ಭಾರತದಲ್ಲಿ ಶೀಘ್ರದಲ್ಲೇ ಬಿಡುಗಡೆಯಾಗುವುದು ಖಚಿತವಾಗಿದೆ. ದೇಶೀಯ ಸ್ಮಾರ್ಟ್ಫೋನ್ ಬ್ರ್ಯಾಂಡ್ ಮುಂಬರುವ ಅಗ್ನಿ ಸರಣಿಯ ಫೋನ್ನ ಮೊದಲ ಅಧಿಕೃತ ಟೀಸರ್ ಅನ್ನು ತನ್ನ ಅಧಿಕೃತ ವೆಬ್ಸೈಟ್ ಮೂಲಕ ಹಂಚಿಕೊಂಡಿದೆ. ಟೀಸರ್ ಕಪ್ಪು ಛಾಯೆಯಲ್ಲಿ ಹ್ಯಾಂಡ್ಸೆಟ್ ಅನ್ನು ಅಡ್ಡಲಾಗಿ ಜೋಡಿಸಲಾದ ಹಿಂಭಾಗದ ಕ್ಯಾಮೆರಾ ಘಟಕದೊಂದಿಗೆ ಬಹಿರಂಗಪಡಿಸುತ್ತದೆ. Lava Agni 4 ಸ್ಮಾರ್ಟ್ಫೋನ್ ಪವರ್ಫುಲ್ MediaTek Dimensity 8350 ಚಿಪ್ಸೆಟ್ ಮತ್ತು ದೊಡ್ಡ ಡಿಸ್ಪ್ಲೇಯೊಂದಿಗೆ ಬರುವ ನಿರೀಕ್ಷೆಗಳಿವೆ.
ಭಾರತದಲ್ಲಿ ಲಾವಾ ತನ್ನ ಅಧಿಕೃತ ಭಾರತದ ವೆಬ್ಸೈಟ್ ಮೂಲಕ ಲಾವಾ ಫೋನ್ ನವೆಂಬರ್ನಲ್ಲಿ ಬಿಡುಗಡೆಯಾಗಲಿದೆ ಎಂದು ದೃಢಪಡಿಸಿದೆ. ನಿಖರವಾದ ಬಿಡುಗಡೆ ದಿನಾಂಕವನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲವಾದರೂ ಟೀಸರ್ ಪೋಸ್ಟರ್ ಫೋನ್ನ ಹಿಂಭಾಗದ ವಿನ್ಯಾಸದ ಒಂದು ನೋಟವನ್ನು ನೀಡುತ್ತದೆ. ಇದು ಹಿಂದೆ ಸೋರಿಕೆಯಾದ ಚಿತ್ರಕ್ಕೆ ಹೊಂದಿಕೆಯಾಗುತ್ತದೆ. ಹ್ಯಾಂಡ್ಸೆಟ್ ಕಪ್ಪು ಬಣ್ಣದ ಆಯ್ಕೆಯಲ್ಲಿ ಪ್ರದರ್ಶಿಸಲಾಗಿದೆ. ಇದು ಕಳೆದ ವರ್ಷ ಅಕ್ಟೋಬರ್ನಲ್ಲಿ ಮೀಡಿಯಾ ಟೆಕ್ ಡೈಮೆನ್ಸಿಟಿ 7300X ಚಿಪ್ಸೆಟ್ನೊಂದಿಗೆ ಭಾರತದಲ್ಲಿ ಅನಾವರಣಗೊಂಡ Lava Agni 3 ಉತ್ತರಾಧಿಕಾರಿಯಾಗಿ ಈ ಹೊಸ ಸ್ಮಾರ್ಟ್ಫೋನ್ ಬಿಡುಗಡೆಯಾಗಲಿದೆ.
ಈ ಸ್ಮಾರ್ಟ್ಫೋನ್ ಹಿಂಭಾಗದಲ್ಲಿ ಅಡ್ಡಲಾಗಿ ಜೋಡಿಸಲಾದ ಉದ್ದದ ಮಾತ್ರೆ ಆಕಾರದ ಹಿಂಭಾಗದ ಕ್ಯಾಮೆರಾ ಕ್ಯಾಮೆರಾಗಳನ್ನು ಹೊಂದಿದೆ. ಹಿಂಭಾಗದ ಕ್ಯಾಮೆರಾ ಘಟಕವು ಡ್ಯುಯಲ್ ಹಿಂಭಾಗದ ಸೆನ್ಸರ್ಗಳನ್ನು ಹೊಂದಿರುವಂತೆ ತೋರುತ್ತದೆ. ಅಲ್ಲದೆ ಈ Lava Agni 4 ಸ್ಮಾರ್ಟ್ಫೋನ್ ಬೆಲೆ ಬಗ್ಗೆ ಮಾತಾನಾಡುವುದಾದರೆ ಹಿಂದಿನ ಸೋರಿಕೆಯ ಪ್ರಕಾರ ಈ ಫೋನ್ ಭಾರತದಲ್ಲಿ ಆರಂಭಿಕ ಸುಮಾರು 25,000 ರೂಗಳ ಬೆಲೆಗೆ ಲಭ್ಯವಾಗಲಿದೆ ಎಂದು ಹೇಳಲಾಗಿತ್ತು.
ಇದು 120Hz ರಿಫ್ರೆಶ್ ದರದೊಂದಿಗೆ 6.78 ಇಂಚಿನ ಪೂರ್ಣ-HD+ ಡಿಸ್ಪ್ಲೇಯೊಂದಿಗೆ ಬರುತ್ತದೆ ಎಂದು ಹೇಳಲಾಗಿದೆ. ಇದು UFS 4.0 ಸ್ಟೋರೇಜ್ ಜೊತೆಗೆ 4nm ಮೀಡಿಯಾ ಟೆಕ್ ಡೈಮೆನ್ಸಿಟಿ 8350 ಚಿಪ್ಸೆಟ್ ಅನ್ನು ಒಳಗೊಂಡಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಲಾವಾ ಅಗ್ನಿ ಬ್ಯಾಟರಿಯ ಸಾಮರ್ಥ್ಯ ಬರೋಬ್ಬರಿ 7000mAh ಗಿಂತ ಹೆಚ್ಚು ಎಂದು ಹೇಳಲಾಗುತ್ತದೆ. ಇದು ಡ್ಯೂಯಲ್ ಕ್ಯಾಮೆರಾದೊಂದಿಗೆ 50MP ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾಗಳನ್ನು ಒಳಗೊಂಡ ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಘಟಕವನ್ನು ಒಳಗೊಂಡಿರಬಹುದು. ಅಲ್ಲದೆ ಮುಂಭಾಗದಲ್ಲಿ ಸೆಲ್ಫಿಗಾಗಿ ಸುಮಾರು 32MP ಮೆಗಾಪಿಕ್ಸೆಲ್ ನಿರೀಕ್ಷಿಸಲಾಗಿದೆ.
