iPhone Duo Now Available for Pre Order
ಟೆಕ್ ದಿಗ್ಗಜ ಆಪಲ್‌ ಕಂಪನಿಯು ಇತ್ತೀಚಿಗಷ್ಟೆ ಮಾರುಕಟ್ಟೆಗೆ ಪರಿಚಯಿಸಿರುವ iPhone Duo ಫೋಲ್ಡೆಬಲ್ ಸ್ಮಾರ್ಟ್‌ಫೋನ್‌ ಈಗಾಗಲೇ ಮಾರುಕಟ್ಟೆಯಲ್ಲಿ ಐಫೋನ್ ಪ್ರಿಯ ಗ್ರಾಹಕರ ಗಮನ ಸೆಳೆದಿದೆ. ಈ ನೂತನ ಐಫೋನ್ ಡ್ಯುಯೊ ಇಂದಿನಿಂದ (ಅಕ್ಟೋಬರ್ 16 ರಿಂದ) Pre-order ಗೆ ಲಭ್ಯವಿದೆ. ಅಂದಹಾಗೆ ಈ ಹೊಸ ಫೋಲ್ಡೆಬಲ್ ಐಫೋನ್ ಆಪಲ್‌ನ ಹೊಸ A20 ಪ್ರೊ ಚಿಪ್‌ಸೆಟ್‌ ಪ್ರೊಸೆಸರ್ ಸೌಲಭ್ಯ ಪಡೆದಿದ್ದು, 48MP + 48MP ಕ್ಯಾಮೆರಾ ಸೆನ್ಸಾರ್‌ ಅನ್ನು ಒಳಗೊಂಡಿದೆ. ಹಾಗೆಯೇ ಈ ಐಫೋನ್ ಆಕರ್ಷಕ ಕಲರ್‌ ವೇರಿಯಂಟ್‌ ಆಯ್ಕೆಗಳನ್ನು ಪಡೆದುಕೊಂಡಿವೆ. ಹಾಗಾದರೆ ಐಫೋನ್ ಡ್ಯುಯೊ ಮೊಬೈಲ್ ಮಾರಾಟ ದಿನಾಂಕ, ಬೆಲೆ, ಫೀಚರ್ಸ್‌ ಹಾಗೂ ಲಭ್ಯತೆಯ ಬಗ್ಗೆ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
Also Read : 32MP ಸೆಲ್ಫಿ ಕ್ಯಾಮೆರಾ ಜೊತೆಗೆ ಬಿಗ್ ಬ್ಯಾಟರಿ ಇರುವ iQOO Z11x 5G ಮೊಬೈಲ್ ಬೆಲೆಯಲ್ಲಿ ಇಳಿಕೆ!
ಹೊಸ ಐಫೋನ್ ಡ್ಯುಯೊ ಫೋಲ್ಡೆಬಲ್ ಸ್ಮಾರ್ಟ್‌ಫೋನ್‌ ಇಂದಿನಿಂದ (ಅಕ್ಟೋಬರ್ 16 ರಿಂದ) ಪ್ರಿ-ಆರ್ಡರ್‌ಗೆ ಲಭ್ಯವಿದೆ. ಆಸಕ್ತ ಗ್ರಾಹಕರು ಫ್ಲಿಪ್‌ಕಾರ್ಟ್‌ ಇ ಕಾಮರ್ಸ್‌, ಆಪಲ್‌ ವೆಬ್‌ಸೈಟ್‌ ಮೂಲಕ ಪ್ರಿ-ಆರ್ಡರ್ ಮಾಡಬಹುದು. ಇನ್ನು ಈ ಫೋನ್‌ ಸ್ಟಾರ್‌ ವೈಟ್ ಹಾಗೂ ನೈಟ್ ಸ್ಕೈ ಬಣ್ಣಗಳ ಕಲರ್‌ ಆಯ್ಕೆಗಳಲ್ಲಿ ಲಭ್ಯವಾಗಲಿವೆ. ಅಕ್ಟೋವರ್ 23 ರಿಂದ ಗ್ರಾಹಕರಿಗೆ ಲಭ್ಯವಾಗಲಿದೆ.
