ಭಾರತದಲ್ಲಿ Poco C81 ಮತ್ತು Poco C81x ಬಿಡುಗಡೆ! ಅಗ್ಗದ ಬೆಲೆಯಲ್ಲಿ ಲಭ್ಯ
Follow Usಈ ಸರಣಿಯು ಪೊಕೊ C81 ಹಾಗೂ ಪೊಕೊ C81x ಒಳಗೊಂಡಿದೆ
ಈ ಎರಡು ಫೋನ್ಗಳು ಇದೇ ಏಪ್ರಿಲ್ 27 ರಂದು ಭಾರತದಲ್ಲಿ ಸೇಲ್ ಆರಂಭಿಸಲಿವೆ
ಈ ಸರಣಿಯ ಎರಡು ಮೊಬೈಲ್ಗಳು 13MP ಸೆನ್ಸಾರ್ನ ಕ್ಯಾಮೆರಾ ಸೌಲಭ್ಯ ಪಡೆದಿವೆ
ಜನಪ್ರಿಯ ಪೊಕೊ ಕಂಪನಿಯು ತನ್ನ ಬಹುನಿರೀಕ್ಷಿತ Poco C81 ಸರಣಿಯನ್ನು ಭಾರತದಲ್ಲಿ ಇಂದು (ಏಪ್ರಿಲ್ 23 ರಂದು) ಬಿಡುಗಡೆ ಮಾಡಿದೆ. ಈ ಸರಣಿಯು ಪೊಕೊ C81 ಹಾಗೂ ಪೊಕೊ C81x ಸ್ಮಾರ್ಟ್ಫೋನ್ ಮಾಡೆಲ್ಗಳನ್ನು ಒಳಗೊಂಡಿದೆ. ಇನ್ನು ಈ ನೂತನ ಮೊಬೈಲ್ಗಳು ಯುನಿಸಾಕ್ T7250 ಚಿಪ್ಸೆಟ್ ಪ್ರೊಸೆಸರ್ ಪವರ್ನಲ್ಲಿ ಕಾರ್ಯನಿರ್ವಹಿಸಲಿವೆ. ಇದರೊಂದಿಗೆ ಹಿಂಭಾಗದಲ್ಲಿ 13 ಮೆಗಾಪಿಕ್ಸಲ್ ಕ್ಯಾಮೆರಾ ಸೆಟ್ಅಪ್ ಅನ್ನು ಒಳಗೊಂಡಿವೆ. ಅಲ್ಲದೇ ಈ ಎರಡು ಮೊಬೈಲ್ಗಳು 8 ಮೆಗಾಪಿಕ್ಸಲ್ ಸೆಲ್ಫಿ ಕ್ಯಾಮೆರಾ ರಚನೆಯನ್ನು ಪಡೆದುಕೊಂಡಿವೆ. ಅಂದಹಾಗೆ ಈ ಎರಡು ಫೋನ್ಗಳು ಆಕರ್ಷಕ ಕಲರ್ ಆಯ್ಕೆಗಳನ್ನು ಹೊಂದಿವೆ. ಹಾಗಾದರೆ ಪೊಕೊ C81 ಹಾಗೂ ಪೊಕೊ C81x ಫೋನ್ಗಳ ಫೀಚರ್ಸ್ ಹಾಗೂ ಬೆಲೆಯ ಬಗ್ಗೆ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
SurveyAlso Read : RBI New Rule: OTP ಇಲ್ಲದೆ ಬಿಲ್ ಪಾವತಿ ಸಾಧ್ಯ! ಚಂದಾದಾರಿಕೆಗಳ ಬಿಲ್ ಪಾವತಿಗೆ ಹೊಸ ವ್ಯವಸ್ಥೆ
Poco C81 ಸರಣಿ ಫೋನ್ಗಳ ಬೆಲೆ ಮತ್ತು ಲಭ್ಯತೆ
ನೂತನ ಪೊಕೊ C81x ಸ್ಮಾರ್ಟ್ಫೋನ್ ಸರಣಿಯ ಪೊಕೊ C81 ಹಾಗೂ ಪೊಕೊ C81x ಮಾಡೆಲ್ಗಳನ್ನು ಒಳಗೊಂಡಿದೆ. ಪೊಕೊ C81 ಫೋನಿನ 4GB RAM + 64GB ಸ್ಟೋರೇಜ್ ವೇರಿಯಂಟ್ ಬೆಲೆ 10,999 ರೂ.ಗಳು ಆಗಿದೆ. ಹಾಗೆಯೇ ಪೊಕೊ C81x ಮೊಬೈಲ್ನ 3GB RAM + 64GB ಸ್ಟೋರೇಜ್ ವೇರಿಯಂಟ್ ಬೆಲೆ 9,999 ರೂ.ಗಳು ಆಗಿದೆ. ಈ ಎರಡೂ ಸ್ಮಾರ್ಟ್ಫೋನ್ಗಳು ಏಪ್ರಿಲ್ 27 ರಂದು ಮಧ್ಯಾಹ್ನ 12 ಗಂಟೆಗೆ ಫ್ಲಿಪ್ಕಾರ್ಟ್ ಮೂಲಕ ಭಾರತದಲ್ಲಿ ಮಾರಾಟಕ್ಕೆ ಬರಲಿವೆ. ಇನ್ನು ಪೊಕೊ C81 ಫೋನ್ ಸನ್ಸೆಟ್ ಗೋಲ್ಡ್, ಇಲೈಟ್ ಬ್ಲ್ಯಾಕ್ ಹಾಗೂ ಸ್ಕೈ ಬ್ಲೂ ಕಲರ್ ಆಯ್ಕೆ ಪಡೆದಿದೆ. ಹಾಗೆಯೇ ಪೊಕೊ C81x ಸ್ಮಾರ್ಟ್ಫೋನ್ ಕ್ರಿಸ್ಟಲ್ ಬ್ಲ್ಯಾಕ್ ಹಾಗೂ ಐಸ್ ಬ್ಲೂ ಕಲರ್ ಆಯ್ಕೆ ಒಳಗೊಂಡಿದೆ.
