BSNL ಸಂಸ್ಥೆಯಿಂದ ಹೊಸ ಸ್ಯಾಟಲೈಟ್ ಫೋನ್ ಬಿಡುಗಡೆ! ಇದು ಐಫೋನ್ಗಿಂತ ದುಬಾರಿ
Follow Usಬಿಎಸ್ಎನ್ಎಲ್ ಸಂಸ್ಥೆಯಿಂದ ಸ್ಯಾಟಲೈಟ್ ಫೋನ್ ಲಾಂಚ್
ಮೊಬೈಲ್ ಟವರ್ಗಳು ಇಲ್ಲದ ಸ್ಥಳಗಳಲ್ಲಿಯೂ ಈ ಫೋನ್ ಕೆಲಸ ಮಾಡುತ್ತೆ
ಬಿಎಸ್ಎನ್ಎಲ್ನ ಈ ಹೊಸ ಫೋನ್ 1,34,166 ರೂ.ಗಳ ಬೆಲೆಯನ್ನು ಹೊಂದಿದೆ
ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಸಂಸ್ಥೆಯಾದ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL) ಭಾರತದಲ್ಲಿ ತನ್ನ ಹೊಸ ಸ್ಯಾಟಲೈಟ್ ಫೋನ್ ಸೇವೆಯನ್ನು ಪರಿಚಯಿಸಿದೆ. ಸಾಮಾನ್ಯ ಮೊಬೈಲ್ ನೆಟ್ವರ್ಕ್ ಲಭ್ಯವಿಲ್ಲದ ಪ್ರದೇಶಗಳಲ್ಲಿಯೂ ಸಂಪರ್ಕ ಸಾಧಿಸಲು ಈ ಫೋನ್ ನೆರವಾಗಲಿದೆ. ದೂರದ ಪ್ರದೇಶಗಳಲ್ಲಿ ಕೆಲಸ ಮಾಡುವವರು ಹಾಗೂ ತುರ್ತು ಸಂದರ್ಭಗಳಲ್ಲಿ ನಿರಂತರ ಸಂಪರ್ಕ ಅಗತ್ಯವಿರುವವರಿಗೆ ಇದು ನೆರವಾಗಲಿದೆ. ಬಿಎಸ್ಎನ್ಎಲ್ನ ಈ ಸ್ಯಾಟಲೈಟ್ ಫೋನ್ ವಿಶೇಷವಾಗಿ ರಕ್ಷಣಾ ಇಲಾಖೆ, ಸಮುದ್ರ ಸಾರಿಗೆ, ವಿಪತ್ತು ನಿರ್ವಹಣೆ, ಗಣಿಗಾರಿಕೆ, ದೂರದ ಪ್ರದೇಶಗಳ ಕಾರ್ಯಾಚರಣೆಗಳು ಹಾಗೂ ಸಾಹಸ ಪ್ರವಾಸ ಸೇರಿದಂತೆ ವಿವಿಧ ಕ್ಷೇತ್ರಗಳ ಬಳಕೆದಾರರನ್ನು ಗಮನದಲ್ಲಿಟ್ಟುಕೊಂಡು ಅಭಿವೃದ್ಧಿಪಡಿಸಲಾಗಿದೆ. ಮೊಬೈಲ್ ಟವರ್ಗಳು ಇಲ್ಲದ ಸ್ಥಳಗಳಲ್ಲಿಯೂ ಈ ಫೋನ್ ಮೂಲಕ ಸಂಪರ್ಕ ಸಾಧಿಸಲು ಸಾಧ್ಯವಾಗಲಿದೆ. ಈ ಬಗ್ಗೆ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
SurveyAlso Read : ಬಜೆಟ್ ಬೆಲೆಯಲ್ಲಿ ಹೊಸ Moto G77 Power ಬಿಡುಗಡೆ! 7,000mAh ಬ್ಯಾಟರಿ ವಿಶೇಷ
BSNL ಸ್ಯಾಟಲೈಟ್ ಫೋನ್ ಬೆಲೆ ಮತ್ತು ಲಭ್ಯತೆ
