Free Passes For FDR - Republic Day 2026
Free Passes For FDR – Republic Day 2026: ಭಾರತದ 77ನೇ ಗಣರಾಜ್ಯೋತ್ಸವದ ಸಂಭ್ರಮಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಪ್ರತಿ ವರ್ಷದಂತೆ ಜನವರಿ 26 ಮುಖ್ಯ ಸಮಾರಂಭಕ್ಕೂ ಮುನ್ನ ಜನವರಿ 23 ರಂದು ದೆಹಲಿಯ ಕರ್ತವ್ಯ ಪಥದಲ್ಲಿ ‘ಫುಲ್ ಡ್ರೆಸ್ ರಿಹರ್ಸಲ್’ (Full Dress Rehearsal) ನಡೆಯಲಿದೆ. ಇದು ಅಸಲಿ ಪರೇಡ್ನಂತೆಯೇ ಭವ್ಯವಾಗಿರುತ್ತದೆ ಮತ್ತು ಇದನ್ನು ಹತ್ತಿರದಿಂದ ನೋಡಲು ಸಾವಿರಾರು ಜನರು ಆಸಕ್ತಿ ತೋರಿಸುತ್ತಾರೆ. ಈ ರಿಹರ್ಸಲ್ ಅನ್ನು ವೀಕ್ಷಿಸಲು ಸಾರ್ವಜನಿಕರಿಗೆ ಉಚಿತವಾಗಿ ಪಾಸ್ಗಳನ್ನು ನೀಡಲಾಗುತ್ತದೆ. ಈ ಪಾಸ್ಗಳನ್ನು ಪಡೆಯಲು ರಕ್ಷಣಾ ಸಚಿವಾಲಯವು ಆನ್ಲೈನ್ ಪೋರ್ಟಲ್ ವ್ಯವಸ್ಥೆ ಮಾಡಿದ್ದು ಜನರು ಸುಲಭವಾಗಿ ಮನೆಯಲ್ಲಿಯೇ ಕುಳಿತು ಬುಕ್ ಮಾಡಬಹುದಾಗಿದೆ.
ನೀವು ಫುಲ್ ಡ್ರೆಸ್ ರಿಹರ್ಸಲ್ ವೀಕ್ಷಿಸಲು ಬಯಸಿದರೆ ಮೊದಲು ರಕ್ಷಣಾ ಸಚಿವಾಲಯದ ಅಧಿಕೃತ ಆಮಂತ್ರಣ (Aamantran) ಪೋರ್ಟಲ್ಗೆ (aamantran.mod.gov.in) ಭೇಟಿ ನೀಡಬೇಕು. ಅಲ್ಲಿ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ ಒಟಿಪಿ (OTP) ಮೂಲಕ ಲಾಗಿನ್ ಆಗಬೇಕು. ನಂತರ ನಿಮ್ಮ ಹೆಸರು, ವಿಳಾಸ ಮತ್ತು ಆಧಾರ್ ಕಾರ್ಡ್ನಂತಹ ಸರ್ಕಾರದ ಅಧಿಕೃತ ಗುರುತಿನ ಚೀಟಿಯ ವಿವರಗಳನ್ನು ಭರ್ತಿ ಮಾಡಬೇಕು. ಕಾರ್ಯಕ್ರಮಗಳ ಪಟ್ಟಿಯಲ್ಲಿ ‘Full Dress Rehearsal’ ಅನ್ನು ಆಯ್ಕೆ ಮಾಡಿ ನಿಮ್ಮ ಫೋಟೋ ಅಪ್ಲೋಡ್ ಮಾಡಿದರೆ ಬುಕಿಂಗ್ ಪ್ರಕ್ರಿಯೆ ಪೂರ್ಣಗೊಳ್ಳುತ್ತದೆ. ಈ ಪಾಸ್ಗಳು ಸೀಮಿತ ಸಂಖ್ಯೆಯಲ್ಲಿ ಇರುವುದರಿಂದ ‘ಮೊದಲು ಬಂದವರಿಗೆ ಮೊದಲ ಆದ್ಯತೆ’ (First Come First Serve) ಆಧಾರದ ಮೇಲೆ ವಿತರಿಸಲಾಗುತ್ತದೆ. ಗಮನಿಸಿ ಈ ಪಾಸ್ ನಾಳೆ ಅಂದರೆ 15-16ನೇ ಜನವರಿಯಂದು ಮಾತ್ರ ಲಭ್ಯವಾಗಲಿದೆ ಇಂದು ನೀವು ರಿಜಿಸ್ಟರ್ ಮಾಡಿಕೊಳ್ಳಬಹುದು.
ಒಂದು ವೇಳೆ ನಿಮಗೆ ಆನ್ಲೈನ್ನಲ್ಲಿ ಬುಕ್ ಮಾಡಲು ಸಾಧ್ಯವಾಗದಿದ್ದರೆ ದೆಹಲಿಯ ಕೆಲವು ಆಯ್ದ ಸ್ಥಳಗಳಲ್ಲಿ ಅಂದರೆ ಸೇನಾ ಭವನ, ಜಂತರ್ ಮಂತರ್ ಅಥವಾ ಶಾಸ್ತ್ರಿ ಭವನದ ಬಳಿ ಇರುವ ವಿಶೇಷ ಕೌಂಟರ್ಗಳ ಮೂಲಕವೂ ಪಾಸ್ಗಳನ್ನು ಪಡೆಯಬಹುದು. ಆದರೆ ಇಲ್ಲಿಯೂ ಸಹ ನಿಮ್ಮ ಮೂಲ ಗುರುತಿನ ಚೀಟಿ (Original ID Proof) ಕಡ್ಡಾಯವಾಗಿರಬೇಕು. ನೆನಪಿರಲಿ ರಿಹರ್ಸಲ್ ದಿನದಂದು ಭದ್ರತೆ ಹಿತದೃಷ್ಟಿಯಿಂದ ಮೊಬೈಲ್ ಫೋನ್, ಕ್ಯಾಮೆರಾ ಅಥವಾ ಬ್ಯಾಗ್ಗಳನ್ನು ಗ್ಯಾಲರಿಯೊಳಗೆ ಕೊಂಡೊಯ್ಯಲು ಅನುಮತಿ ಇರುವುದಿಲ್ಲ. ಪಾಸ್ ಪಡೆದ ನಂತರ ಅದರಲ್ಲಿ ನಮೂದಿಸಿರುವ ಸಮಯಕ್ಕಿಂತ ಕನಿಷ್ಠ ಎರಡು ಗಂಟೆ ಮುಂಚಿತವಾಗಿ ಸ್ಥಳಕ್ಕೆ ತಲುಪುವುದು ಉತ್ತಮ ಏಕೆಂದರೆ ಭದ್ರತಾ ತಪಾಸಣೆಗೆ ಹೆಚ್ಚು ಸಮಯ ಬೇಕಾಗುತ್ತದೆ.
