ನೀವು ಫೋನ್‌ನಲ್ಲಿ ಮಾತನಾಡುವಾಗ ಈ ಸೌಂಡ್ ಬರುತ್ತದೆಯೇ? ಹಾಗಾದ್ರೆ ನಿಮ್ಮ ಕರೆಯನ್ನು ರೆಕಾರ್ಡ್ ಮಾಡಲಾಗುತ್ತಿದೆ!

ದೂರವಾಣಿ ಸಂಭಾಷಣೆಗಳ ರೆಕಾರ್ಡಿಂಗ್ ಅನ್ನು ನಿಯಂತ್ರಿಸುವ ಕಾನೂನು ಈಗಾಗಲೇ ಲಾಘು ಆಗಿದೆ. ನಿಮ್ಮ ಸಮ್ಮತಿಯಿಲ್ಲದೆ ನಿಮ್ಮ ಫೋನ್ ಕರೆಗಳನ್ನು ರೆಕಾರ್ಡ್ ಮಾಡಲಾಗುತ್ತಿದೆ ಎಂದು ನೀವು ಅನುಮಾನಿಸಿದರೆ ತಕ್ಷಣ ಎಚ್ಚೆತ್ತುಕೊಳ್ಳಿ. ಕರೆಯನ್ನು ರೆಕಾರ್ಡ್ ಮಾಡಲಾಗುತ್ತಿದೆಯೇ ಎಂದು ನಿರ್ಧರಿಸುವುದು ಕಷ್ಟಕರವಾಗಿರುತ್ತದೆ. ಏಕೆಂದರೆ ಆಧುನಿಕ ಡಿಜಿಟಲ್ ರೆಕಾರ್ಡಿಂಗ್ ತಂತ್ರಗಳು ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಗುರುತಿಸಲು ಸ್ವಲ್ಪ ಕಷ್ಟವಾಗಬವುದು. ಇತ್ತೀಚಿನ ದಿನಗಳಲ್ಲಿ ಫೋನ್ ಕರೆಗಳನ್ನು ರೆಕಾರ್ಡ್ ಮಾಡುವುದು ಹೊಸ ವಿಷಯವಲ್ಲ. ಭಾರತದಲ್ಲಿ ಇದು ಕಾನೂನುಬದ್ಧವೂ ಅಲ್ಲ. ಅವರ ಅನುಮತಿಯಿಲ್ಲದೆ ಯಾರೂ ಏನನ್ನೂ ಕೇಳುವಂತಿಲ್ಲ. ಆದರೆ ನಿಮ್ಮ ಕರೆ ರೆಕಾರ್ಡ್ ಆಗುತ್ತಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಕಂಡುಹಿಡಿಯುವುದು ಹೇಗೆ ಎಂಬುದನ್ನು ಇಲ್ಲಿ ನೀಡುತ್ತಿದ್ದೇವೆ.

ನಿಮ್ಮ ಕರೆ ರೆಕಾರ್ಡ್ ಆಗುತ್ತಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಪರಿಶೀಲಿಸುವುದು ಹೇಗೆ?

ನೀವು ಕರೆ ಮಧ್ಯದಲ್ಲಿ ನಿರಂತರ 'ಬೀಪ್' ಶಬ್ದವನ್ನು ಕೇಳಿದರೆ ಇದು ಕರೆಯನ್ನು ರೆಕಾರ್ಡ್ ಮಾಡಲಾಗುತ್ತಿದೆ ಎಂಬುದರ ಸಂಕೇತವಾಗಿದೆ ಎಂದು ನೀವು ಅರ್ಥಮಾಡಿಕೊಳ್ಳಬೇಕು. ಅಂತಹ ಪರಿಸ್ಥಿತಿಯಲ್ಲಿ ನಿಮ್ಮ ಕರೆಯ ಮಧ್ಯದಲ್ಲಿ ನೀವು ನಿರಂತರ ಬೀಪ್ ಶಬ್ದವನ್ನು ಕೇಳುತ್ತಿದ್ದರೆ ನಂತರ ನಿಮ್ಮ ಕರೆ ರೆಕಾರ್ಡ್ ಆಗುತ್ತಿದೆ.

ನಿಮಗೆ ಕರೆ ಬಂದರೆ ಏನು ಮಾಡಬೇಕು?