ಬಿಎಸ್ಎನ್ಎಲ್ ಕಂಪನಿಯ ಹೊಸ ಸ್ಯಾಟಲೈಟ್ ಫೋನ್ ಭಾರತೀಯ ಮಾರುಕಟ್ಟೆಯಲ್ಲಿ 1,34,166 ರೂ.ಗಳ ಬೆಲೆಯನ್ನು ಹೊಂದಿದೆ. ಅಂದಹಾಗೆ ಬಿಎಸ್ಎನ್ಎಲ್ ಸಂಸ್ಥೆಯು ಸಾಮಾನ್ಯ ಸ್ಮಾರ್ಟ್ಫೋನ್ ಸ್ಟೋರ್ ಅಥವಾ ಆನ್ಲೈನ್ ಶಾಪಿಂಗ್ ಪ್ಲಾಟ್ಫಾರ್ಮ್ಗಳ ಮೂಲಕ ಈ ಸ್ಮಾರ್ಟ್ಫೋನ್ ಅನ್ನು ನೀಡುವುದಿಲ್ಲ ಎಂಬುದನ್ನು ಗಮನಿಸಬೇಕು. ಆಸಕ್ತ ಗ್ರಾಹಕರು ಖರೀದಿ ಪ್ರಕ್ರಿಯೆ, ಅರ್ಹತಾ ಅವಶ್ಯಕತೆಗಳು ಮತ್ತು ಇತರ ಸಂಬಂಧಿತ ಮಾಹಿತಿಯನ್ನು ವಿವರವಾಗಿ ತಿಳಿದುಕೊಳ್ಳಲು ತಮ್ಮ ಹತ್ತಿರದ ಬಿಎಸ್ಎನ್ಎಲ್ ಕಚೇರಿಗೆ ಭೇಟಿ ನೀಡಬೇಕು. ಈ ಫೋನಿನ ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಆಸಕ್ತರು 9768866652 ಮೂಲಕ ಕಂಪನಿಯನ್ನು ಸಹ ಸಂಪರ್ಕಿಸಬಹುದು.
ಬಿಎಸ್ಎನ್ಎಲ್ ಸ್ಯಾಟಲೈಟ್ ಫೋನ್ ಫೀಚರ್ಸ್
ಬಿಎಸ್ಎನ್ಎಲ್ ಸ್ಯಾಟಲೈಟ್ ಫೋನ್ ಒರಟಾದ ವಿನ್ಯಾಸವನ್ನು ಹೊಂದಿದೆ ಮತ್ತು ಕಠಿಣ ಕೆಲಸದ ಪರಿಸ್ಥಿತಿಗಳನ್ನು ನಿರ್ವಹಿಸಲು ನಿರ್ಮಿಸಲಾಗಿದೆ. ಹಾಗೆಯೇ ದೀರ್ಘಕಾಲ ಬಾಳಿಕೆಗಾಗಿ ಈ ಫೋನ್ ಅತ್ಯುತ್ತಮ ಬ್ಯಾಟರಿ ಬ್ಯಾಕ್ಅಪ್ ಹೊಂದಿದೆ. ಇದು ಉಪಗ್ರಹಗಳೊಂದಿಗೆ ನೇರವಾಗಿ ಸಂಪರ್ಕಿಸುವ ಮೂಲಕ ಕಾರ್ಯ ನಿರ್ವಹಿಸುವುದರಿಂದ ಯಾವುದೇ ಟೆಲಿಕಾಂ ನೆಟ್ವರ್ಕ್ಗಳಿಲ್ಲದಿದ್ದರೂ ಸಹ ಬಳಕೆದಾರರು ಕರೆಗಳನ್ನು ಮಾಡಬಹುದು.
ಬಿಎಸ್ಎನ್ಎಲ್ನ ಹೊಸ ಫೋನ್ ಮಿಷನ್-ಕ್ರಿಟಿಕಲ್ ಸಂವಹನಕ್ಕಾಗಿ ನಿರ್ಮಿಸಲಾದ Inmarsat ಸ್ಯಾಟಲೈಟ್ ಫೋನ್ ಆಗಿದೆ. ಈ ಫೋನಿನ ಪ್ರಮುಖ ಹೈಲೈಟ್ ಎಂದರೆ ಅದರ ಉಪಗ್ರಹ ಸಂಪರ್ಕ ಆಗಿದೆ. ಇದು ಮೊಬೈಲ್ ನೆಟ್ವರ್ಕ್ನ ಯಾವುದೇ ಕುರುಹು ಇಲ್ಲದ ದೂರದ ಪ್ರದೇಶಗಳಲ್ಲಿಯೂ ಸಹ ಬಳಕೆದಾರರಿಗೆ ವಾಯ್ಸ್ ಕರೆಗಳನ್ನು ಮಾಡಲು ಅನುವು ಮಾಡಿಕೊಡುತ್ತದೆ. ಇದಲ್ಲದೆ ಫೋನ್ ತುರ್ತು ಸಂದರ್ಭಗಳಲ್ಲಿ ಉಪಯುಕ್ತವಾಗಬಹುದಾದ SOS ತುರ್ತು ಬೆಂಬಲ ಆಯ್ಕೆಯನ್ನು ಸಹ ಒಳಗೊಂಡಿದೆ.
