Lava Yuva Star 2: ಭಾರತದ ಸ್ವದೇಶಿ ಸ್ಮಾರ್ಟ್ ಫೋನ್ ಬ್ರಾಂಡ್ ಆಗಿರುವ ಲಾವಾ (LAVA) ತನ್ನ ಬಜೆಟ್ ಕೇಂದ್ರಿತ ಯುವ ಸರಣಿಯಲ್ಲಿ ಕಂಪನಿಯ ಇತ್ತೀಚಿನ 4G ಸ್ಮಾರ್ಟ್ಫೋನ್ Lava Yuva Star 2 ಅನ್ನು ಬಿಡುಗಡೆ ಮಾಡಿದೆ. ಇದು ಕಳೆದ ವರ್ಷದ ಯುವ ಸ್ಟಾರ್ನ ಅನುಸರಣೆಯಾಗಿದ್ದು 5000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ. ಇದು ಯುನಿಸಾಕ್ ಪ್ರೊಸೆಸರ್ ಮತ್ತು 13MP AI ಹಿಂಬದಿಯ ಕ್ಯಾಮೆರಾದೊಂದಿಗೆ ಜೋಡಿಸಲ್ಪಟ್ಟಿದೆ. ಇದಲ್ಲದೆ Lava Yuva Star 2 ಸ್ಮಾರ್ಟ್ ಫೋನ್ ಆಂಡ್ರಾಯ್ಡ್ 14 ಗೋ ಪ್ಲಾಟ್ಫಾರ್ಮ್ನಿಂದ ಚಾಲಿತವಾಗಿದ್ದು ಬ್ಲೊಟ್ವೇರ್-ಮುಕ್ತ ಅನುಭವವನ್ನು ನೀಡುತ್ತದೆ.
ಈ ಜನಪ್ರಿಯ Lava Yuva Star 2 ಸ್ಮಾರ್ಟ್ ಫೋನ್ 4GB RAM ಮತ್ತು 64GB ಇಂಟರ್ನಲ್ ಸ್ಟೋರೇಜ್ ಜೊತೆಗೆ ಒಂದೇ ರೂಪಾಂತರದಲ್ಲಿ ಲಭ್ಯವಿದೆ. ಇದು ಎರಡು ರೇಡಿಯಂಟ್ ಬ್ಲಾಕ್ ಮತ್ತು ಸ್ಪಾರ್ಕ್ಲಿಂಗ್ ಐವರಿ ಎಂಬ ಬಣ್ಣಗಳ ಆಯ್ಕೆಗಳಲ್ಲಿ ಬರುತ್ತದೆ. ಇದು ಈಗಾಗಲೇ ಭಾರತದ ಆಫ್ಲೈನ್ ಚಿಲ್ಲರೆ ಅಂಗಡಿಗಳಲ್ಲಿ ಲಭ್ಯವಿದೆ. ಇದಲ್ಲದೆ ಈ ಸ್ಮಾರ್ಟ್ ಫೋನ್ ಒಂದು ವರ್ಷದ ಖಾತರಿ ಮತ್ತು ಮನೆಯಲ್ಲಿ ಉಚಿತ ಸೇವೆಯೊಂದಿಗೆ ಬರುತ್ತದೆ.
Lava Yuva Star 2 ಸ್ಮಾರ್ಟ್ಫೋನ್ 6.75 ಇಂಚಿನ HD+ LCD ಡಿಕ್ಷೆಯೊಂದಿಗೆ ಬರುತ್ತದೆ. ಕ್ಲೀನ್ ಮತ್ತು ಸುರಕ್ಷಿತ ಬಳಕೆದಾರ ಇಂಟರ್ಫೇಸ್ಗಾಗಿ ಯಾವುದೇ ಪೂರ್ವ-ಸ್ಥಾಪಿತ ಅಪ್ಲಿಕೇಶನ್ಗಳಿಲ್ಲ ಅನ್ನೋದು ಗಮನಿಸಬೇಕಿದೆ. ಇದು ಆಕ್ಷಾ-ಕೋರ್ ಯುನಿಸಾಕ್ ಪ್ರೊಸೆಸರ್ನಿಂದ ಚಾಲಿತವಾಗಿದ್ದು 4GB RAM ಜೊತೆಗೆ 4GB ವರ್ಚುವಲ್ RAM ಮತ್ತು 64GB ಸ್ಟೋರೇಜ್ ಅನ್ನು ಹೊಂದಿದೆ.
ಇದನ್ನೂ ಓದಿ: ಬರೋಬ್ಬರಿ 21 ವರ್ಷಗಳ ನಂತರ ಸ್ಥಗಿತಗೊಂಡ Skype ಬಗ್ಗೆ ಒಂದಿಷ್ಟು ಇಂಟ್ರೆಸ್ಟಿಂಗ್ ಸತ್ಯಾಂಶಗಳು ಇಲ್ಲಿವೆ ನೋಡಿ!
ಕ್ಯಾಮೆರಾ ವಿಷಯದಲ್ಲಿ Lava Yuva Star 2 ಸ್ಮಾರ್ಟ್ಫೋನ್ 13MP ಪ್ರೈಮರಿ ಸೆನ್ಸರ್ ಮತ್ತು 5MP ಮುಂಭಾಗದ ಕ್ಯಾಮೆರಾದೊಂದಿಗೆ ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಸ್ಮಾರ್ಟ್ಫೋನ್ 10W ಚಾರ್ಜಿಂಗ್ ಬೆಂಬಲದೊಂದಿಗೆ 5000mAh ಬ್ಯಾಟರಿಯಿಂದ ಬೆಂಬಲಿತವಾಗಿದೆ. ಭದ್ರತೆಯ ವಿಷಯದಲ್ಲಿ Lava Yuva Star 2 ಸ್ಮಾರ್ಟ್ಫೋನ್ ಸೈಡ್ ಫಿಂಗಪ್ರಿಂಟ್ ಸೆನ್ಸರ್ ಮತ್ತು ಫೇಸ್ ಅನ್ಲಾಕ್ನೊಂದಿಗೆ ಬರುತ್ತದೆ.
ಇದು ಆಂಡ್ರಾಯ್ಡ್ 14 Go ಆವೃತ್ತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಯಾವುದೇ ಪೂರ್ವ-ಸ್ಥಾಪಿತ ಬ್ಲೊಟ್ವೇರ್ ಇಲ್ಲದೆ ಕ್ಲೀನ್ ಸಾಫ್ಟ್ವೇರ್ ಅನುಭವವನ್ನು ನೀಡುತ್ತದೆ. ಈ ಪ್ರೀಮಿಯಂ ಹೊಳಪು ಹಿಂಭಾಗದ ವಿನ್ಯಾಸವನ್ನು ಹೊಂದಿದೆ. ಮತ್ತು ನೀರು ಮತ್ತು ಧೂಳು-ನಿರೋಧಕವಾಗಿದೆ. ಸಂಪರ್ಕ ಆಯ್ಕೆಗಳಲ್ಲಿ ಡ್ಯುಯಲ್ 4G VoLTE ಬೆಂಬಲ, Wi-Fi 802.11ac, ಬ್ಲೂಟೂತ್ 4.2 ಮತ್ತು ಮೈಕ್ರೋ SD ಮೂಲಕ 512GB ವರೆಗೆ ವಿಸ್ತರಿಸಬಹುದಾದ ಸ್ಟೋರೇಜ್ ಸೇರಿವೆ.
