PF ಖಾತೆದಾರರಿಗೆ ಗುಡ್‌ನ್ಯೂಸ್: ಇನ್ಮುಂದೆ WhatsApp ಮೂಲಕವೇ ಬ್ಯಾಲೆನ್ಸ್ ಮತ್ತು ಪಾಸ್‌ಬುಕ್ ಮಾಹಿತಿ
Follow Us
ನೌಕರರ ಭವಿಷ್ಯ ನಿಧಿ ಸಂಸ್ಥೆ (EPFO) ತನ್ನ ಚಂದಾದಾರರಿಗೆ ಮತ್ತಷ್ಟು ಸುಲಭವಾಗಿ ಸೇವೆಗಳನ್ನು ಒದಗಿಸುವ ಉದ್ದೇಶದಿಂದ ಹೊಸ ಉಪಕ್ರಮಗಳನ್ನು ಜಾರಿಗೆ ತಂದಿದೆ. ಇಪಿಎಫ್‌ಒ ತನ್ನ 74ನೇ ಸಂಸ್ಥಾಪನಾ ದಿನದ ಅಂಗವಾಗಿ ಕೆಲವು ಪ್ರಮುಖ PF ಸೇವೆಗಳನ್ನು ವಾಟ್ಸಾಪ್‌ಗೆ ಪರಿಚಯಿಸಿದ್ದು, ಅರ್ಹ ನಿಷ್ಕ್ರಿಯ ಪಿಎಫ್ ಖಾತೆಗಳಲ್ಲಿರುವ ಹಣವನ್ನು ಆಟೋಮ್ಯಾಟಿಕ್ ಆಗಿ ಇತ್ಯರ್ಥಪಡಿಸುವ ವ್ಯವಸ್ಥೆಯನ್ನೂ ಆರಂಭಿಸಿದೆ. ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವ ಡಾ. ಮನ್ಸುಖ್ ಮಾಂಡವಿಯಾ ಅವರು ಈ ಹೊಸ ಉಪಕ್ರಮಗಳಿಗೆ ಚಾಲನೆ ನೀಡಿದ್ದಾರೆ. ಇದರ ಮುಖ್ಯ ಉದ್ದೇಶ ಪಿಎಫ್ ಸದಸ್ಯರು ಕಚೇರಿಗಳಿಗೆ ಅಲೆದಾಡದೆ, ಡಿಜಿಟಲ್ ವೇದಿಕೆಗಳ ಮೂಲಕವೇ ಅಗತ್ಯ ಸೇವೆಗಳನ್ನು ಸುಲಭವಾಗಿ ಪಡೆಯುವಂತೆ ಮಾಡುವುದು.
SurveyAlso Read : ದೀರ್ಘಾವಧಿ ವ್ಯಾಲಿಡಿಟಿ ಜೊತೆಗೆ ಅಧಿಕ ಡೇಟಾ ಸೌಲಭ್ಯಕ್ಕಾಗಿ Jio ಟೆಲಿಕಾಂನ ಈ ಪ್ಲಾನ್‌ ಉತ್ತಮ!
ವಾಟ್ಸಾಪ್‌ನಲ್ಲೇ PF ಬ್ಯಾಲೆನ್ಸ್ ಮಾಹಿತಿ
ಇನ್ಮುಂದೆ EPFO ಚಂದಾದಾರರು ತಮ್ಮ ಪಿಎಫ್ ಖಾತೆಯ ಕೆಲವು ಪ್ರಮುಖ ಮಾಹಿತಿಗಳನ್ನು ವಾಟ್ಸಾಪ್‌ ಮೂಲಕವೇ ಪಡೆದುಕೊಳ್ಳಬಹುದು. ಇಪಿಎಫ್‌ಒನ ಅಧಿಕೃತವಾಗಿ ಪರಿಶೀಲಿಸಲಾದ ವಾಟ್ಸಾಪ್‌ ಸೇವೆಯ ಮೂಲಕ ಪಿಎಫ್ ಖಾತೆಯಲ್ಲಿರುವ ಒಟ್ಟು ಬ್ಯಾಲೆನ್ಸ್, ಇತ್ತೀಚಿನ ಐದು ವಹಿವಾಟುಗಳ ವಿವರ, ಪಿಎಫ್ ಪಾಸ್‌ಬುಕ್ ಮಾಹಿತಿ
ಹಾಗೆಯೇ ಪಿಎಂವಿಬಿಆರ್‌ವೈ (PMVBRY) ಯೋಜನೆಗೆ ಸಂಬಂಧಿಸಿದ ಅಗತ್ಯ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಲು ಸದಸ್ಯರಿಗೆ ವೈಯಕ್ತಿಕ ಮಾರ್ಗದರ್ಶನ ಮತ್ತು ನೆರವನ್ನೂ ಒದಗಿಸಲಾಗುತ್ತದೆ.
