೆ ಎನ್ನಲಾಗಿದೆ. ಈ ಫೋನಿನ ಪ್ರಾಥಮಿಕ ಕ್ಯಾಮೆರಾವು 50 ಮೆಗಾಪಿಕ್ಸೆಲ್ ಸೆನ್ಸಾರ್ ಸಾಮರ್ಥ್ಯದಲ್ಲಿ ಇರುವ ನಿರೀಕ್ಷೆಗಳು ಇವೆ. ಇಲ್ಲದೇ ಎರಡನೇ ಕ್ಯಾಮೆರಾವು 8MP ಅಲ್ಟ್ರಾ ವೈಡ್ ಲೆನ್ಸ್ ಪಡೆದುಕೊಂಡಿರಲಿದೆ. ಇನ್ನು ವಿಡಿಯೋ ಕರೆಗಳಿಗಾಗಿ ಹಾಗೂ ಸೆಲ್ಫಿಗಾಗಿ ಮುಂಭಾಗದಲ್ಲಿ 20MP ಸೆನ್ಸಾರ್ನ ಕ್ಯಾಮೆರಾ ಒಳಗೊಂಡಿರಬಹುದು ಎನ್ನಲಾಗಿದೆ. ಅಲ್ಲದೇ 60 fps ವೀಡಿಯೊ ರೆಕಾರ್ಡಿಂಗ್ ಸೌಲಭ್ಯ ಸಹ ಪಡೆದುಕೊಂಡಿದೆ.
