വീണ്ടും നീട്ടി! Free ആയി Aadhaar Update ചെയ്യാൻ കുറച്ച് സമയം കൂടി അനുവദിച്ച് UIDAI

സൗജന്യമായി Aadhaar Update ചെയ്യുന്നതിന് വീണ്ടും സമയം കൂടുതൽ അനുവദിച്ച് UIDAI. ഡിസംബർ 14നായിരുന്നു ഫ്രീ ആധാർ അപ്ഡേറ്റിനുള്ള കാലാവധി അനുവദിച്ചിരുന്നു. ഇപ്പോഴിതാ, March 14 വരെ വീണ്ടും സമയം കൂട്ടി നൽകിയിരിക്കുകയാണ് അധികൃതർ. നാളെ അവസാനിക്കാനിരുന്ന സൗജന്യ അപ്ഡേഷൻ കാലാവധി എന്തുകൊണ്ടാണ് പുതുക്കി നൽകിയതെന്നും, യുഐഡിഎഐയുടെ പുതിയ അറിയിപ്പും വിശദമായി അറിയാം.

Survey

Aadhaar Update കാലാവധി നീട്ടി

മുമ്പ് സെപ്തംബർ 14ന് Deadline നിശ്ചയിച്ചിരുന്ന ആധാർ കാർഡ് അപ്ഡേറ്റിന്റെ കാലാവധി ഡിസംബറിലേക്ക് മാറ്റി വച്ചിരുന്നു. എന്നാൽ ആളുകളുടെ അഭ്യർഥന പ്രമാണിച്ച് വീണ്ടും അടുത്ത വർഷത്തേക്ക് ഇത് നീട്ടുകയായിരുന്നു. ആധാർ കാർഡിനുള്ള ഡോക്യുമെന്റ് അപ്ഡേറ്റ് സൗജന്യമായി നടത്തുന്നതിന് 3 മാസത്തേക്ക് കൂടി സമയം അനുവദിക്കുന്നുവെന്ന് യുഐഡിഎഐ തന്നെയാണ് അറിയിച്ചത്.

Add As A Trusted Source For Google.

Add as a preferred source on Google

എന്നാൽ, ശ്രദ്ധിക്കുക myAadhaar പോർട്ടലിൽ മാത്രമാണ് ഈ സൗജന്യ സേവനം ലഭിക്കുക. അക്ഷയ കേന്ദ്രങ്ങളിലും ആധാർ സേവാ കേന്ദ്രങ്ങളിലും ആധാറിൽ മാറ്റം വരുത്തുന്നതിന് പണം ഈടാക്കേണ്ടിവരും. ഇവിടെ 50 രൂപയാണ് ഈടാക്കുക. എന്നാൽ നിങ്ങൾ അപ്ഡേറ്റ് ചെയ്യുന്ന വിവരങ്ങൾ അനുസരിച്ച് ഫീസിലും മാറ്റം വരും.

Aadhaar Update ഓൺലൈനിൽ

നിങ്ങളുടെ പേര്, അഡ്രസ് പ്രൂഫ് (PoI/PoA) ഡോക്യുമെന്റുകൾ പത്ത് വർഷത്തിലൊരിക്കൽ അപ്ഡേറ്റ് ചെയ്യണമെന്നാണ് UIDAI നിർദേശിക്കുന്നത്. അതായത് എൻറോൾമെന്റ് തീയതി മുതലുള്ള 10 വർഷത്തിൽ ഒരിക്കൽ വിവരങ്ങളും ഫോട്ടോയും മാറ്റം വരുത്തണം.

ഇവ മാറ്റം വരുത്തുന്നതിന് മൈആധാർ പോലുള്ള ഓൺലൈൻ പോർട്ടൽ സംവിധാനങ്ങൾ പ്രയോജനപ്പെടുത്താം. ഇതിനായി, രജിസ്റ്റർ ചെയ്ത മൊബൈൽ നമ്പറിലേക്ക് ഒരു ഒറ്റത്തവണ പാസ്‌വേഡ് (OTP) അയച്ചാണ് ആധാർ അപ്ഡേറ്റ് ചെയ്യേണ്ടത്.

പേരും ജനനത്തീയതിയും മേൽവിലാസവും അപ്ഡേറ്റ് ചെയ്യാനില്ലാത്തവരായാലും, ഒരു ദശകത്തിനുള്ളിൽ ഫോട്ടോ അപ്ഡേറ്റ് ചെയ്യണമെന്നാണ് പറയുന്നത്. വീട്ടിലിരുന്ന് എങ്ങനെയാണ് ആധാറിൽ ഫോട്ടോ അപ്ഡേറ്റ് ചെയ്യുന്നതെന്ന് നോക്കാം…

Read More: iPhone in India: ഇന്ത്യയിലെ പടുകൂറ്റൻ Apple ഫാക്ടറി നമ്മുടെ തൊട്ടയൽപകത്ത്, അതും TATA-യുടെ വക!

ആധാർ ഫോട്ടോ അപ്ഡേറ്റ് ഗൈഡ്

• ഇതിനായി ആദ്യം UIDAI സൈറ്റ് സന്ദർശിക്കുക.
• ഇവിടെ നിന്നും ആധാർ എൻറോൾമെന്റ് ഫോം ഡൗൺലോഡ് ചെയ്യുക
• ഈ എൻറോൾമെന്റ് ഫോമിൽ ആവശ്യമായ വിവരങ്ങൾ ഫിൽ ചെയ്യുക
• ഇത് അടുത്തുള്ള ആധാർ സേവാ കേന്ദ്രത്തിലോ അക്ഷയ സെന്ററിലോ സബ്മിറ്റ് ചെയ്യുക.
• നിങ്ങളുടെ വീടിന് സമീപത്തെ ആധാർ സേവ കേന്ദ്രങ്ങൾ അറിയാൻ യുഐഡിഎഐയുടെ uidai.gov.in/ എന്ന ലിങ്ക് ഉപയോഗിക്കാം.
• ശേഷം ആധാർ എക്‌സിക്യൂട്ടീവ് അംഗം അഥവാ അക്ഷയ പ്രതിനിധി ഈ വിവരങ്ങൾ ബയോമെട്രിക് പരിശോധനയിലൂടെ സ്ഥിരീകരിക്കും.
• അപ്ഡേഷൻ ചാർജിന് ജിഎസ്ടി ഉൾപ്പെടെ 100 രൂപ ഫീസ് ഈടാക്കും.
• ആധാർ അപ്ഡേറ്റ് സ്റ്റാറ്റസ് ട്രാക്ക് ചെയ്യാൻ URN അടങ്ങിയ സ്ലിപ്പ് ലഭിക്കും.
• ഇത് ഉപയോഗിച്ച് 90 ദിവസത്തിനുള്ളിൽ നിങ്ങളുടെ ആധാർ കാർഡ് അപ്ഡേറ്റായോ എന്ന് മനസിലാക്കാം.

മാർച്ച് വരെ സമയം നീട്ടി നൽകിയെങ്കിലും, അവസാന തീയതികളിലെ തിരക്ക് ഒഴിവാക്കാനായി ഇനിയും കാലതാമസമെടുക്കാതെ ആധാർ അപ്ഡേറ്റ് ചെയ്യൂ…

Follow Us

Anju M U

Anju M U, an aspirational technology writer at Digit Malayalam. Covering updates on gadgets, telecom, ott, AI-related content, tech trends and reviews. View Full Profile