ಭಾರತದಲ್ಲಿ Apple AirPods 5 ಬಿಡುಗಡೆ: ಬೆಲೆ ಹಾಗೂ ಫೀಚರ್ಸ್ ವಿವರ ಇಲ್ಲಿದೆ
Follow Us
ಆಪಲ್ ತನ್ನ Surprise and Shine ಕಾರ್ಯಕ್ರಮದಲ್ಲಿ ಐಫೋನ್ 18 ಪ್ರೊ, ಪ್ರೊ ಮ್ಯಾಕ್ಸ್ ಹಾಗೂ ಐಫೋನ್ ಡ್ಯುಯೊ ಫೋನ್ಗಳ ಜೊತೆಗೆ Apple AirPods 5 ಸ್ಟ್ಯಾಂಡರ್ಡ್ ಏರ್ಪಾಡ್ಸ್ ಶ್ರೇಣಿಯನ್ನು ಬಿಡುಗಡೆ ಮಾಡಿದೆ. ಹೊಸ ಮಾದರಿಯಲ್ಲಿ ಆಕ್ಟಿವ್ ನಾಯ್ಸ್ ಕ್ಯಾನ್ಸಲೇಶನ್ (ANC) ಸೇರಿದಂತೆ ಹಲವು ಫೀಚರ್ಸ್ಗಳನ್ನು ನೀಡಲಾಗಿದೆ. ಇದರೊಂದಿಗೆ ವೈರ್ಲೆಸ್ ಚಾರ್ಜಿಂಗ್ ಕೇಸ್ ಹೊಂದಿರುವ ಮತ್ತೊಂದು ಮಾಡೆಲ್ನ್ನು ಕಂಪನಿ ಪರಿಚಯಿಸಿದೆ. ಹಾಗಾದರೆ ಆಪಲ್ ಕಂಪನಿಯ ಏರ್ಪಾಡ್ಸ್ 5 ಬೆಲೆ ಎಷ್ಟು? ಫೀಚರ್ಸ್ಗಳೇನು? ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
SurveyAlso Read : Apple ಕಂಪನಿಯ ಮೊದಲ ಫೋಲ್ಡಬಲ್ ಐಫೋನ್ ‘iPhone Duo’ ಲಾಂಚ್: ಬೆಲೆ, ಫೀಚರ್ಸ್ ನೋಡಿ
Apple AirPods 5 ಬೆಲೆ ಹಾಗೂ ಲಭ್ಯತೆ ಮಾಹಿತಿ
ಆಪಲ್ ಕಂಪನಿಯ ಏರ್ಪಾಡ್ಸ್ 5 ಡಿವೈಸ್ ಭಾರತದಲ್ಲಿ 14,900 ರೂ.ಗಳ ಬೆಲೆಯಲ್ಲಿ ಮುಂಗಡವಾಗಿ ಆರ್ಡರ್ ಮಾಡಬಹುದು. ಈ ವೇರಿಯಂಟ್ ಇದೇ ಸೆಪ್ಟೆಂಬರ್ 18 ರಿಂದ ದೇಶದ ಆಪಲ್ ಸ್ಟೋರ್ಗಳಲ್ಲಿ ಲಭ್ಯವಾಗಲಿದೆ. ಇನ್ನು ವೈರ್ಲೆಸ್ ಚಾರ್ಜಿಂಗ್ ಕೇಸ್ ಹೊಂದಿರುವ ಏರ್ಪಾಡ್ಸ್ 5 ವೇರಿಯಂಟ್ 17,900 ರೂ.ಗಳ ಬೆಲೆಯನ್ನು ಹೊಂದಿದೆ. ಈ ವೇರಿಯಂಟ್ ಸಹ ಸೆಪ್ಟೆಂಬರ್ 18 ರಿಂದ ಮಾರಾಟಕ್ಕೆ ಬರಲಿದೆ.
ಆಪಲ್ ಏರ್ಪಾಡ್ಸ್ 5 ಫೀಚರ್ಸ್
ಆಪಲ್ನ ಈ ಹೊಸ ಏರ್ಪಾಡ್ ಡಿವೈಸ್ ಹಾಫ್ ಇನ್-ಇಯರ್ ವಿನ್ಯಾಸವನ್ನೇ ಮುಂದುವರಿಸಿದೆ. ವಿಶೇಷವಾಗಿ ಆಪಲ್ ಡಿವೈಸ್ಗಳೊಂದಿಗೆ ಸುಲಭವಾಗಿ ಕನೆಕ್ಟ್ ಆಗಿ ಕಾರ್ಯನಿರ್ವಹಿಸುವ ವೈರ್ಲೆಸ್ ಇಯರ್ಬಡ್ಸ್ ಬಯಸುವ ಬಳಕೆದಾರರನ್ನು ಇದು ಆಕರ್ಷಿಸಲಿದೆ. ಈ ಡಿವೈಸ್ ಅತ್ಯುತ್ತಮ ವಾಯ್ಸ್ ಅನುಭವವನ್ನು ನೀಡುತ್ತದೆ ಎಂದು ಆಪಲ್ ಹೇಳಿದೆ. ಈ ಹಿಂದಿನ ಸರಣಿಗೆ ಹೋಲಿಸಿದರೆ ಹೊಸ ಮಾದರಿಯಲ್ಲಿ 50%ರಷ್ಟು ಹೆಚ್ಚಿನ ಶಬ್ದ ಕಡಿತ ಸಾಮರ್ಥ್ಯ ಹೊಂದಿರುವ ಸುಧಾರಿತ ANC ನೀಡಲಾಗಿದೆ.
ವೈರ್ಲೆಸ್ ಚಾರ್ಜಿಂಗ್ ಕೇಸ್ ಹೊಂದಿರುವ ಹೈ ಎಂಡ್ ಮಾದರಿಯಲ್ಲಿ ANC ಆನ್ ಮಾಡಿದಾಗ 5 ಗಂಟೆಗಳವರೆಗೆ ಬ್ಯಾಟರಿ ಬ್ಯಾಕಪ್ ಸಿಗಲಿದೆ. ಇದರೊಂದಿಗೆ ಈ ಎರಡೂ ಮಾದರಿಗಳು USB-C ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತವೆ. ಹಾಗೆಯೇ Live Translation, Transparency Mode, Conversation Awareness ಹಾಗೂ Siri AI ಸೇರಿದಂತೆ ಹಲವು ಫೀಚರ್ಸ್ಗಳನ್ನು ಏರ್ಪಾಡ್ 5 ಹೊಂದಿದೆ. ಅಲ್ಲದೆ IP57 ರೇಟಿಂಗ್ ಸೌಲಭ್ಯ ಪಡೆದಿದ್ದು, ಧೂಳು ಮತ್ತು ನೀರಿನ ವಿರುದ್ಧವೂ ಉತ್ತಮ ರಕ್ಷಣೆ ನೀಡಲಿದೆ.