ಪೊಕೊ C81 ಸರಣಿಯ ಫೀಚರ್ಸ್ ಮಾಹಿತಿ
ಪೊಕೊ C81 ಫೋನ್ 6.9 ಇಂಚಿನ HD+ ಡಿಸ್ಪ್ಲೇ ರಚನೆ ಪಡೆದಿದ್ದು, 720 x 1,600 ಪಿಕ್ಸೆಲ್ ರೆಸಲ್ಯೂಶನ್ ಪಡೆದಿದೆ. ಇದಲ್ಲದೇ ಇದರ ಸ್ಕ್ರೀನ್ 120Hz ವರೆಗೆ ರಿಫ್ರೆಶ್ ರೇಟ್ ಹೊಂದಿದ್ದು, 800 nits ವರೆಗೆ ಗರಿಷ್ಠ ಬ್ರೈಟ್ನೆಸ್ ಸಪೋರ್ಟ್ ಪಡೆದಿದೆ. ಪೊಕೊ C81x ಮೊಬೈಲ್ 6.8 ಇಂಚಿನ HD+ ಡಿಸ್ಪ್ಲೇಯನ್ನು ಹೊಂದಿದ್ದು, 720 x 1,640 ಪಿಕ್ಸೆಲ್ ರೆಸಲ್ಯೂಶನ್ ಪಡೆದಿದೆ. ಇದು 120Hz ವರೆಗೆ ಅಡಾಪ್ಟಿವ್ ರಿಫ್ರೆಶ್ ರೇಟ್ ಹಾಗೂ 650 nits ವರೆಗೆ ಗರಿಷ್ಠ ಬ್ರೈಟ್ನೆಸ್ ಪಡೆದುಕೊಂಡಿದೆ. ಇದಲ್ಲದೇ ಎರಡು ಫೋನ್ಗಳು ಆಕ್ಟಾ ಕೋರ್ ಯುನಿಸಾಕ್ T7250 ಚಿಪ್ಸೆಟ್ ಪ್ರೊಸೆಸರ್ ಅನ್ನು ಒಳಗೊಂಡಿವೆ.
ಪೊಕೊ C81 ಹಾಗೂ ಪೊಕೊ C81x ಈ ಎರಡು ಮೊಬೈಲ್ಗಳು ಡ್ಯುಯಲ್ ಕ್ಯಾಮೆರಾ ರಚನೆ ಹೊಂದಿವೆ. ಈ ಫೋನ್ಗಳ ಪ್ರಾಥಮಿಕ 13 ಮೆಗಾಪಿಕ್ಸೆಲ್ ಸೆನ್ಸಾರ್ ಅನ್ನು ಪಡೆದಿದ್ದು, ಮುಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಸೆನ್ಸಾರ್ನ ಸೆಲ್ಫಿ ಕ್ಯಾಮೆರಾ ಸೆಟ್ಅಪ್ ಅನ್ನು ಪಡೆದುಕೊಂಡಿದೆ. ಹಾಗೆಯೇ ಪೊಕೊ C81x ಮೊಬೈಲ್ 5,200mAh ಬ್ಯಾಟರಿ ಬ್ಯಾಕ್ಅಪ್ ಹೊಂದಿದೆ. ಇದರೊಂದಿಗೆ 15W ಚಾರ್ಜಿಂಗ್ ಮತ್ತು 7.5W ರಿವರ್ಸ್ ವೈರ್ಡ್ ಚಾರ್ಜಿಂಗ್ ಸೌಲಭ್ಯ ಪಡೆದಿದೆ. ಹಾಗೆಯೇ ಪೊಕೊ C81 ಮೊಬೈಲ್ 6,300mAh ಬ್ಯಾಟರಿ ಬ್ಯಾಕ್ಅಪ್ ಸಪೋರ್ಟ್ ಜೊತೆಗೆ 15W ಚಾರ್ಜಿಂಗ್ ಮತ್ತು 7.5W ರಿವರ್ಸ್ ವೈರ್ಡ್ ಚಾರ್ಜಿಂಗ್ ಬೆಂಬಲ ಹೊಂದಿದೆ.
