ಶೀಘ್ರದಲ್ಲೇ ಬರಲಿದೆ Xiaomi Power Bank 5i ಪವರ್ ಬ್ಯಾಂಕ್! 20000mAh ಬ್ಯಾಟರಿ
Follow Usಸದ್ಯದಲ್ಲೇ ಶಿಯೋಮಿಯಿಂದ ಹೊಸ ಪವರ್ ಬ್ಯಾಂಕ್ ಲಾಂಚ್
ಮುಂಬರುವ ಹೊಸ ಪವರ್ಬ್ಯಾಂಕ್ 20000mAh ಬ್ಯಾಟರಿ ಪಡೆದಿರಲಿದೆ
ಶಿಯೋಮಿ ಪವರ್ ಬ್ಯಾಂಕ್ 5i ಪವರ್ ಬ್ಯಾಂಕ್ನಲ್ಲಿ 67W ಫಾಸ್ಟ್ ಚಾರ್ಜಿಂಗ್ ಇರಲಿದೆ
ಜನಪ್ರಿಯ ಶಿಯೋಮಿ ತನ್ನ ಹೊಸ Xiaomi Power Bank 5i ಹೆಸರಿನ ಪವರ್ ಬ್ಯಾಂಕ್ ಅನ್ನು ಭಾರತದಲ್ಲಿ ಶೀಘ್ರದಲ್ಲೇ ಬಿಡುಗಡೆ ಮಾಡುವುದಾಗಿ ಅಧಿಕೃತವಾಗಿ ಘೋಷಿಸಿದೆ. ಈ ಪವರ್ ಬ್ಯಾಂಕ್ 20000mAh ಬ್ಯಾಟರಿ ಸಪೋರ್ಟ್ ಪಡೆದಿರಲಿದ್ದು, ಇದಕ್ಕೆ ಪೂರಕವಾಗಿ 67W ಫಾಸ್ಟ್ ಚಾರ್ಜಿಂಗ್ ಬೆಂಬಲ ಪಡೆದಿರಲಿದೆ. ಇದರ ಪ್ರಮುಖ ಆಕರ್ಷಣೆಯೆಂದರೆ ಡಿಜಿಟಲ್ ಡಿಸ್ಪ್ಲೇ ಹಾಗೂ ಬಿಲ್ಟ್-ಇನ್ USB Type-C ಕೇಬಲ್. ಹಾಗಾದರೇ ಶಿಯೋಮಿ ಕಂಪನಿಯಿಂದ ಹೊಸದಾಗಿ ಬಿಡುಗಡೆ ಆಗಲಿರುವ ಪವರ್ ಬ್ಯಾಂಕ್ನ ಬೆಲೆ ಮತ್ತು ಲಭ್ಯತೆ ಕುರಿತ ಇನ್ನಷ್ಟು ಮಾಹಿತಿ ಮುಂದೆ ನೋಡೋಣ.
SurveyAlso Read : ಸಖತ್ ಸ್ಟೈಲಿಶ್ ಲುಕ್ ಇರುವ Oppo K14x 5G ಫೋನ್ ಬೆಲೆಯಲ್ಲಿ ಭಾರೀ ಇಳಿಕೆ!