ಐಫೋನ್ ಡ್ಯುಯೊ – 256GB – 2,99,900 ರೂ.ಗಳು
ಐಫೋನ್ ಡ್ಯುಯೊ – 512GB – 3,24,900 ರೂ.ಗಳು
ಐಫೋನ್ ಡ್ಯುಯೊ – 1TB – 3,74,900 ರೂ.ಗಳು
ಐಫೋನ್ ಡ್ಯುಯೊ – 2TB – 4,49,900 ರೂ.ಗಳು
ಐಫೋನ್ ಡ್ಯುಯೊ ಫೋಲ್ಡೆಬಲ್ ಮೊಬೈಲ್ ಐಫೋನ್ ಪ್ರಿಯರ ಗಮನ ಸೆಳೆಯುತ್ತಿದೆ. ಈ ಫೋಲ್ಡೆಬಲ್ ಫೋನ್‌ ಡಿಸ್‌ಪ್ಲೇ 7.76 ಇಂಚಿನ ಗಾತ್ರದಲ್ಲಿ ಇದೆ. ಇದು 2713×1920 ಪಿಕ್ಸೆಲ್‌ ರೆಸಲ್ಯೂಶನ್‌ ಬೆಂಬಲ ಹೊಂದಿದೆ. ಹಾಗೆಯೇ ಇದರ ಕವರ್ ಡಿಸ್‌ಪ್ಲೇ 5.49 ಇಂಚಿನ ಗಾತ್ರದಲ್ಲಿ ಇದ್ದು, ಇದರ ಸ್ಕ್ರೀನ್‌ 1422 x 2088 ಪಿಕ್ಸೆಲ್‌ ರೆಸಲ್ಯೂಶನ್‌ ಸಪೋರ್ಟ್‌ ಪಡೆದಿದೆ. ಅಲ್ಲದೇ ಐಫೋನ್ 18 ಪ್ರೊ ಸರಣಿಯಂತೆ ಆಪಲ್‌ನ ಈ ಫೋಲ್ಡೆಬಲ್ ಫೋನ್‌ ಸಹ ಹೊಸ A20 ಪ್ರೊ ಪ್ರೊಸೆಸರ್ ನಲ್ಲಿ ಕೆಲಸ ಮಾಡಲಿವೆ. ಇದು 256GB, 512GB, 1TB ಮತ್ತು 2TB ಸ್ಟೋರೇಜ್‌ ಆಯ್ಕೆ ಒಳಗೊಂಡಿದೆ.
ಇನ್ನು ಐಫೋನ್ ಡ್ಯುಯೊ ಮೊಬೈಲ್ ಕ್ಯಾಮೆರಾ ವಿಭಾಗದಲ್ಲೂ ಗಮನಾರ್ಹ ಆಕರ್ಷಣೆ ಪಡೆದುಕೊಂಡಿದೆ. ಈ ಫೋನ್‌ ಹಿಂಭಾಗದಲ್ಲಿ ಡ್ಯುಯಲ್‌ ಕ್ಯಾಮೆರಾ ರಚನೆ ಅನ್ನು ಪಡೆದುಕೊಂಡಿದೆ. ಇವುಗಳು ಕ್ರಮವಾಗಿ 48MP ಸೆನ್ಸಾರ್‌ + 48MP ಸೆನ್ಸಾರ್‌ ಅನ್ನು ಹೊಂದಿದೆ. ಅಲ್ಲದೇ ಸೆಲ್ಫಿ ಹಾಗೂ ವಿಡಿಯೋ ಕರೆಗಾಗಿ ಮುಂಭಾಗದಲ್ಲಿ 12MP ಸೆನ್ಸಾರ್‌ನ ಕ್ಯಾಮೆರಾ ರಚನೆ ನೀಡಲಾಗಿದೆ. ಅಂದಹಾಗೆ ಈ ಫೋನ್‌ ಮ್ಯಾಗ್‌ಸೇಫ್ ವೈರ್‌ಲೆಸ್ ಚಾರ್ಜಿಂಗ್ ಬೆಂಬಲವನ್ನು ಹೊಂದಿದೆ.