Government has blocked 119 mobile apps
119 Mobile Apps Blocked: ಪ್ರಸ್ತುತ ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ಕಾಯ್ದೆಯ ಸೆಕ್ಷನ್ 69A ಅಡಿಯಲ್ಲಿ ರಾಷ್ಟ್ರೀಯ ಭದ್ರತಾ ಕಾಳಜಿಯನ್ನು ಉಲ್ಲೇಖಿಸಿ ಸರ್ಕಾರವು ಚೀನಾದ ಡೆವಲಪರ್ಗಳಿಗೆ ಸಂಬಂಧಿಸಿದ ಒಂದಿಷ್ಟು ಮೊಬೈಲ್ ಅಪ್ಲಿಕೇಶನ್ಗಳನ್ನು ನಿರ್ಬಂಧಿಸಿದೆ. ಅಂದ್ರೆ ಮತ್ತೆ 119 ಮೊಬೈಲ್ ಅಪ್ಲಿಕೇಶನ್ಗಳನ್ನು ಸದ್ದಿಲ್ಲದೇ ಭಾರತದಲ್ಲಿ ಬಳಕೆಗೆ ತಡೆಹಿಡಿದು ಬ್ಯಾನ್ ಮಾಡಿದೆ.
ಇದರ ಹಿಂದಿನ ಕಾರಣವೆಂದರೆ ಈ ಎಲ್ಲ ಅಪ್ಲಿಕೇಶನ್ಗಳ ಹಿಂದೆ ಚೀನಾದ ಡೆವಲಪರ್ಗಳು ಇರುವುದು ಕಂಡುಬಂದಿದೆ. ಹಾಗಾದ್ರೆ ಯಾವುದು ಈ ಮೊಬೈಲ್ ಅಪ್ಲಿಕೇಶನ್ಗಳು ಮತ್ತು ಈ ಪಟ್ಟಿಯಲ್ಲಿರುವ ಯಾವ್ಯಾವ ಅಪ್ಲಿಕೇಶನ್ಗಳನ್ನು ನೀವು ಇನ್ನೂ ಬಳಸುತ್ತಿದ್ದಿರ ಎನ್ನುವುದುನ್ನು ಈ ಕೆಳಗೆ ಪರಿಶೀಲಿಸಬಹುದು.
Also Read: ವಾವ್! One UI 7.0 ಜೊತೆಗಿನ Samsung Galaxy F06 5G ಮೊದಲ ಮಾರಾಟ! ಫೀಚರ್ ಮತ್ತು ಬೆಲೆಯಂತೂ ಸೂಪರ್!
ಭಾರತ ಮಾಹಿತಿ ತಂತ್ರಜ್ಞಾನ ಕಾಯ್ದೆಯ ಸೆಕ್ಷನ್ 69A ಅಡಿಯಲ್ಲಿ ನೀಡಲಾದ ನಿರ್ಬಂಧಿಸುವ ಆದೇಶಗಳು ಸಿಂಗಾಪುರ್, ಯುನೈಟೆಡ್ ಸ್ಟೇಟ್ಸ್, ಯುನೈಟೆಡ್ ಕಿಂಗ್ಡಮ್ ಮತ್ತು ಆಸ್ಟ್ರೇಲಿಯಾದ ಕೆಲವು ಅಪ್ಲಿಕೇಶನ್ಗಳ ಮೇಲೂ ಪರಿಣಾಮ ಬೀರುತ್ತವೆ ಎಂದು ವರದಿಯಾಗಿದೆ. ಸೆಕ್ಷನ್ 69A ರಾಷ್ಟ್ರೀಯ ಭದ್ರತೆ ಮತ್ತು ಸಾರ್ವಜನಿಕ ಸುವ್ಯವಸ್ಥೆಯ ಕಾರಣಗಳಿಗಾಗಿ ಆನ್ಲೈನ್ ವಿಷಯಕ್ಕೆ ಸಾರ್ವಜನಿಕ ಪ್ರವೇಶವನ್ನು ನಿರ್ಬಂಧಿಸಲು ಕೇಂದ್ರ ಸರ್ಕಾರಕ್ಕೆ ಅಧಿಕಾರ ನೀಡುತ್ತದೆ. ಅಧಿಕಾರಿಗಳು ಅದೇ ಅಡಿಯಲ್ಲಿ ಆದೇಶಗಳು ಗೌಪ್ಯವಾಗಿರುತ್ತವೆ ಎಂದು ಪ್ರಕಟಣೆಗೆ ತಿಳಿಸಿದ್ದಾರೆ.
ಹೆಚ್ಚಿನ ಅಪ್ಲಿಕೇಶನ್ಗಳು ಡೌನ್ಲೋಡ್ಗೆ ಲಭ್ಯವಿದ್ದು, ಇಲ್ಲಿಯವರೆಗೆ ಕೇವಲ 15 ಅಪ್ಲಿಕೇಶನ್ಗಳನ್ನು ಮಾತ್ರ Google Play Store ನಿಂದ ತೆಗೆದುಹಾಕಲಾಗಿದೆ ಎಂದು MoneyControl ವರದಿ ಮಾಡಿದೆ. ಭಾರತ ಸರ್ಕಾರವು ನಿರ್ಬಂಧಿಸಲು ಆದೇಶಿಸಿದ 119 ಅಪ್ಲಿಕೇಶನ್ಗಳಲ್ಲಿ ಕೇವಲ ಮೂರು ಅಪ್ಲಿಕೇಶನ್ಗಳನ್ನು ಮಾತ್ರ ವರದಿಯಲ್ಲಿ ನಿರ್ದಿಷ್ಟವಾಗಿ ಗುರುತಿಸಲಾಗಿದೆ. ಮ್ಯಾಂಗೋಸ್ಟಾರ್ ತಂಡವು ಅಭಿವೃದ್ಧಿಪಡಿಸಿದ ಸಿಂಗಾಪುರ ಮೂಲದ ವೀಡಿಯೊ ಚಾಟ್ ಮತ್ತು ಗೇಮಿಂಗ್ ಪ್ಲಾಟ್ಫಾರ್ಮ್ ಚಿಲ್ಚಾಟ್, ಒಂದು ಮಿಲಿಯನ್ಗಿಂತಲೂ ಹೆಚ್ಚು ಡೌನ್ಲೋಡ್ಗಳನ್ನು ಮತ್ತು Google Play Store ಮೂಲಕ ಬರೋಬ್ಬರಿ 4.1 ಸ್ಟಾರ್ ರೇಟಿಂಗ್ ಅನ್ನು ಹೊಂದಿವೆ.