Xiaomi Power Bank 5i ಶೀಘ್ರದಲ್ಲೇ ಬಿಡುಗಡೆ
ಶಿಯೋಮಿ ತನ್ನ ಅಧಿಕೃತ ವೆಬ್ಸೈಟ್ನಲ್ಲಿ ಪ್ರಕಟಿಸಿರುವ ಮಾಹಿತಿಯ ಪ್ರಕಾರ ಶಿಯೋಮಿ ಪವರ್ ಬ್ಯಾಂಕ್ 5i ಡಿವೈಸ್ 20000mAh ಸಪೋರ್ಟ್ ಜೊತೆಗೆ 67W ಚಾರ್ಜಿಂಗ್ ಅನ್ನು ಹೊಂದಿರಲಿದೆ. ಈ ಸಾಧನವನ್ನು ಇದೇ ಜುಲೈ 23 ರಂದು ಭಾರತದಲ್ಲಿ ಬಿಡುಗಡೆ ಮಾಡಲಾಗುತ್ತದೆ ಎನ್ನಲಾಗಿದೆ. ಲಾಂಚ್ ಕುರಿತಾಗಿ ಅಮೆಜಾನ್ ಇ ಕಾಮರ್ಸ್ನಲ್ಲಿ ಈಗಾಗಲೇ ವಿಶೇಷ ಮೈಕ್ರೋಸೈಟ್ ಲೈವ್ ಆಗಿದ್ದು, ಬಿಡುಗಡೆ ಬಳಿಕ ಈ ಪವರ್ ಬ್ಯಾಂಕ್ ಅಮೆಜಾನ್ ತಾಣದ ಮೂಲಕ ಖರೀದಿಗೆ ಲಭ್ಯವಾಗಲಿದೆ ಎಂಬುದು ದೃಢಪಟ್ಟಿದೆ. ಶಿಯೋಮಿ ತನ್ನ ಅಧಿಕೃತ ವೆಬ್ಸೈಟ್ ಹಾಗೂ ಆಫ್ಲೈನ್ ರಿಟೇಲ್ ಸ್ಟೋರ್ಗಳಲ್ಲಿಯೂ ಈ ಹೊಸ ಪವರ್ ಬ್ಯಾಂಕ್ ಅನ್ನು ಮಾರಾಟ ಮಾಡುವ ಸಾಧ್ಯತೆ ಇದೆ.
ನಿರೀಕ್ಷಿತ ಫೀಚರ್ಸ್ ಮಾಹಿತಿ
ಶಿಯೋಮಿ ಪವರ್ ಬ್ಯಾಂಕ್ 5i ಪವರ್ ಬ್ಯಾಂಕ್ನಲ್ಲಿ ಒಟ್ಟು ಮೂರು ಚಾರ್ಜಿಂಗ್ ಔಟ್ಪುಟ್ಗಳು ಲಭ್ಯ ಇರಲಿವೆ. ಇದರಲ್ಲಿ ಬಿಲ್ಟ್-ಇನ್ USB Type-C ಕೇಬಲ್, ಒಂದು USB Type-C ಪೋರ್ಟ್ ಹಾಗೂ ಒಂದು USB Type-A ಪೋರ್ಟ್ ಸೇರಿವೆ. ಇದರ ಮೂಲಕ ಒಂದೇ ಸಮಯದಲ್ಲಿ ಮೂರು ಡಿವೈಸ್ ಚಾರ್ಜ್ ಮಾಡಬಹುದಾಗಿದೆ. ಹಾಗೆಯೇ ವೈರ್ಲೆಸ್ ಇಯರ್ಬಡ್ಸ್, ಸ್ಮಾರ್ಟ್ ಬ್ಯಾಂಡ್ಗಳಿಗಾಗಿ Low Current ಚಾರ್ಜಿಂಗ್ ಮೋಡ್ ಅನ್ನು ಕೂಡ ನೀಡಲಾಗಿದೆ. USB Type-C ಪೋರ್ಟ್ ಬಳಸುವಾಗ ಈ ಮೋಡ್ ಸ್ವಯಂಚಾಲಿತವಾಗಿ ಸಕ್ರಿಯವಾಗುವ ಸೌಲಭ್ಯ ಇರಲಿದೆ.
ಈ ಪವರ್ ಬ್ಯಾಂಕ್ ಬಿಲ್ಟ್-ಇನ್ USB Type-C ಕೇಬಲ್ ಮತ್ತು USB Type-C ಪೋರ್ಟ್ ಎರಡೂ 65W ಇನ್ಪುಟ್ ಚಾರ್ಜಿಂಗ್ ಸಪೋರ್ಟ್ ಮಾಡಲಿದೆ. ಹಾಗೆಯೇ ಇದೇ ಕೇಬಲ್ ಮತ್ತು Type-C ಪೋರ್ಟ್ ಮೂಲಕ 67W ವರೆಗೆ ಫಾಸ್ಟ್ ಔಟ್ಪುಟ್ ಚಾರ್ಜಿಂಗ್ ಲಭ್ಯವಾಗಲಿದೆ. ಇನ್ನು USB Type-A ಪೋರ್ಟ್ ಮೂಲಕ ಚಾರ್ಜಿಂಗ್ ಪ್ರೋಟೋಕಾಲ್ಗೆ ಅನುಗುಣವಾಗಿ 12V/1.67A ವರೆಗೆ ಔಟ್ಪುಟ್ ನೀಡುವ ಬೆಂಬಲ ಇರಲಿದೆ.