ಈ ಹೊಸ ವ್ಯವಸ್ಥೆಯಿಂದ ಸದಸ್ಯರು ಪಿಎಫ್ ಮಾಹಿತಿಗಾಗಿ ಪ್ರತ್ಯೇಕವಾಗಿ ಕಚೇರಿಗಳಿಗೆ ಭೇಟಿ ನೀಡುವ ಅಥವಾ ಇತರ ಡಿಜಿಟಲ್ ಸೇವೆಗಳನ್ನು ಹುಡುಕುವ ಅಗತ್ಯ ಕಡಿಮೆಯಾಗುವ ನಿರೀಕ್ಷೆಯಿದೆ. ಸಾಮಾನ್ಯವಾಗಿ ಎಲ್ಲರೂ ಬಳಸುವ ವಾಟ್ಸಪ್‌ನಲ್ಲೇ ಅಗತ್ಯ ಮಾಹಿತಿಯನ್ನು ಪಡೆಯಲು ಸಾಧ್ಯವಾಗುವುದು ಈ ಉಪಕ್ರಮದ ಪ್ರಮುಖ ವಿಶೇಷತೆಯಾಗಿದೆ.
ಪಿಎಫ್ ಖಾತೆಗಳ ಹಣ ಆಟೋಮ್ಯಾಟಿಕ್ ಸೆಟಲ್‌
ಇಪಿಎಫ್‌ಒ ಆರಂಭಿಸಿರುವ ಮತ್ತೊಂದು ಪ್ರಮುಖ ಉಪಕ್ರಮವೆಂದರೆ ಅರ್ಹ ನಿಷ್ಕ್ರಿಯ ಪಿಎಫ್ ಖಾತೆಗಳಲ್ಲಿರುವ ಹಣವನ್ನು ಸ್ವಯಂಚಾಲಿತವಾಗಿ ಇತ್ಯರ್ಥಪಡಿಸುವ ವ್ಯವಸ್ಥೆ. ಈ ಹೊಸ ನಿಯಮದ ಪ್ರಕಾರ 1,000 ರೂ.ಗಳು ಅಥವಾ ಅದಕ್ಕಿಂತ ಕಡಿಮೆ ಬಾಕಿ ಹೊಂದಿರುವ ಆಧಾರ್ ಪರಿಶೀಲಿತ ನಿಷ್ಕ್ರಿಯ ಇಪಿಎಫ್ ಖಾತೆಗಳ ಸದಸ್ಯರು ಹಣ ಪಡೆಯಲು ಪ್ರತ್ಯೇಕವಾಗಿ ಕ್ಲೈಮ್ ಸಲ್ಲಿಸುವ ಅಗತ್ಯವಿಲ್ಲ. ಅಗತ್ಯ ಗುರುತು ಮತ್ತು ಬ್ಯಾಂಕ್ ಖಾತೆ ಪರಿಶೀಲನೆ ಪೂರ್ಣಗೊಂಡ ನಂತರ, ಇಪಿಎಫ್‌ಒ ಸ್ವಯಂಚಾಲಿತವಾಗಿಯೇ ಇತ್ಯರ್ಥ ಪ್ರಕ್ರಿಯೆಯನ್ನು ಆರಂಭಿಸಲಿದೆ. ಇದರಿಂದ ಅರ್ಹ ಫಲಾನುಭವಿಗಳ ಬ್ಯಾಂಕ್ ಖಾತೆಗಳಿಗೆ ಬಾಕಿ ಹಣ ವರ್ಗಾವಣೆಯಾಗಲಿದೆ.