ಯಾರಾದರೂ ನಿಮ್ಮ ಕರೆಗಳನ್ನು ನಿಮಗೆ ತಿಳಿಯದೆ ರೆಕಾರ್ಡ್ ಮಾಡಿದರೆ ಅದನ್ನು ಕಾನೂನಿನ ಉಲ್ಲಂಘನೆ ಎಂದು ಪರಿಗಣಿಸಲಾಗುತ್ತದೆ. ಆ ವ್ಯಕ್ತಿಯ ವಿರುದ್ಧ ನೀವು ದೂರು ದಾಖಲಿಸಬಹುದು. ಅಲ್ಲದೆ ನೀವು ಅವರಿಂದ ಪರಿಹಾರವನ್ನು ಪಡೆಯಬಹುದು.

Google ಎಲ್ಲಾ ಕರೆ ರೆಕಾರ್ಡಿಂಗ್ ಅಪ್ಲಿಕೇಶನ್‌ಗಳನ್ನು ನಿಷೇಧಿಸಿದೆ:

ಹೌದು ನಿಮಗೊತ್ತಾ ದೇಶದಲ್ಲಿ ಎಲ್ಲಾ ಕರೆ ರೆಕಾರ್ಡಿಂಗ್ ಅಪ್ಲಿಕೇಶನ್‌ಗಳನ್ನು Google ಮತ್ತು ಗೂಗಲ್ ಪ್ಲೇ ಸ್ಟೋರ್ ಬಂದ್ ಮಾಡಿದೆ. ಇವೆಲ್ಲವೂ ಅಕ್ರಮವಾಗಿದ್ದು ಇದರರ್ಥ ಪ್ಲೇ ಸ್ಟೋರ್‌ನಲ್ಲಿ ಯಾವುದೇ ಅಪ್ಲಿಕೇಶನ್ ಕರೆ ರೆಕಾರ್ಡಿಂಗ್ ವೈಶಿಷ್ಟ್ಯದೊಂದಿಗೆ ಬಂದರೆ ಅದನ್ನು ನಿಷೇಧಿಸಲಾಗಿದೆ.

ಅಂತರ್ನಿರ್ಮಿತ ಕರೆ ರೆಕಾರ್ಡಿಂಗ್:

ಅಪ್ಲಿಕೇಶನ್ಗಳನ್ನು ಖಂಡಿತವಾಗಿಯೂ ನಿಷೇಧಿಸಲಾಗಿದೆ. ಆದರೆ ಫೋನ್‌ನಲ್ಲಿ ಒದಗಿಸಲಾದ ಇನ್-ಬಿಲ್ಟ್ ಕರೆ ರೆಕಾರ್ಡಿಂಗ್ ವೈಶಿಷ್ಟ್ಯವನ್ನು ಇನ್ನೂ ಬಳಸಬಹುದು. ಇದರ ಮೂಲಕ ನಿಮ್ಮ ಕರೆಗಳನ್ನೂ ರೆಕಾರ್ಡ್ ಮಾಡಬಹುದು.

ಕರೆ ರೆಕಾರ್ಡಿಂಗ್‌ಗೆ Google ವಿರುದ್ಧವಾಗಿದೆ:

Google ಕೆಲವು ವರ್ಷಗಳಿಂದ ಕರೆ ರೆಕಾರ್ಡಿಂಗ್ ಅಪ್ಲಿಕೇಶನ್‌ಗಳು ಮತ್ತು ಸೇವೆಗಳ ವಿರುದ್ಧವಾಗಿದೆ. ಕಂಪನಿಯ ಪ್ರಕಾರ ಕರೆ ರೆಕಾರ್ಡಿಂಗ್ ಬಳಕೆದಾರರ ಗೌಪ್ಯತೆಯ ಉಲ್ಲಂಘನೆಯಾಗಿದೆ. ಈ ಕಾರಣಕ್ಕೆ ಅವರದೇ ಡಯಲರ್ ಆಪ್ ನಲ್ಲಿ ಯಾರದ್ದೋ ಕರೆ ರೆಕಾರ್ಡ್ ಆದಾಗಲೆಲ್ಲ ಅದರಲ್ಲಿ ಈಗ ಈ ಕರೆ ರೆಕಾರ್ಡ್ ಆಗುತ್ತಿದೆ ಎಂಬ ಸ್ಪಷ್ಟ ಸಂದೇಶ ಕೇಳಿಬರುತ್ತಿದೆ. ಇದು ಕರೆ ಮಾಡುವವರು ಮತ್ತು ಸ್ವೀಕರಿಸುವವರಿಬ್ಬರಿಗೂ ಕೇಳಿಸುತ್ತದೆ.